Joon 20:15 - ŊWÀʼ NYÙY

¹⁵ Jesus yòŋ jii, «Yaà, à diy ka? À taʼ a dzə̀ la?» Wù nèn a kwàʼtì ji dzə̀ á wír wo wù lim e kiboo fóo fèy, e nèn sùúy sho jii, «Taàtá, a shàʼàr wò dzə́n Jesus, à kù dìn fo à lèmèn, é m li, a dù sho.»

Joon 20:15 Referans Kwoze

Joon 20:13

Á nèn yòŋ jii, «Yaà, à diy ka?» Wù bìnèr jii, «M diy, bìʼ fo á shàʼàrìn dzə́n Taàtá wom, la m yòʼ kìíy fo á lèmèn.»

Joon 18:7

Wù nèn kfə̀n dzə̀r jii, «Vèn taʼ a dzə̀ la?» Á kfən bìnèr jii, «Jesus woó Naasarer.»

Joon 1:38

Jesus bìnkìr, e yèn, aáwune wiy e wùn bàm, wù dzə́r jii, «Vèn du fèé e mǒ bàm?» Á yòŋ jii, «Rabbi, vèr taʼ, e yen fo à shiiyì.» Á wáa yòŋ bèy, a Rabbi dzə̀ ji Ŋgaà Yèʼéy.

Maak 16:6

Wù suúy jii, «Lá vèn yòʼ a fàn. M kì ji vèn taʼ a dzə̀ Jesus woó Naasarer wo vé‑eè yuyrin é kintam. Vèn leéy ri lèmé fo vé‑eè neèrìn wun. Wù yòʼ dzə̀ə́ fo. Wù fəə̀ ne fo kpu.

Matio 28:5

Nshìylav Nyùy rə̀y suúy e vikìy víyi jii, «Lá vèn yòʼ a fàn. M kì ji vèn taʼ a dzə̀ Jesus wo vé‑eè yuyrin é kintam.

Yòv Viŋgér 3:2

Mò‑oò sùúy jii, «Mo‑óò ŋáʼáy lèn, e nə̀ə́ e ŋkàlaʼ, a tàʼ ŋgaà ŋkòŋmé wom fó fo. A tàʼ fo dzəə sí, a tàʼ fo virə̀ʼ vé kitar.» Mò‑oò tàʼ wun, e làa yòʼ yen.

1 Samuel 1:16

Lá à yòʼ a kwàʼ ji m dzə̀ á wiiy kisaŋ. M kì bunrì bèn, bìʼ fo m dzəə̀n é mvə̀m nyar ye tavíné.»

Joon 18:4

Jesus‑eè kìíy ne kinyo ke kí kér fó koóy wun kidzə̀m, wù nèn kòʼtí fo mbìy, e dzə̀r e wír vìyi jii, «Vèn taʼ a dzə̀ la?»

Ŋwàʼ Luk 24:5

Áwune fàn, e gvə̀ʼə́r vitú vév fó nsay. Wír vìyi dzə́r jii, «Vèn taʼ wír wo wù dzəə̀n e tin fo aŋkfəə́ mvəm ji ka?

Matio 12:34

Vèn dzə̀ rám abúv. Bó yòʼ dzə̀ aŋgàa vinyò ve bi ví moo ven ben, á sùúy kinyo ke dzəə̀n ke juŋ ki, bìʼ fo wìr kù yii suuy kinyo a dzə̀ ke kí runen e wùn shiliv.

Yòv Viŋgér 6:1

Yìy à wíri, wiíy wo wù bòŋèn, e shaà vikìy adzə̀m, ŋgaà ŋkòŋmé wò dù a dzə̀ feé? Suúy e vèr, é vèsən wáa tàʼ.

Ŋwàʼ Luk 2:44

Á wáa kwàʼtì ji wù dzə̀ á e mbèʼŋkùm mvəm. Á ghán kishiíy kifur, e lòo leéy wun fo afə́r vév wùn à ŋkar sév sí mvəm,