Joon 20:13 - ŊWÀʼ NYÙY

¹³ Á nèn yòŋ jii, «Yaà, à diy ka?» Wù bìnèr jii, «M diy, bìʼ fo á shàʼàrìn dzə́n Taàtá wom, la m yòʼ kìíy fo á lèmèn.»

Joon 20:13 Referans Kwoze

Joon 20:15

Jesus yòŋ jii, «Yaà, à diy ka? À taʼ a dzə̀ la?» Wù nèn a kwàʼtì ji dzə̀ á wír wo wù lim e kiboo fóo fèy, e nèn sùúy sho jii, «Taàtá, a shàʼàr wò dzə́n Jesus, à kù dìn fo à lèmèn, é m li, a dù sho.»

Joon 2:4

Wù yòŋ jii, «Yìy, à wáa bi mo shó ji m yée? Ghán se dzə̀ m kèʼ lim yém sí yóʼ ne ghèén.»

1 Samuel 1:8

Lum və Elkana lo, wù dzə̀r shó jii, «À diy ka? À tèn fóo yikír ji ka? À sov kitú bèn bìʼ ka? Mo wòsò kù sí dzə́, bó m yoʼ shaà wón vee ghvə̀m à?»

Lim Aŋgàa Ntum 21:13

Wù bìnèr jii, «Vèn diy, semèr shilív shém ben ji ka? M dzə̀ kibáʼtín fóo nəə́ e sháŋ é Jerusalem, e kfə̀n a dzə kibáʼtín fóo kpu bìʼ Taàtá Jesus.»

Joon 20:2

Wù nèn bìnkìr, e lèʼ, e dù, e yèn Simon Pita wùn wàn lìm wo Jesus‑eè koŋ e ŋàŋ və̀y, e sùúy jii, «Á shàʼàr ne dzə́n Taàtá Jesus fo sày fèy, a bó vèr yòʼ kì fo á lèmèn.»

Joon 19:26

Wan lìm Jesus wo wù‑uù kòŋèn é ŋàŋ wáa tiy sa fo. Jesus yén, a wùn yè wov tíy fo ghaŋ, e yòŋ yè wov jii, «Yìy, wan wò sì və̀n»,

Ŋwàʼ Luk 24:17

Wù nèn dzə̀r aáwune jii, «Vèn ghán, fer a dzə̀ ka ke á fer, gháy wún ben?» Áwune tiím, e sòv vitú.

Ŋgaà Tàrvìnyò 3:4

Ghán sé toŋ si dzə̀, a sé sheʼ si dzə̀. Ghán sé dìy si dzə̀, a sé kidzən si dzə̀.

Jeremia 31:16

Nyùy Tàr yoŋ e wun jii, «Sə́sín, lá à yòʼ dzə́ə a dìy, sòr mensíy mè fo wò si. M wíy laamé wò bìʼ wón vé ve wò‑oò lìyìn. Áwune wíy kfən e bàm fo aŋgàa vibàné nsay. Suuy mo woo Nyùy Tàr.