Joon 20:12 - ŊWÀʼ NYÙY

¹² e yèn, a nshèelav se Nyùy si dzə́ fo vé‑eè neèrìn dzə́n Jesus sibaà, a sí máʼ ndzə̀y se fəvír sí. Wùmòʼ‑oò dzə́ fo kitú ke Jesus ki‑iì néŋé, wùmòʼ fo wuú rəə́‑əə̀ néŋé.

Joon 20:12 Referans Kwoze

Ŋgaà Yen 3:4

Yii bèy, a m kù yòʼ kì jii, wír ámóʼó bér e věn mvəm, a bó á yòʼ wáy kiwó e vinyò foo fèy, a bó shilóm shi yòʼ dzə̀ e vee shooyí ndzə̀y. A dzə̀ áwune ve á gheenen fó wìy màʼ ndzə̀y se fəvír sí, é vèr áwune wáa ghan.

Ŋgaà Yen 7:14

M bìnèr jii, «Tàr, bó m yòʼ kì. Kù kì wò.» Wù nèn a naàrì jii, «Wír vee shoone dzə̀ á ve vé‑eè dzəə̀n é ghan sé ŋgeʼ ye tavín, e bóo bòy fo fo. Aá sù ne vikúm vév e mensə́ me Wàn Njiì mè, ví wáa ran, a fər.

Lim Aŋgàa Ntum 1:10

Áwune ku nèn a tiy, a kiy yúv fo wù kóʼó, e lòo sìn, a wíri tíy aáwuné ghaŋ abaà, aá máʼ ndzə̀y se fəvír sí.

Matio 17:2

Á lòo yen, a Jesus kúvsín ne, a kìʼ jeéy. Sí rəə́ wáa ban moo shúy, ndzə̀y sə́ sí wáa fər, e kfə̀n a tokír moo sí shùy.

Daniel 7:9

M kú a leéy, e lòo yèn, aá máʼ kàvàʼ. Ŋgaà wo wù kù‑uù siìn fó yàŋgùʼ dzə́ʼə́m shó. Vikúm ví‑iì fə́r fo wùn wó ji páv moo mbàʼ, a nə́ŋ si fə́r fo kitu wo moo wúy njiì. Kàvàʼ və wáa ker kár si, a kiliímé ke və̀y kí kóʼ fo kar fèy, kfə̀n kóʼ à fó kàvàʼ sho.

2 Wòŋ 5:12

Wír veé ram Levi adzə̀m ve yì‑iì dzəə̀n vé yòvi wáa tiy e ghaa kiy cù, fo mbìv ye yì kiʼ fo shùy yii tó. Vé‑eè dzə̀ jii, Asav, Heman, Jedutun, e bóo lì wón vév wùn à wír vee áwuné kfəə, aá máʼ ndzə̀y se á fèrìn e làv wo fəvír woo fèm, kwáʼ viŋkwaʼ, kum lúŋ mbàytì, kum yé nshì. Atàá cù ve vé‑eè tóŋ sóŋé‑eè tíy aáwuné ghaŋ, aá dzə̀ wír kishóv mbaà é wiì (120).