Joon 20:1 - ŊWÀʼ NYÙY

¹ Wáa dzə e kishiíy ké mbìy ki fó ŋgàm, Maria Magdalen bvə́y vitsə́ʼ vitsə́ʼ, e dù e shùu sày fèy, e yèn, aá tsə́ʼ ne kilán ke vé‑eè sətin shúu sày sho.

Joon 20:1 Referans Kwoze

Maak 16:9

Jesus‑eè fəə̀ fó kpu e kishiíy ké mbìy ki fó ŋgàm kijàvndzə kijàvndzə, e tòmbìy dìn kitú kfə́ e Maria Magdalen wo *anyùyi‑iì jívir wun saàmbà, bo Jesus jum.

Matio 27:60

e dù, e wày e wun woo Joosev sày ye wù‑uù lèmèn ji á wíy dzəə̀mè wun sho, a vé‑eè bùʼ a dzə̀ é wǔn kilan. Wù wáy, e dòm lúm kilan, e sə̀tí shúu sày sho, e nèn lò.

Maak 15:46

Joosev lò, e dù, e yùn kintsə̀m ké ndzə̀y, e sə̀ʼə́r dzə́n Jesus, e boò shó. Wù boó, e lì, e dù, e wày é sày ye vé‑eè bùʼùn é wǔn kilan, e dòm kilán, e sə̀tí shúu sày sho.

Joon 20:26

Ŋgàm kúm, a wón lìm Jesuse kfə̀n kì bàʼtí, a dzə e lav, a Tomar dzə̀ sá fo, a shuu se lav si dzə̀ sifinrìn. Yii bèy, Jesus ku sàsìn, e bvə̀y é lav, e tìím aáwuné nsàn, e shàʼtì jii, «Nyaáŋ kú a dzə e věn mvəm.»

Joon 19:25

Jesus wáa ker e kintam bèy, a yè wov wùn fə̀r yè wov woo wiíy tíy fo ghaŋ, à vikìy ámóʼó sá abaà. Wùmòʼ‑oò dzə̀ Maria woo wiíy Kiliopar, wùmòʼ Maria wo yír rə́ yímóʼó dzəə̀n ji Magdalen.

Ŋgaà Yen 1:10

Nèn wìy lòo dzə e kishiíy ké Nyùy kímóʼ kí, Kiyoy ke Nyùy ki shóŋ mo, m yú, a jì wìr yoŋ mo fó bàm kitávín, súŋnin mo tóŋ wír sóŋ,

Matio 27:64

Vèr nén a lon jii, à ku sùúy, aá du, a shìy say yee shooy, é vishiíy vee vitaár vi shaa. Aá dzə̀ là fó yiì bèy, ghan símóʼ sí, áàŋgaà və́ ŋgoo yiì wìy, e shòŋ dzə́n rə́, a suúy e wíri ji wù fəə̀ ne fo kpu. Á lóo suúy bèy, é kee shoon kee kimboʼtì ki nèn màysì, e fòy, e shaà ké mbìy ki.»

1 Korin 16:2

A kí dzə̀ jii, lóo dzə e kishiíy ké Nyùy kidzə̀m, wìr mòʼón mòʼón kù bàr mbàm símóʼ sí, aá lem jeéy. Wìr lóo bàr, é wù ku bàr a dzə̀ mo mentàsìn mvə mè dzəə̀n. M wíy wiyì, é la vèn yòʼ kfə̀n rə̀sí, a sùʼ mbàm súʼun,

Lim Aŋgàa Ntum 20:7

Wìy lòo dzə e kishiíy ké mbìy ki fó ŋgàm, vèr à kintatì ki báʼtí ji á yínin kikóŋ. Mo Por kì sí bvəə́shi, a lò kijàvndzə, wù nèn kèʼ, a suŋnín, e yiì sùŋnín, e mèé e ntìntìn vitsə̀ʼ.

Matio 27:56

Aámóʼó dzə̀ Maria Magdalen, à Maria woo yìy à Jeem wùn Joosev, à yìy à wón Sebedi.

Matio 27:66

Áwune nèn dù, e nàŋsín tíy ye vé‑eè sətin say sho rə̀y, e fìnèr, e lèm vé rərí, á wáa shìy.

Matio 28:1

Kishiíy ké bam kìy ki shaà, ndzə bvəə́shí, e jàv vitsə́ʼ vitsə́ʼ, a sì kishiíy ké mbìy ki fó ŋgàm, Maria Magdalen wùn Maria woo yìy à Jeem wùn Joosev wáa dù e shùu sày.

Matio 28:2

Nsay nèn sàsìn, a sə̀ʼ kitávín, bìʼ fo nshìylav Nyùy Tàr‑iì səʼəyin fó yuv, e tsə̀ʼ kilán ke vé‑eè sətin say sho kìy, e dzə̀ʼə̀m e kitu wo.

Joon 11:38

Shilív shé Jesus shi nèn kfə̀n màysì, e lùm. Á dù, e mèé e shùu sày, a vé‑eè bùʼ a dzə̀ é wǔn kilan, e dòm kilán, e sə̀tí sho,

Joon 11:41

Á nèn tsə̀ʼ kilán kìy. Jesus leéy yúv, e yòŋ jii, «Tàr, m beerì feyì mo à yuun kinyo kém.