Joon 2:4 - ŊWÀʼ NYÙY

⁴ Wù yòŋ jii, «Yìy, à wáa bi mo shó ji m yée? Ghán se dzə̀ m kèʼ lim yém sí yóʼ ne ghèén.»

Joon 2:4 Referans Kwoze

Joon 7:6

Jesus bìnèr jii, «Ghán se dzə̀ m fəə̀sín sí yóʼ ne ghèén, a ghán sidzə̀m si kù dzə̀ sigheénén fo vèn.

Joon 13:1

Kishiíy ke á kì bvəə́shi, a yi *Ŋkǎʼ Yáʼayshaà ki nèn ghèén, a Jesus kiíy ne ji sì á ghán se wun sí yìi màʼtì ndzə rə̀n, e kfən fo Tàr wóv wùn. Mo wù kù‑uù sí koŋ wír ve yiì dzəə̀n və́ é ndzə fèn, wù ku nèn a kòŋ bèy, e dù, e mày.

Joon 8:20

Jesus wáa suúy vinyo vìn e ghan se wù‑uù yéʼey wíri é lav cù, aáwune kaárí a dzə̀ é shùu buu fo á yii fó mbàm se Nyùy. A bó yòʼ‑oò dzə̀ wír, wù ghàr wun, bìʼ fo ghán se Nyùy‑iì sìysìn sí yòʼ‑oò ló ne ghèén.

Joon 7:30

Á yú kee shooy, e nèn a tàʼ ji á koó Jesus, a bó yòʼ‑oò dzə̀ á kùm, bìʼ fo ghán se Nyùy‑iì sìysìn sí yòʼ‑oò ló ne ghèén.

Joon 12:23

Jesus suúy aáwune jii, «Á lèn wo Nyùy sí yiì bùʼ ŋgaà wo yírí dzəə̀n *Wanwìr e vikuʼùy ve ghaʼán ví.

Ŋgaà Tàrvìnyò 3:1

Á bèy, kinyo kidzə̀m ki kù kér ghán sə́, a kifá kidzə̀m ke vèsən yii ki kù kér ghán sə́ se gheenén sí.

Matio 8:29

Á yén Jesus, e nèn kèʼ, a rəəmé jii, «Wò woo Wan Nyùy, à taʼ ji à yée e vèr? À sí wiy ji à wáa nyàvrì e vèr, a bó fìʼ yóʼ ne ghèén à?»

2 Samuel 19:22

Yii bèy, Fòn Davir suúy e Abishay jii, «Kì dzə̀r la kinyo e vèn vee wón Tsəruyia a? Vèn yíi a fo mo ŋgeʼ à? Kí m yèn ne lèn ji m dzə̀ fon woó Isray lán. Á yòʼ yíi yuyrí wír woó Isray lán.»

2 Samuel 16:10

Fòn Davir suúy kfə́ jii, «Kinyo kìn ki kùm ven vee wón Tsəruyia e gha? A lò a dzə, a suúy Nyùy Tàr ji wù wáa kuùrì mo, wàa sòv la ji wù sà kuurì mo bìʼ ka á?»

Joon 20:15

Jesus yòŋ jii, «Yaà, à diy ka? À taʼ a dzə̀ la?» Wù nèn a kwàʼtì ji dzə̀ á wír wo wù lim e kiboo fóo fèy, e nèn sùúy sho jii, «Taàtá, a shàʼàr wò dzə́n Jesus, à kù dìn fo à lèmèn, é m li, a dù sho.»

Joon 20:13

Á nèn yòŋ jii, «Yaà, à diy ka?» Wù bìnèr jii, «M diy, bìʼ fo á shàʼàrìn dzə́n Taàtá wom, la m yòʼ kìíy fo á lèmèn.»

Ŋwàʼ Luk 2:49

Wù nèn bìnèr jii, «Vèn kì taʼ mo táʼan ji ka? Bó vèn yòʼ kì ji m kù kér fó a dzə e Tàr wór lav fèn à?»

Matio 15:28

Jesus yuúrí, e yòŋ jii, «Wiíy və̀n, m yèn ji à wày shilív e mǒ wùn féyì. Kí kú a dzə mo à tóŋé.» Jesus suúy bey, wan wiíy və̀y ku nèn bònén e ghan fóo fèy.

Remrí 33:9

Áwune‑eè lo yù sáʼ ye wò‑oò foon, e kù a tiy a dzə̀ e wò *mensàŋ. Tíy bèn, yoŋ aàtàr véví, yoŋ aàyìy véví jii, vèr yòʼ‑oo yén ne ven. Yoŋ e lúmér sév sí jii, vèr yòʼ kì ven. Yoŋ e wóné jii, bó vèr yòʼ‑oò lò ghàn kìíy ven.

2 Korin 5:16

Kí nén a dzə jii, kèʼ fo lèn, vèr yòʼ dzəə́ leey kinyo ke wìr e vifií ve dzəə̀n vé wìr vi. Vèr sí leey a dzə̀ e vé Nyùy vi réŋréŋ mo Kristu‑uù dzə́ e nsay fèn, a vèr leey kinyo kfə́ mo wíri yii leeyì, a bó vèr yòʼ dzəə́ leey bèy.

1 Afòn 17:18

Wù nèn sùúy e Elija jii, «Wìr Nyùy, à yiì kin e mò ben bìʼ ka? Wò‑oo wiy fen ji à kuúmé vinyo vém ve bi ví e Nyùy, e kfə̀n yiì, é wan wom kpú a?»

Joon 2:3

Á yiì dù, e nò meluʼ, mè mày, yìy à Jesus suúy shó jii, «Meluʼ mè mày ne.»

Joon 7:8

Kú a dù ven fó kiŋkàʼ foo fèy, m yòʼ du. Sém see ghán sí yóʼ ne ghèén.»