Joon 2:24 - ŊWÀʼ NYÙY

²⁴ Yii bèy, la Jesus yòʼ a way shilív aáwuné wùn ji sì rú á wùn áwune, bìʼ fo wù‑uù kiìn liì wíri kijuŋ.

Joon 2:24 Referans Kwoze

Joon 6:64

Yii bèy, a wír ámóʼó dzə̀ e věn mvəm, a bó á yòʼ biíme kinyo kém.» Jesus wáa suúy bèy, a wù‑uù kìíy ne wír ve bó á yòʼ wáy shilív e wun wùn, e kfə̀n kìíy sa wír wo wù wíy kar menàŋ e wùn bàm.

Hibru 4:13

A bó kifá kímóʼ kí yòʼ dzə̀ shó e ndzə ye Nyùy bomen rə̀n e dzə̀m ke dzə̀ kí lìtì kinyo fo wun gheéy. Wù yén vinyo vév vidzə̀m, a ví néŋ tèéter, kiránén, a vèsən kù kér fó bìnèr a dzə̀ shó.

Lim Aŋgàa Ntum 1:24

Á nèn a bùnrì, a suúy jii, «Tàr, kù kì wò melív me wìr dzə̀m. Ku dìn wír wo à shoʼon

Matio 9:4

Jesus kiíy kinyo ke áwune kwaʼtì, e dzə̀r jii, «Vèn kér kwaʼtì ye bií e věn meliv bìʼ ka?

1 Wòŋ 28:9

«Wówò Solomon woo wán wom, kiíy Nyùy wo tàr won ghvə́mé. Á ghvəm vèn à shilív shé shi shidzə̀m, à kwaʼtì yée e dzə̀m, bìʼ fo Nyùy Tàr yii tar melív medzə̀m, a wù kfə̀n yii kiiy kwaʼtì e dzə̀m ye yí dzəə̀n e wìr vifii. Aà yiì a tàʼ wun, áà wáa yen. Yii bèy, à maʼay wun, bo wù yíi bìn ndzə̀m e wò, e màʼày wò ŋkuuŋkùŋ.

Joon 16:30

Vèr kìíy ne lèn ji à kì vinyo vidzə̀m, a bó shií yòʼ dzə̀ə́ wo wìr rə́sí, a sòv wò sóvin, a vèr biìmé ne lèn ji wò‑oò lò rú fo Nyùy.»

Joon 5:42

A bó yòʼ fə̀m dzə̀ vèn bìnsí. M kì ven kijuŋ, vèn yòʼ koŋ Nyùy e shilív shí.

1 Samuel 16:7

Nyùy Tàr suúy e Samuel jii, «Lá à yòʼ a leéy wun a dzə̀ fó si, kìn fó vidà, m kìnèn woo shoon. M yòʼ yii leey wír a dzə̀ mo wíri leeyì. Wìr lo, wù wàa leéy wír a dzə̀ fó si, a m leey kém a dzə̀ fó shiliv.»

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.

Jeremia 17:9

«A dzə̀ kìíy la mo shilív shé wìr shi dzəə̀n? Kifá ki yòʼ dzə̀ shó ke kí kér kimboʼtì moo wun. Yàsí və tàv féyì fo á fer.

Joon 21:17

Wù kfən lò, e yòŋ fo akàŋ vee ataár jii, «Simon woo wan Joon, à koŋ mo á?» Pita yú, a wù dzə́r fó akàŋ vee ataár ji wù sà koŋ wun a, kitú ki lùm wun. Wù nèn yòŋ jii, «Tàr, kì wò vinyo vidzə̀m, aà kì ji m koŋ wò.» Jesus kfən sùúy sho jii, «À wàa leéy rì fo wír vémé mo wìr lèéy fo njiì.»

Maak 2:8

Jesus ku nèn kìíy kinyo ke vé‑eè kwaʼtì, e dzə̀r jii, «Vèn kér lám woo bey e bvə̀m bìʼ ka?

1 Wòŋ 29:17

Nyùy wom, m kì ji à yii tar melív me wíri, yén she shí tíy tìítiy, à wàa yu vijuŋ. M fò vifá vìn e wò là kiloʼ, a m fò vèr à shilív she juŋ shi. M kfə̀n yèn sá mo wír vé ve á baʼtin fene fó vifá e wò e shilív she juŋ shi, shéʼri.

Joon 6:15

Jesus kiíy ji wír vìne sí lo, e bam wun ji á kóʼór á ji fon, wù nèn nyèŋ, e kfə̀n kòʼ kóʼón é mbìv agwan wùn mòʼón.

Joon 1:42

Andru nèn lì fə́r və, wùn wun dù, e yèn Jesus. Jesus leéy, e sùúy sho jii, «Kí yír yée dzə̀ Simon, aà dzə̀ wan wìr wo á yoŋ ji Joon. Yii bèy, aá sí wìy a yòŋ wò ji Sefar.» Jesus wáa yòŋ bèy, a Sefar dzə̀ sá ji Pita.

Remrí 31:21

Vinyo ve bi ví wùn à ŋgeʼ si wíy lóo gbù aáwuné kitu, é luŋ və̀ne kú a yìmrì áwune moo njen, bìʼ fo wú wíy gòʼ e ŋgwàʼ sév sí shuù. M kì kinyo ke áwune taáme, é bo m fəm lì áwune, a dù sho e nsay ye mò‑oò kàʼàn ji m fó aáwune.»

1 Afòn 8:39

à kù yù é yuv fo à dzə́, e làysìn jay wov. Kù jòʼ wò cáʼ, vèn mòʼón, wo à kiìn shilív shé wìr msòŋ e dzə̀m. Kú a làʼ wir mòʼón mòʼón mo vinyo ve wù yii vi dzəə̀n,

Lim Aŋgàa Ntum 15:8

A Nyùy wo wù kiìn melív me wìr dzə̀m‑eè lo bìnsí áwune ji wír və́. Wù‑uù fò áwune Kiyoy ke Ranén kí, réŋréŋ mo wù‑uù foon e vèsən fó mbìy.

Joon 4:16

Jesus suúy shó jii, «Dù ri, e jàŋ lum wò, é vèn wun wiy.»