Joon 2:22 - ŊWÀʼ NYÙY

²² Wón və́ lìme nèn wìy sìíy sa, a kuumé kinyo ke wù‑uù màʼàn kin, a wù fəə́ ne fo kpu. Á nèn biìmé ji kinyo ke Jesus‑eè suuyin, a vé‑eè lo dìn sa e Ŋwàʼ Nyùy kìn, ki dzə̀ á rú.

Joon 2:22 Referans Kwoze

Joon 12:16

Wón lìm Jesuse yén kinyo kìn, e làa yòʼ a gwàrìr kinyo ke vé‑eè saŋen kiy. Wìy lòo dzə fo bàm, a Nyùy lí ne Jesus e yuv, bo kí wiy aáwuné vifii ji vé‑eè sàŋ kinyo kee shooy a dzə̀ bìʼ Jesus, kí ku kòóy a mo vé‑eè saŋen.

Joon 16:4

M sùúy ne vinyo vìn e vèn lèn ji ví wíy lóo koóy, é vèn nèn a kuumé ji mò‑oò ló a suúy e vèn fó ghan. «A bó m yòʼ‑oò lo tàv, a suúy vinyo vìn e vèn, bìʼ fo kù‑uù rə́si dzə́ vèsən.

Joon 14:26

Yii bèy, Tàr wor wíy tum Ŋgaà Sə wo dzəə̀n Kiyoy kfə́ fo vèn e mǒ yir, é wù wáa naàrì ven vinyo vidzə̀m, a yiì, é vèn wáa kuumé vinyo ve mò‑oò suuy e vèn vidzə̀m.

Nsùyrì Nyùy 16:10

bìʼ fo à yòʼ wíy màʼtì mo áàŋkfəə́ wòŋ, a bó à yòʼ wíy màʼtì, é ŋgaà wò lìm wo juŋ foy é sày.

Joon 2:17

Wón və́ lìme nèn kuùmé kinyo ke vé‑eè saŋen é Ŋwàʼ Nyùy ji wìr wùmòʼ‑oò lò sùúy e Nyùy a jii, «M kér shií fo wò lav e ŋàŋ, a wù baári e mǒ shiliv moo və́y.»

Lim Aŋgàa Ntum 11:16

M yén, e nèn kuùmé kinyo ke Tàr wòsən Jesus‑eè suuyin jii, ‹Joon‑eè wáy wíri é ndzəv, aá wíy a way ven a dzə̀ e Kiyoy ke Ranén kí kiwo.›

Joon 2:11

Jesus‑eè yiì kinyo kìn e Kaana woó Galeli foo fèy, a dzə̀ kiŋgaʼnìn ke kinyò ke mbìy ki ke wù‑uù dìnèn, wíri wáa yen vitaáví ve Nyùy foon shó. Mo wón və́ lìme yenen, e nèn màysì, e wày shilív é wùn wó.

Ŋwàʼ Luk 24:44

Wù nèn lò, e sùúy aáwune jii, «Kinyo ke vèn yenen lán kìn ki dzə̀ ke mò‑oò suuy e vèn, a vèsən dzə̀ə́. Mò‑oò suuy jii, vinyo vidzə̀m ve vé‑eè saŋen é Ŋwàʼ Nsər Mooser, e sàŋ é Ŋwàʼ Aŋgàa Ntum Nyùy bìʼ mo, e kfə̀n sàŋ é Ŋwàʼ Nsùyrì Nyùy Nyùy vi kù kér fó wìy gheén.»

Ŋwàʼ Luk 24:26

Vèn yòʼ kì ji dzə̀ *Mfə̀ə́r wo Nyùy‑iì kàʼàn kù yèn ŋgeʼ sìn sidzə̀m, e bóo nəə́ e wùn vikùʼùy a?»

Joon 2:2

a vé‑eè bì sá Jesus wùn à wón və́ lìme.

Lim Aŋgàa Ntum 13:33

wù yiì ne lèn, kí gheén a dzə̀ e vèsə́n kiwo, vèsən ve siìn wón wìr vee shooy. A kí ghèén a dzə̀ mo Nyùy‑iì fəərin Jesus fo kpu. Vé‑eè lo sàŋ kinyo kìn e Ŋwàʼ Nsùyrì Nyùy Nyùy, vintsə̀m vibaà ji Nyùy suuy a jii, ‹À dzə̀ Wán wom, a m sì Tàr won lán.›