Biblia Todo Logo
Bib sou entènèt

- Piblisite -




Joon 2:19 - ŊWÀʼ NYÙY

19 Wù bìnèr jii, «Vèn ker lav cù rə̀n, vishiíy ví lóo meé vitaár, a m siír ne fo.»

Gade chapit la Kopi




Joon 2:19
23 Referans Kwoze  

vé‑eè yù, a wù suuy a ji wun wíy kèr lav cù ye yì‑iì bomen wíri rə̀n, vishiíy ví lóo meé vitaár, é wun siir ye sən, a bó yòʼ dzə̀ á ye bomen wír.


Jesus wáa ker e kintam, wíri wáa shaà, a mèʼ kitú, a te lám é wùn wó jii, «Èhéè, wò‑oò yíi kèr lav cù, e bom ye sən vishiíy vitaár,


a te lám é wùn wó jii, «Wò‑oò yíi kèr lav cù, e bom ye sən vishiíy vitaár, sə́ ri kitú ké ki lèn. Aà fèn dzə̀ rú Wan Nyùy, à sə̀ʼə́y ri fo kintam.»


Mo Jona‑aà shiiyin e sə bvə̀m vishiíy vitaár, à shùy, à vitsə́ʼə́, dzə̀ sá réŋréŋ mo ŋgaà wo yírí dzəə̀n *Wanwìr wíy shiíy e loònsay vishiíy vitaár.


Kí nen kfə̀n a dzə jii, a Kiyoy ke Nyùy wo wù‑uù fəərin Jesus Kristu fo kpu ki dzə̀ e věn meliv, bo Nyùy wíy yiì sa, é wún wón wo wú wíy kpu və̀ne kfən fəə̀ fó kpu a dzə̀ bìʼ Kiyoy ke kí siìn shó.


Vèn yiì bèy, e nèn yùyrí wun wo wù yii, bo wíri wáa ŋèʼ, a dzə atin. Yii bèy, Nyùy fəə́r wun fo kpu, vèr yén e sí yérí, e nèn a fìʼtì.


Ŋgaàŋ dzə̀ Jesus, a Nyùy‑iì lo fə̀ə́r wun fo kpu, ver vee aŋgàa ŋgoo vəə́ yén wír adzə̀m.


Wù nèn fə̀ə́r Jesus fo kpu, wù bòy fo sày, bìʼ fo bó yòʼ‑oò dzə̀ kpúu ghàtí wun, a ker fo moo wir sháŋ.


Kù dzə̀ mo Kristu‑uù yenen ŋgeʼ bèy, e kpù fo wírí vinyò ve bi ví vidzə̀m kàŋ mòʼón. Wun woo là jay, wù kpú fo vé jayi, e màn ajay vee shooy adzə̀m ji wun fíʼ siìr vèsən fo Nyùy. Vé‑eè yùyrí wún və́, a wù kér wún a dzə̀ woó nsay. Wù fəə́ fó kpu, a ker a dzə̀ wo wú‑uù loòn fo Nyùy.


Mo vé‑eè wayin bey, bo vé‑eè dzəə̀mè vèsən à liì wòsən wo mvə dzə́əmen. A kí dzə̀ jii, vèsən à Kristu tàtí, e kpù, e dù e sày wír adzə̀m, vèsən kfən fəə̀ fó kpu foo fèy réŋréŋ mo Tàr wòsən Nyùy‑iì fəərin Kristu e vitaáví və́ ve ghaʼán ví. A vèsən fəə̀ bey ji vèsən fíʼ a dzə lèn, a ker liì a dzə̀ woó dzə̀ʼə̀m ye fíyi.


Jesus bìnèr jii, «Dzə̀ mo wo m fəər wíri fó kpu, fó áwune dzəʼə̀m yee là may. Wìr wo wù wáy shilív e mǒ wùn, a wù fə̀m kpù, bo wù wíy lùŋ, a dzə sho,


Jesus nèn kèʼ, a yeʼéy wón və́ lìm mo dzəʼə̀m rəə́ dzəə̀n, a suúy jii, «Ŋgaà wo yírí dzəə̀n *Wanwìr və̀n kér fó wìy yen ŋgeʼ sinín. Atǎr wòŋ wùn à vitú ve atàá cùu, à wír ve á duŋrì nsər Nyùyi wíy kay wun, e yuyrí. Yii bèy, vishiíy ví mee vitaár, é wù fəə́ fó kpu.»


A kí dzə̀ jii, vé‑eè wày ven é ndzəv ji wír Kristu, kí nèn a dzə mo vèn‑eè kpù, á dzəə̀mè vèn à Jesus Kristu. Nyùy kfən fə̀ə́r ven ve vèn à Kristu tatin e kpù vin fo kpu, bìʼ fo vèn‑eè wayin shilív e wun wùn ji dzə̀ wù fə̀ə́r sá ven mo wù‑uù fəərin Kristu fo kpu.


Mo vèr áwune fiʼtì ji Kristu‑uù fəə̀ fó kpu, kí ghán é le, bo wìr kfən lò fo věn mvəm, a kìnèn ji wíri yòʼ wíy fəə fo kpu?


Vé‑eè sàŋ sá fo vèsən adzə̀m ve Nyùy li lèn sa ji və́ vee wír, bìʼ fo vèsən wáy shilív a dzə̀ e wun wùn, wun woo Nyùy wo wù‑uù fəərin Tàr wòsən Jesus Kristu fo kpu.


Nyùy nèn shòʼ Ŋgaà və Lìm, e tùm, wù tómbìy wìy, e yèn a dzə̀ ven ji wù fíʼ bìnèr melív men fo věn vinyò ve bi ví, é vèn nəə́ é mvə̀m vijùŋ foo fèy.»


Jesus nèn lò, a suúy aáwune jii, «Vèn wáa kiíy rú ji bó yòʼ dzə̀ Wàn Nyùy wàa yiì kinyo ji yii wun, wù kù yii yii kinyo a dzə̀ ke wù yén, a Tàr wov yii. A Tàr yiì ka, bo Wàn kù yii kíwun,


e yòŋ jii, «Wìr wo kuʼùn, vèr kù dzəə́ kuúme kinyo ke sə́ŋgúm və̀y‑iì rə́si suuy e ghan se wù‑uù dzə̀ə́ e tin. Wù‑uù suuy jii, vishiíy ví wíy meé vitaár, é wun fəə́ fó kpu.


Kèʼ fo ghan see shooy Jesus nèn kèʼ, a naàrì e wón və́ lìme jii, «M kér fó dù e Jerusalem. A kinyo ke kí wíy koóy mo fó ki dzə̀ jii, m wíy yen ŋgeʼ sinín e vé wòŋe wùn à vitú ve atàá cùu, à wír ve á duŋrì nsər Nyùyí wo, aá yúyrí mo, vishiíy ví mee vitaár, é Nyùy fəə́r mo fó kpu.»


Vèr‑iì yù, a wù suuy jii, Jesus woó Naasarer və̀y wíy kèr lav cù rə̀n, e kfə̀n kuvsín liì wòsən wòŋ wo Mooser‑iì lèmèn e dzə̀m.»


Swiv nou:

Piblisite


Piblisite