Joon 2:15 - ŊWÀʼ NYÙY

¹⁵ Wù nèn tàʼ kfəə̀, e sə̀ə́y ji ŋgwàn, a wiv wír vìy sho, a tatí wùn aànàʼa, aànjìi, a jùm fo lav cù fèy, a bàʼtì visə́r ve wìr ve vé‑eè kúvsin mbàm, mbàm sév sí wáa taʼrí fo nsay.

Joon 2:15 Referans Kwoze

2 Korin 10:4

Vifá vér vé rər ví yòʼ dzə̀ veé ndzə fèn gheéy. Kù dzə̀ vitaáví ve fó Nyùy e vèr, a vèr maʼ Satan sho, ton virə́ʼ və́ ve tavkín ví.

Joon 18:6

Mo Jesus suuyin jii, «Dzə̀ mo woo shó,» á nèn tsə̀ʼtì wún é bàm, e gbùkìr gbùkìn fó nsay.

Sekariya 4:6

Yì suúy e mò jii, «Vifá vìn vi din a dzə̀ ntum ye Nyùy Tàr‑iì tiisin e Serubbabel, a yì dzə̀ jii, ‹Lá à yòʼ a yòy, a tiír vifií a dzə̀ e wò vitaaví, kìn e wò ŋàŋ. Á yòy, a tiír vifií ví a dzə̀ e mǒ Kiyòy. Suuy Nyùy Tàr woo Taà Mànjòŋ.

Matio 21:12

Jesus dù bèy, e tòsín, e dù e lav ye á cu Nyùy sho, a jùm vé wayí fó fo adzə̀m, kìn dzə̀ ve vé‑eè fiinè, kìn ve vé‑eè yún yunén, a bàʼtì visə́r ve wìr ve vé‑eè kúvsin mbàm, yí séʼ, e kfə̀n a bvəə́r antaʼ wìr ve vé‑eè fiinè vibìŋ.

Joon 2:14

Wù dù, e nə̀ə́ e lav cù, e yèn, aá fiinè nyám se cù see moo anàʼ, wùn aànjìi, à vibìŋ ví fó. Wù kfən yèn, a wír ámóʼó dzə́ fo, kúvsin mbàm se wìr ve vé‑eè wiykìr fo vitum vímóʼ ví, yí séʼ.

Joon 2:16

Wù kfə́n a kàntì wír ve vé‑eè fiinè vibìŋ jii, «Vèn shaʼar vifá vìn bèn, e fəə̀ shó. Lá vèn yòʼ bìnèr lav Tàr wor ji kirə́ʼ ké way.»

Lim Aŋgàa Ntum 27:32

Vé rərí nèn tiìné akfəə̀ ve vé‑eè tsəə̀rìn wan kikoŋ və̀y sho, wù wáa leŋ.