Joon 2:12 - ŊWÀʼ NYÙY

¹² Kee shooy ki shaà, Jesus nèn lò, a dù e ntèʼ yee Kapeenahum. Yè wov wùn aàfə́r vəə́, à wón və́ lìme wáa dù wùn áwune. Á dù, e yiì vishiíy fó vishàr.

Joon 2:12 Referans Kwoze

Matio 12:46

Kù mo Jesus dzəə́ súŋnin e wír vìyi bey, a wùn áwune dzə́ e lav, yè wov wùn aàfə́r vəə́ nèn wìy, e tìím fo ndzə, a suúy jii, áwune taʼ, e yen Jesus, é wùn áwune wàá súŋnín.

Galatia 1:19

A bó m yòʼ‑oò lo dù bèy, e yèn ŋgaà ntum Kristu wùmòʼ gheéy, kù‑uù jòʼsì Jeem wo dzəə̀n fər wun woo Tàr wòsən Jesus Kristu.

1 Korin 9:5

Bó yòʼ dzə̀ sá m wàa ker kilíŋ ke dzə̀ m wàa yiì mo Pita wùn aàŋgàa ntum Jesus Kristu ámóʼó, aàfə́r wun woo Tàr wòsən Jesuse yii à? A m kòŋ, la m yòʼ a ker sa wóom woo wiíy, a lì, é vèr wun wáa ghan à?

Maak 6:3

Bó sà yòʼ dzə̀ ŋkom vicì woo wan Maria wo afə́r vəə́ dzəə̀n Jeem, wùn à Joser, à Judar, à Simon a? Bó jemèr sə́ sí sà yòʼ dzə̀ aáwuné ntèʼ fen a? Áwune gháy bey, e nèn kèʼ a meŋ wun.

Matio 4:13

Yii bèy, e làa yòʼ a dzə aáwuné ntèʼ yee Naasarer. Wù dù, a dzə e Kapeenahum, e ghaa kibaŋ keé Galeli. A ntèʼ yee shooy dzə̀ é ghaa njàvìn rám Sebulun wùn à rám Navtali.

Joon 6:17

e nə̀ə́ e kikoŋ ji á túmsin e ntèʼ yee Kapeenahum, a ndzə sə́n ne, a bó Jesus yóʼ ne wìy, á nèn a dù.

Matio 11:23

Aà, ké ven vee wír veé Kapeenahum, vèn kwaʼtì ji Nyùy wíy koʼór ven, é vèn kúy, e mèé e yuv a? Àáy, wù wíy sèn sènèn, é vèn sə́y áàŋkfəə́ wòŋ. A vé‑eè yii viŋgaʼnìn ve vinyò ve mò‑oò yii e věn mvəm vin a dzə̀ é ntèʼ yee Sodom, bo wír vee fóo‑oò lo bìnèr melív mev, la Nyùy yòʼ dzəə laàr fó mo wù‑uù laàrìn.

Joon 2:2

a vé‑eè bì sá Jesus wùn à wón və́ lìme.

Joon 4:46

Wù kfən ghàn, e dù, e mèé e ntèʼ yee Kaana fo wù‑uù bìnèrìn mendzə́v é melùʼ e Galeli foo fèy. Wáa dzə e ghan see shooy, a wìr wo kuʼùn wùmòʼ dzə̀ é ntèʼ yee Kapeenahum, a wan və woo lumèn joy e ŋàŋ.