Joon 19:9 - ŊWÀʼ NYÙY

⁹ e lì Jesus, e kfə̀n shó e mvə̀m ntoʼ, e dzə̀r shó jii, «À lò fo feé?» La Jesus yòʼ ghày.

Joon 19:9 Referans Kwoze

Joon 18:33

Payler nèn lò, e kfə̀n é ntoʼ, e kòʼór Jesus, e dzə̀r shó jii, «À dzə̀ Fon wìr veé Juda à?»

Filipi 1:28

Lá vèn yòʼ a fàn wír ve á ban kinyo kén fánen. Vèn lóo yiì bèy, é nèn a dzə vifiʼìr ve áwune wáa yen ji Nyùy wíy lùŋèr ven, e laàr áwune á láarin.

Joon 8:14

Jesus bìnèr jii, «A fə̀m naarì mo kitú kém, bo kinyo ke m suuy ki dzə̀ rú. M kì fo m loòn, a m kì fo m du, a bó vèn yòʼ kì.

Matio 26:63

Jesus ku nèn a tiy, e làa yòʼ a ghay. Taà cù wo kuʼùn və̀y nèn kfə̀n sùúy sho jii, «Ku lìʼ, e kàn yír Nyùy wo wù gòʼòn kàŋ mòʼón. Dzə̀ wò *Mfə̀ə́r woo Wan Nyùy moo ŋgáŋ á?»

Aysaya 53:7

Vé‑eè nyavrì e wun, wáy vileémé e wun wùn, a bó wù yòʼ‑oò ló a ghay kinyo. Wù‑uù dzə̀ moo wan njiì wo á li ji á du, e see, e kfə̀n a dzə moo njiì wo á lóo kom wuy, la wù yòʼ a toŋ. Kù dzə̀ mo wù yòʼ‑oò ló a ghay sa kinyo.

Atǎr Nsaʼ 13:6

Wiiy Manoa nèn wìy, e sùúy e lum və jii, «Wìr Nyùy wùmòʼ kì wìy, e yèn mo, a wù shwínin nshìylav Nyùy, a dzə̀ wír, a wù beéme feyì. M yoʼ lò dzə̀r fo wù loòn, a wúnwun yoʼ lò yòŋ yír rə́ e mò.

Joon 18:37

Payler nèn sùúy sho jii, «Kí bo dzə̀ rú ji à dzə̀ fon wùmòʼ?» Jesus bìnèr jii, «M dzə̀ fon rú mo à suuyì. Dzə̀ kinyo ke vé‑eè dzəən mo shó, a mò‑oò wìy é ndzə fèn ji m fiʼ dìn kinyo ke dzəə̀n ke ru kí e wíri. Wìr dzə̀m wo wù koŋ kinyo ke ru kí, nén a yuurí kinyo kém.»

Matio 27:27

Payler suúy bey, və́ vé rərí nèn lì Jesus, e nə̀ə́ sho e wùn mvə̀m ntoʼ, e bàʼtí shúu rər wo wú shiy ntoʼ yee shooy e dzə̀m. Áwune wìy, e gìm Jesus, e tàr.

Ŋwàʼ Luk 23:9

Wù nèn rə̀sí, a dzətí vinyo e Jesus vinín, la wù yòʼ a ghay gheéy.

Joon 18:28

Ndzə yiì lòo jàv, á nèn lì Jesus fo Kayfar laʼ, a dù sho e ŋgaà saʼ woo wír woó *Rom ntoʼ. Á dù, e lòo nəə́ e mvə̀m ntoʼ, vé wòŋ vìyi gòʼ fo ndzə, bìʼ fo vé‑eè fan fó ndzəʼ vishí vév e wìr kitum laʼ, e làa yòʼ dzə́ə yi *Ŋkǎʼ Yáʼayshaà woó ghan see shooy.

Joon 18:34

Wù bìnèr jii, «À dzə̀r kin ji dzə̀r wò mo à dzə̀r bìʼ fo suuyin wír e wò a?»

Joon 19:8

Payler yú kee shooy, e màysì, e fàn,

Joon 19:10

Payler nèn dzə̀r shó jii, «À tén fó bìnèr kinyo e mò a? À yòʼ kì ji kér mo vitaáví fó suúy, aá maʼti wò, a m kér fó suúy, aá tá wò e kintam à?»