Joon 19:5 - ŊWÀʼ NYÙY

⁵ Á nèn a wìy e Jesus, aá sóv ne ntáraʼ njoŋ və̀y e kitu wo, e màʼ kikúm ké vifòn e wùn wó. Payler suúy e wír vìyi jii, «Vèn yén ri wír və̀y.»

Joon 19:5 Referans Kwoze

Joon 19:2

Vé rərí kfən kaàrí kár e kicí ké njoŋ ki, e səə̀nè e kitu wo ji ntáráʼ, e màʼ kikúm ké vifòn e wùn wó,

Hibru 12:2

a leéy a dzə̀ fó mbìy fo vèsən du, e jòʼsì, a dzə̀ e Jesus wùn. Dzə̀ wun wo wù yiìn, vèsən wáa way shilív e Nyùy wùn, a kù wíy lì wun vèsən, e way e Nyùy kiwo ŋkuuŋkùŋ. Wù‑uù dzə̀ é nsay fèn, e biìmé ji wun ku yiì mo Nyùy sìysìn, e kpù é kintam moo ŋgaà jay, e làa yòʼ a ci woómé se sí dzəə̀n é kfəə kpu foo fèy. Wù‑uù leey kfə́ a dzə̀ vijuŋ ve ví dzəə̀n fó mbìy. Wù nén a dzə lèn e yuv, a dzə e Nyùy ghaa kàvàʼ, e koy yìyí.

Joon 1:29

Yì rán kibvəə́shí, Joon yén Jesus, a wù wiyì, e nèn a dìn e wíri jii, «Vèn yén wír wo wù mán vinyo ve wír veé ndzə adzə̀me jáyí. Wù dzə̀ moo wan njiì wo Nyùy seé, e taŋrí wíri shó.

Aysaya 7:14

Mo á tenen ne fóo lon kisəəm fo Nyùy Tàr, bo wúnwun woo Nyùy Tàr lo, e dìn a kisəəm aáwune. Á yuúrí á kijuŋ, wánlè ŋgòn woo shó wíy tiím a bvəm, e dzəə́ wán lumèn, dzəə, é wù shu á yír ji Immanuel.

Aysaya 43:1

Yii bèy, vèn yú kinyo ke Nyùy Tàr suuy ki lèn, Nyùy Tàr wo wù‑uù bomen ven vee rám Jakov, wun wo wù‑uù yiìn, é bo ven vee Isray wáa dzə ji kitúm. Wù suuy jii, «Lá vèn yòʼ a fàn, m tìn ne ven fó vikwàn. M kì ven é yír yir, a vèn dzə̀ wír vém.

Aysaya 40:9

Wír veé Sion, ven ve á yii fiʼtì sáʼka wo juŋ, vèn kóʼ é ntoò gwan. Wír veé Jerusalem, ven ve á yii fiʼtì sáʼka wo juŋ, vèn tiísí ntum yem. Vèn tiísí ntum rə̀n kijuŋ, e làa yòʼ a fàn. Vèn suúy e wír veé Judàa jii, «Vèn leéy, e yèn, Nyùy won və̀ne.»

Yòvdìy 1:12

Wù kfə̀n tóŋ jii, «Ven vee anshaàdzəə̀, kinyo kìn ki yoʼ kùm ven gheéy a? Vèn ku lèéy, e yèn, ŋgeʼ si dzə̀ shó moo sém á? Ŋgeʼ se sí gbuùn e mǒ kitu. Ŋgeʼ se Nyùy Tàr shwiiyin kilòŋ, e màʼ e mǒ kitu.

Matio 27:29

Á kfən kaàrí kicí ké njoŋ ki, e səə̀nè e kitu wo ji ntáráʼ, e tàʼ ŋkoó, e wày é kiwo wo ji kitoómé. Á yiì bèy, a koʼtí, a gvəʼtí e si wo, a bùn, a kwa jii, «Caamfoò, Fon wìr veé Juda.»