Joon 19:42 - ŊWÀʼ NYÙY

⁴² Mo vé‑eè sí báʼti kishiíy kév ké bam, a ghán sí báŋrín ne, á nèn dù, e wày dzə́n Jesus e sày foo fèy, bìʼ fo yí‑iì dzəə̀n fó mentsə̀m.

Joon 19:42 Referans Kwoze

Joon 19:31

Mo yì‑iì siìn kishiíy ke vé‑eè sí báʼti fó bvəəshí, e rəsí kishiíy ké bam, a bó kí yoʼ ghèén ji dzə́n wìri goʼ é kintam e kishiíy ké bam, bo taaka mo kishiíy ké bam ke vé‑eè báʼti kìn ki‑iì dzəə̀n ke kuʼùn kí, vé wòŋe nèn dù, e yèn Payler, e lòn ji wù ku sùúy, aá bvə́ʼtí á shwín sé wìr vìy, aá fíʼ kpùkír cér, aá shaʼar dzə́n sí.

Joon 19:14

Wù wáa dzə̀ʼə̀m fo e ghan sin, a shùy sì é ntìntìn, a dzə̀ kishiíy ke wír veé Judàa kì sí báʼti fó bvəəshí, e rəsí Ŋkǎʼ Yáʼayshaà. Wù nèn sùúy e wír veé Juda vìyi jii, «Vèn yén ri fon won və̀y.»

Joon 19:41

Kiboó kímóʼ kí wáa dzə e ghaa kirə̀ʼ fo vé‑eè taan Jesus e kintam fèy, a vé‑eè bùʼ ne say yímóʼó é kilan e mvə̀m kiboò fóo fèy, a bó á yòʼ‑oò yiì ne wày wír sho.

Aysaya 53:9

Vé‑eè tàtí wùn à wír ve bií, e yùyrí, e lì dzə́n rə́, e dzəə̀mè e ŋgaà mbàm sày, a bó wù yòʼ‑oò lo ghàn yiì kinyo ke bi kí gheéy, a bó wù yòʼ‑oò lo yiì sùúy kinyo ke kisaŋ ki fo wun shuù.

Kolosia 2:12

A kí dzə̀ jii, vé‑eè wày ven é ndzəv ji wír Kristu, kí nèn a dzə mo vèn‑eè kpù, á dzəə̀mè vèn à Jesus Kristu. Nyùy kfən fə̀ə́r ven ve vèn à Kristu tatin e kpù vin fo kpu, bìʼ fo vèn‑eè wayin shilív e wun wùn ji dzə̀ wù fə̀ə́r sá ven mo wù‑uù fəərin Kristu fo kpu.

1 Korin 15:4

Mo wù kpuun, á dzəə̀mè, vishiíy ví meé vitaár, Nyùy fəə́r wun fo kpu, a Ŋwàʼ Nyùyi‑iì yiì ne sùúy kee shooy.

Lim Aŋgàa Ntum 13:29

Áwune rúnér vinyo ve Ŋwàʼ Nyùyi‑iì suuy kùm Jesus vidzə̀m, ví mày, á nèn sə̀ʼə́r fo kintam, e wày é sày ye vé‑eè tòʼòn é wǔn kilan.

Joon 19:20

Kirə́ʼ ke vé‑eè tamen Jesus sho kìn ki‑iì dzə̀ é ghaa ŋkàlaʼ Jerusalem. Wír veé Judàa wáa shaà fo anín, a yòŋ kinyo kee shooy, a vé‑eè sàŋ aáwuné Lǎm Hibru, e kfə̀n sàŋ e wír veé Romé làm, e sàŋ sá e wír veé Grikí làm.

Matio 12:40

Mo Jona‑aà shiiyin e sə bvə̀m vishiíy vitaár, à shùy, à vitsə́ʼə́, dzə̀ sá réŋréŋ mo ŋgaà wo yírí dzəə̀n *Wanwìr wíy shiíy e loònsay vishiíy vitaár.

Nsùyrì Nyùy 22:15

M yùm ne moo kimbvə́ʼ ke láŋ, a vitaáví vém ví mày ne. Kiliímé kém kí bárín e mǒ kilayláy, aà fò ne mo e kpúu.