Joon 19:41 - ŊWÀʼ NYÙY

⁴¹ Kiboó kímóʼ kí wáa dzə e ghaa kirə̀ʼ fo vé‑eè taan Jesus e kintam fèy, a vé‑eè bùʼ ne say yímóʼó é kilan e mvə̀m kiboò fóo fèy, a bó á yòʼ‑oò yiì ne wày wír sho.

Joon 19:41 Referans Kwoze

Ŋwàʼ Luk 23:53

Payler biímé, wù nèn dù, e sə̀ʼə́r, e boò e kintsə̀m ké ndzə̀y kí, e dù, e wày é sày ye vé‑eè bùʼùn é wǔn kilan, a bó á yòʼ‑oò yiì ne wày wír e sày foo fèy.

Matio 27:60

e dù, e wày e wun woo Joosev sày ye wù‑uù lèmèn ji á wíy dzəə̀mè wun sho, a vé‑eè bùʼ a dzə̀ é wǔn kilan. Wù wáy, e dòm lúm kilan, e sə̀tí shúu sày sho, e nèn lò.

Joon 20:15

Jesus yòŋ jii, «Yaà, à diy ka? À taʼ a dzə̀ la?» Wù nèn a kwàʼtì ji dzə̀ á wír wo wù lim e kiboo fóo fèy, e nèn sùúy sho jii, «Taàtá, a shàʼàr wò dzə́n Jesus, à kù dìn fo à lèmèn, é m li, a dù sho.»

Aysaya 22:16

‹Jwè, Shebna, à mùm a dzə̀ ka kin fèn? À kwaʼtì ji à dzə̀ ké la, e bó a bùʼ say fèn, yee bùʼ é kilan ji yé? Abaày, à lò bèn, e bùʼ say yé, a dzə̀ é kirə̀ʼ kee fó yuv, e bònén bèn, e bùʼ e wǔn kilan ji á fo á wíy dzəə̀mè wò à?

2 Afòn 23:30

Aŋgàa lìm vəə́ bèʼèy dzə́n rə́ é kar fo Megiddo, e wìy sho e Jerusalem, e lìtì e wun fəm. Wír veé Judàa nèn lì wán və Jehoahas, e kòʼór, e yòʼ ji fon e tàr wóv ntaʼ.

Joon 19:42

Mo vé‑eè sí báʼti kishiíy kév ké bam, a ghán sí báŋrín ne, á nèn dù, e wày dzə́n Jesus e sày foo fèy, bìʼ fo yí‑iì dzəə̀n fó mentsə̀m.