Joon 19:40 - ŊWÀʼ NYÙY

⁴⁰ Wùn Joosev nèn lì dzə́n Jesus, e ndzə̀m e wón ndzə̀yí wùn à kifú kiy ki, mo wír veé Judàa yii náŋsin dzə́n wìr, e bó a way e sày.

Joon 19:40 Referans Kwoze

Joon 11:44

Ŋkfə və̀y nèn fəə̀ fó sày fèy, a wìy, a shwín sə́ wùn à kóy si kù dzə̀ə́ mo vé‑eè ndzəmen e ndzə̀y sé sày si, a sí rəə́ kù dzə̀ə́ sa mo vé‑eè sùmèn. Jesus nèn sùúy jii, «Vèn bvəti, é wù wáa dù e wún vəə́.»

Ŋwàʼ Luk 24:12

Yii bèy, Pita ku yòʼ tùmnín, e lèʼ, e dù e shùu sày fèy, e bìʼtí e sày, e yèn, a sí néŋ ndzə̀y se vé‑eè boon dzə́n Jesus sho. Wù nèn bìnkìr, a kfən, a ghay jii, kinyo ke kí kooyin ben ki sà dzə̀ ka á?

Matio 26:12

Biʼ ye wiíy və̀n sə̀tìn e mǒ wùn rə́ne dzə̀ ji wù nàŋsín ne wún wóm lèn, e yòʼ, é bo ghán sé dzəə̀mè si wìy a gheén.

Kèʼlo 50:2

Wù nèn lò, e sùúy e vé shìv ve vé‑eè lim fo wune ji á wàá yóʼ á dzə́n tàr wov Isray. Á nèn yòʼ.

2 Wòŋ 16:14

Vé‑eè lìtì wun e wun fəm wo wù‑uù bùʼùn a dzə̀ kilán, e Ŋkàlaʼ Davir. Vé‑eè neèr wun e vintàràŋ, a virə̀ʼtìn ve vifa vee jeéy jeéy ví‑iì dzə̀ shó, virə̀ʼtìn ve vifa vìn, a ku fèr wír ve á yii ferì. Vé‑eè tòn və́y e ghaágháʼán, e ghvə̀m wun sho.

Maak 14:8

Wiíy və̀n yiì ne kinyo ke dzə̀ wù yiì. Wù nàŋsín ne wún wóm lèn, e yòʼ, é bo ghán sé dzəə̀mè si wìy a gheén.

Joon 12:7

Jesus suúy shó jii, «Màʼtì Maria. Wù yii kin, a wù náŋsin mo náŋsín, é bo kishiíy ke á wíy dzəə̀mè mo kí wìy a gheén.