Joon 19:39 - ŊWÀʼ NYÙY

³⁹ Nikudemon wo wù‑uù loòn é ghan símóʼ sí vitsə́ʼ, e dù, e ghàn Jesus, nèn wìy sa fo, a wù kér kifú ke rəʼtìn kímóʼ kí, ke á yoŋ ji *mer wùn à ke á yoŋ ji *alo ki moo kilu mtaár bèy.

Joon 19:39 Referans Kwoze

Yòv Viŋgér 4:14

Ŋgaà wom ŋkòŋmé, à nyom, rəʼtìn moo vikwiíy vee nard, à vee safiron vi. À rəm, rəʼtìn moo *kalamus, rəʼtìn moo sinnamon, e lì sa kfə́ə kici e dzə̀m ke kí fəər kiláy moo frankinsen. Kikwiíy ké mer ki teʼ e wò kiboo, à ké *alo wùn à vifá ve rəʼtìn ví vidzə̀m.

Joon 12:7

Jesus suúy shó jii, «Màʼtì Maria. Wù yii kin, a wù náŋsin mo náŋsín, é bo kishiíy ke á wíy dzəə̀mè mo kí wìy a gheén.

Maak 16:1

Kishiíy kév ké bam kee shooy ki bvəə́shí, e mày e ŋkuùr, Maria Magdalen wùn à Salome, à Maria woo yìy à Jeem nèn dù, e yùn biʼ ye rəʼtìné ji á bvəə́shi, e dù, e yoʼ a dzə́n Jesus sho.

Matio 19:30

Yii bèy, a wír anín ve á yénsin lèn ji vé mbìyi wíy kfən ji vé bàmé, é vé bàmé kfə́n ji vé mbìyi.»

Matio 12:20

Wù yén nsàŋ, a yì sí bvə́ʼəmè, é la wù yòʼ màysì, e bvə̀ʼtí. A bó kikaʼày kí yòʼ wíy lòo shwi ji làʼrì làʼrì, é wù maysi, e ndzə̀mér. A wù kù wíy a yiì bèy, e meé e ghan se wù wíy so ndzə, e neèr sáʼ yee réŋ.

Yòv Viŋgér 4:6

Mo‑óò kóʼ áàgwan vee shoon. Agwan ve kiláy kee *mer wùn à kee *frankinsen ki rəʼtìn sho rə́ʼtin. M yíi koʼ, a dzə fo bèn, e meé mo yì yíi ran.

Ŋgàn 7:17

M nàŋsín ne kikún kém e vifá ve rəʼtìn ví vee *mer, wùn à vee *alo vi, à vee *sinnamon vi.

Nsùyrì Nyùy 45:8

Kirəm ke bìʼ ye juujùŋ ki rəm, rəʼtìn a fo wun ndzə̀y, biʼ yee *mer, yee *alo, à yee *kaasiàa, aá rə́si e ntoʼ a dzə̀ ye á naŋsin e sóŋ sé kitàm si, a vé yòvi yov, shéʼer a wun.

2 Wòŋ 16:14

Vé‑eè lìtì wun e wun fəm wo wù‑uù bùʼùn a dzə̀ kilán, e Ŋkàlaʼ Davir. Vé‑eè neèr wun e vintàràŋ, a virə̀ʼtìn ve vifa vee jeéy jeéy ví‑iì dzə̀ shó, virə̀ʼtìn ve vifa vìn, a ku fèr wír ve á yii ferì. Vé‑eè tòn və́y e ghaágháʼán, e ghvə̀m wun sho.

Kèʼlo 50:2

Wù nèn lò, e sùúy e vé shìv ve vé‑eè lim fo wune ji á wàá yóʼ á dzə́n tàr wov Isray. Á nèn yòʼ.

Yòv Viŋgér 1:13

Ŋgaà ŋkòŋmé wom dzə̀ moo shintuʼ she kilay kee *mer, a shí néŋ e mǒ vikàkàŋ vitsə́ʼ vifur, rəm, rəʼtìnè.

Matio 2:11

Á dù, e mèé fo wù tiimen, e nə̀ə́ e lav, e yèn wán wùn yè wov Maria, e tsə̀m e wǎn si, e bùn. Á bùn, e nèn mvə̀ʼtì vibam vév, e fə̀ə́r vifá ve kimbùnfòn, a ví dzə̀ jii, *kisha ke mbàm ke baar kí wùn à kiláy kee *frankinsen ki, à kee *mer ki.

Joon 12:3

Maria yiì lò, e lì biʼ ye juŋ yímóʼó kiyóʼóy kifur, aá fér e *nard, a yí lùm e mbàm e ŋàŋ, e wìy, e bòr e Jesus wuù, e gvə̀ʼə́r kitú, a səŋrí e nə́ŋ sə́ sí. Lav nèn bìnkìr, a shàŋ shàŋèn e dzə̀m.