Joon 19:31 - ŊWÀʼ NYÙY

³¹ Mo yì‑iì siìn kishiíy ke vé‑eè sí báʼti fó bvəəshí, e rəsí kishiíy ké bam, a bó kí yoʼ ghèén ji dzə́n wìri goʼ é kintam e kishiíy ké bam, bo taaka mo kishiíy ké bam ke vé‑eè báʼti kìn ki‑iì dzəə̀n ke kuʼùn kí, vé wòŋe nèn dù, e yèn Payler, e lòn ji wù ku sùúy, aá bvə́ʼtí á shwín sé wìr vìy, aá fíʼ kpùkír cér, aá shaʼar dzə́n sí.

Joon 19:31 Referans Kwoze

Joon 19:14

Wù wáa dzə̀ʼə̀m fo e ghan sin, a shùy sì é ntìntìn, a dzə̀ kishiíy ke wír veé Judàa kì sí báʼti fó bvəəshí, e rəsí Ŋkǎʼ Yáʼayshaà. Wù nèn sùúy e wír veé Juda vìyi jii, «Vèn yén ri fon won və̀y.»

Joon 19:42

Mo vé‑eè sí báʼti kishiíy kév ké bam, a ghán sí báŋrín ne, á nèn dù, e wày dzə́n Jesus e sày foo fèy, bìʼ fo yí‑iì dzəə̀n fó mentsə̀m.

Maak 15:42

Yiì lòo dzə e ŋkuùr, wìr wùmòʼ wìy, aá yoŋ ji Joosev, a dzə̀ wír woó ntèʼ yee Arimatia. Wù‑uù dzə̀ wír wùmòʼ fo vé wòŋé mvəm, a wíri ghvə́m wun feyì, kfə́n a dzə wír, a wù‑uù shiy ghán se Nyùy wíy a saʼ vifon və́ é ndzə fèn. Mo yì‑iì dzəə̀n kishiíy ke vé‑eè sí báʼti *kishiíy kév ké bam, a kí‑iì yíi kèʼ, a shùy nəə́ ne, Joosev nèn kùr shilív, e dù, e yèn Payler, a lon dzə́n Jesus ji wun du, e dzəə̀mè.

Joshua 8:29

Yii bèy, Joshua sə́ŋ fon woó Ay e kici, wù wáa səŋ fo e meé e ŋkuùr. Shùy lòo nəə́, wù yòŋ, á kér fó fo, e dù màʼ e shùu kày wo wú nəə e ŋkàlaʼ, e kùʼtí kikfə́r ke tiy é kitu wo, a kí kù dzə̀ə́ fo e shem lán.

Joon 19:1

Payler nèn fò Jesus, á shóʼ e ŋgwàne.

Mayka 3:3

Vèn kfə̀n ne ji akoosàʼ, a kfər wír vém. Vèn béʼti vighvə́r vév, shamè. Vèn tínri áwune, kù moo nyám ye á sí naa e ntòn.

Ŋgàn 12:10

Wìr woo tìítiy kù yii leey fo nyám sə́ sí kijuŋ. A wo bi nyavrì e sə́ sí nyávrin.

Ŋwàʼ Fəə 12:16

Lóo dzə e kishiíy ké mbìy ki wùn à kee saàmbà ki, vèn nèn bàʼtí kirə́ʼ kimòʼón, e yiì bunrì. Lá wìr yòʼ lìm kifá e vishiíy fóo fèy, é ku jòʼsì vifá ve yi ve a dzə̀ á fèr ji wìr dzə̀m yí.

Matio 27:62

Ndzə bvəə́shí, e ràn é kishiíy ké bam ke vé‑eè báʼti, vitú ve atàá cù wùn à wír veé mbìv *Farasii dù, e yèn Payler,