Joon 19:30 - ŊWÀʼ NYÙY

³⁰ Jesus nyoóŋé, e sùúy jii, «Vinyo vém vidzə̀m vi mày ne», e nèn màʼ kitú kfə́, e shèm.

Joon 19:30 Referans Kwoze

Joon 17:4

A mò‑oò lo màysì lim ye wò‑oò foon e mò e dzə̀m, e dìn e nsay fèn mo vikuʼùy vé vi dzəə̀n.

Filipi 2:8

Wáa dzə e ghan se wù‑uù dzəə̀n wir msòŋ sin, wù lì kitú kfə́ shishàr, a yu a dzə̀ fo Nyùy, e biìmé kpú ye wù‑uù kpuun, bo taaka yeé kintam.

Hibru 12:2

a leéy a dzə̀ fó mbìy fo vèsən du, e jòʼsì, a dzə̀ e Jesus wùn. Dzə̀ wun wo wù yiìn, vèsən wáa way shilív e Nyùy wùn, a kù wíy lì wun vèsən, e way e Nyùy kiwo ŋkuuŋkùŋ. Wù‑uù dzə̀ é nsay fèn, e biìmé ji wun ku yiì mo Nyùy sìysìn, e kpù é kintam moo ŋgaà jay, e làa yòʼ a ci woómé se sí dzəə̀n é kfəə kpu foo fèy. Wù‑uù leey kfə́ a dzə̀ vijuŋ ve ví dzəə̀n fó mbìy. Wù nén a dzə lèn e yuv, a dzə e Nyùy ghaa kàvàʼ, e koy yìyí.

Joon 10:11

«Dzə̀ mo nshìy njiì wo juŋ. Nshìy wo juŋ dzə̀ wo wù biíme, kpú fo njiì və́ kitu.

Daniel 9:24

«Ku kìíy ji Nyùy lèm ne ntàm bìʼ vinyo ve wìr vén, à vé ŋkàlaʼ yen ye ranén ví, a ntàm rə̀n dzə̀ kiyá saàmbà kàŋ msaàmbà. Wù lèm ji á mayir á yii ye bií, é vinyo ve á jáy vi seéy, aá kfən màn lòn woo bìʼ vinyo ve bi ví, é Nyùy nèn tìír kinyo kee tínén é nsànloŋ, é kí wáa tiy fo ŋkuuŋkùŋ, e kfə̀n tiír kinyo ke wù‑uù ghemen ndzə e wír vəə́, à ke wù‑uù tumen aŋgàa ntum və́ shó ki. Wù tiirì, aá nèn *kfə̀mrí kirə́ʼ keé lav cù kee jeéy kí féyì.

Ŋwàʼ Luk 23:46

Jesus kú a ker e kintam, e yiì lò, e tòŋ kitávín jii, «Tàr wor, m wày kiyoy kém a dzə̀ e wò kiwo.» Wù suúy bey, e nèn shèm.

Aysaya 53:10

Yii bèy, kù‑uù sìysì Nyùy Tàr ji wù yén ŋgeʼ, aá bvə́ʼ wun, é fó ye wù foon kitú kfəə́ fiʼ tàŋrí wíri, a wù kù wíy a dzə sho e tin, a yen wón wùn à wón won vəə́, a ntaŋ Nyùy Tàr kù wíy shaà a dzə̀ fo wun kiwo, e bóo ghan kijuŋ.

Ŋwàʼ woó Rom 10:4

Mo Jesus Kristu wìyìn, e ndzəə̀r dzə́ə ye wíri‑iì rə́si mum sho fo nsər ji á fíʼ gheén fo Nyùy, é kí wáa dzə lèn a ji wír ve dzə̀ Nyùy lì, e nàŋsín ji vee là njòó dzə̀ á ve á wáy shilív a dzə̀ e wun woo Kristu wùn.

Joon 19:28

Jesus suúy vinyo vìn, e màysì, a wù kiíy ne ji wun màysì ne vinyo və́ lèn a vidzə̀m, wù nèn lò, e sùúy jii, «Kilòŋ kí yúm mo.» A wù suuy bèy ji kinyo kee shooy ke vé‑eè saŋen é Ŋwàʼ Nyùy ki fiʼ ghèén.

Maak 15:37

Yii bèy, Jesus lò, e tòŋ kitávín, e nèn shèm.

Joon 10:18

A bó yòʼ dzə̀ ji wìr wíy yuyrí mo ji yùyrí ŋgaàŋ. Kòŋ mo, e bóo fo kitú kém. Dzə̀ kilíŋ kém fó fo kitú kém, kfə́n a dzə kilíŋ kém fó fəə fo kpu. Á mo Tàr wor‑iì suuyin ji m yii.»

Joon 4:34

Jesus suúy jii, «Vém vee vifá ve yi vi dzə̀ ji m yii kinyo ke wìr wo wù tumen mo, e màysì lim ye wù foon e mò e dzə̀m.

Matio 20:28

A dzə̀ réŋréŋ sá mo ŋgaà wo yírí dzəə̀n *Wanwìr və̀n yoʼ wìy ji wíri wáa lìm fo wun. Wù wìy ji wù wáa lìm fo wíri, e fo kitú kfə́, e fíʼ tin wír anín fo lòn.»

Matio 27:50

Jesus kfən tòŋ kitávín, e nèn shèm.

Aysaya 53:12

Bìʼ bey, m wíy bùʼ wun, e fo ghay, é wù wáa jàv vifá ve á kuuyin fó kwaʼ rər e kfə́m sé wìr si. M wíy yiì bèy, bìʼ fo wù‑uù foon kitú kfə́, e kpù bìʼ wíri, e biìmé ji á tátí wun wùn à vé jayi. Wù‑uù bèʼèy ajay wìr anín, e kfə̀n tìím mbìy, ji á ku làysìn ajay vév.»

Nsùyrì Nyùy 22:15

M yùm ne moo kimbvə́ʼ ke láŋ, a vitaáví vém ví mày ne. Kiliímé kém kí bárín e mǒ kilayláy, aà fò ne mo e kpúu.

Hibru 9:22

A kù dzə̀ mo vé‑eè yii e ghan sé mensàŋ me mvə mè. Kùʼùn vifa‑aà dzə̀ ve dzə̀ á kù wàŋrí mensə́ sho, e bóo naŋsín ji vé Nyùy. A bó yòʼ‑oò dzə̀, á nàŋsín jay wìr, wù ràn fó fo, a bó á seé nyám, mensə́ mè leém.

Ŋwàʼ woó Rom 3:25

Wù‑uù tùm Jesus Kristu ji wù kpú fo wíri, e tàŋrí áwune, é wun fíʼ làysìn ajay wìr ve á biimen ntàŋrí woo shooy. A Nyùy‑iì yii bèy, fó dìn ji wun kù yii sáʼ ajay ve wíri jáy adzə̀m. Yii bèy, mo wíri kù‑uù jáy fo ŋgùʼ, la wù yòʼ a saʼ, wù‑uù kfə̀mén, e tìír nsaʼ yev.

Matio 3:15

Jesus bìnèr jii, «Wòsò ku yiì ke kí dzəə̀n ji á yii lèn, e fíʼ yiì kinyo ke Nyùy taʼ kidzə̀m, é kí wáa dzə réŋréŋ.» Wù suúy bey, Joon nèn biìmé,

1 Korin 5:7

Vèn fəə́r *nyaà wo dzəə̀n liì wo mvə və̀n fo věn mvəm, é vèn nèn kfə̀n ji wír ve fíyi, là shilóm, mo Nyùy‑iì liìn ven, vèn wáa dzə. Nyùy‑iì lo fò Kristu, wù táŋrí vèsən réŋréŋ moo wan njiì wo wír veé Israyi yii seé e *Ŋkǎʼ Yáʼayshaà, kuúme mo Nyùy‑iì tinen áwune fó kpu.

Sekariya 13:7

«Éè nyùy ye á maʼ rə́r shó, ŋáʼáy, e taàmé nshìy wom, ŋáʼáy, e taàmé ŋgaà wom ŋgoo. Suuy mo woo Nyùy Tàr woo Taà Mànjòŋ. Yúyrí nshìy, é njiì bvəə́rí. M wíy màʼ kiwó kém e ve terií kitu, e lovtí aáwune.

Kèʼlo 3:15

M yíi màʼ vibàn e vèn wiíy nsàn, e kfə̀n màʼ e rám yée, à yé wiíyi. Wìr woo wun ram wíy bvə́ʼ kitú ké, áà wìy tè wun fo nsən kiwuù.»

Daniel 9:26

Ghán sin si wíy shaà, aá laar taà saʼ wo á yoʼon ne, e buúr sáʼ fo kiwo wo. Taà saʼ wùmòʼ wíy ŋaʼáy e ghan fèn, é vé rər vəə́ laar ŋkàlaʼ wùn à kirə́ʼ ké cù ki. Á wíy laàr fó mo laàr ndzə́v, é rə́r sí kú a shaà fo mbìy, e meé mo ghán see shooy si‑íì shaa. Á mo Nyùy wayin ji ŋgeʼ si wíy a koóy.

Ŋwàʼ Luk 22:37

M suuy bèn, bìʼ fo kinyo ke vé‑eè saŋen é Ŋwàʼ Nyùy jii, ‹Vé‑eè tàtí wun wùn à vé jayi,› kí kù kér fó gheén e mǒ kitu lèn. Vèn wáa kiíy jii, vinyo ve vé‑eè saŋen bìʼ mo vidzə̀m vi waà sí gheenè.»