Joon 19:28 - ŊWÀʼ NYÙY

²⁸ Jesus suúy vinyo vìn, e màysì, a wù kiíy ne ji wun màysì ne vinyo və́ lèn a vidzə̀m, wù nèn lò, e sùúy jii, «Kilòŋ kí yúm mo.» A wù suuy bèy ji kinyo kee shooy ke vé‑eè saŋen é Ŋwàʼ Nyùy ki fiʼ ghèén.

Joon 19:28 Referans Kwoze

Nsùyrì Nyùy 69:21

Jìŋ gháʼ mo, á wíy a dzə̀ e ndzəʼ ji viyíkìr. Kilòŋ kém kí yúm, á fó kiŋkway ke melùʼ ji m nó.

Nsùyrì Nyùy 22:15

M yùm ne moo kimbvə́ʼ ke láŋ, a vitaáví vém ví mày ne. Kiliímé kém kí bárín e mǒ kilayláy, aà fò ne mo e kpúu.

Joon 19:30

Jesus nyoóŋé, e sùúy jii, «Vinyo vém vidzə̀m vi mày ne», e nèn màʼ kitú kfə́, e shèm.

Ŋwàʼ Luk 22:37

M suuy bèn, bìʼ fo kinyo ke vé‑eè saŋen é Ŋwàʼ Nyùy jii, ‹Vé‑eè tàtí wun wùn à vé jayi,› kí kù kér fó gheén e mǒ kitu lèn. Vèn wáa kiíy jii, vinyo ve vé‑eè saŋen bìʼ mo vidzə̀m vi waà sí gheenè.»

Joon 19:24

Á nèn sùŋnín jii, «Lá vèsən yòʼ sàr. Vèsən wáa tsəm a dzə̀ kàŋ sho, a yen wír wo wù yíi yòv.» A kí‑iì kòóy bey ji kinyo ke vé‑eè saŋen é Ŋwàʼ Nyùy ki fiʼ ghèén. Vé‑eè sàŋ jii, «Vé‑eè lì ndzə̀y sém, e jàv, e lì kikúm kém, a tsəm kàŋ sho.» Ku nèn a dzə kíwun ke vé rər víyi‑iì yiìn.

Ŋwàʼ Luk 18:31

Jesus lò, e lì wón və́ lìm vee nshòv sibaà e ghvə̀m, wùn áwune bàr wún. Wù wáa suúy jii, «Vèn yuúrí, vèsən sí du e Jerusalem, aá du, e meé fo, é vinyo ve aŋgàa ntum Nyùyi‑iì saŋen bìʼ ŋgaà wo yírí dzəə̀n *Wanwìr və̀n vi nèn wìy ghèén vidzə̀m.

Joon 18:4

Jesus‑eè kìíy ne kinyo ke kí kér fó koóy wun kidzə̀m, wù nèn kòʼtí fo mbìy, e dzə̀r e wír vìyi jii, «Vèn taʼ a dzə̀ la?»

Joon 13:1

Kishiíy ke á kì bvəə́shi, a yi *Ŋkǎʼ Yáʼayshaà ki nèn ghèén, a Jesus kiíy ne ji sì á ghán se wun sí yìi màʼtì ndzə rə̀n, e kfən fo Tàr wóv wùn. Mo wù kù‑uù sí koŋ wír ve yiì dzəə̀n və́ é ndzə fèn, wù ku nèn a kòŋ bèy, e dù, e mày.

Lim Aŋgàa Ntum 13:29

Áwune rúnér vinyo ve Ŋwàʼ Nyùyi‑iì suuy kùm Jesus vidzə̀m, ví mày, á nèn sə̀ʼə́r fo kintam, e wày é sày ye vé‑eè tòʼòn é wǔn kilan.

Ŋwàʼ Luk 9:31

a rán Nyùyi bán sa fo áwuné wùn. Wùn áwune wáa suŋnín mo Jesus wíy dù e Jerusalem, e kpu, é vinyo və́ vidzə̀m vi gheén.

Ŋwàʼ Luk 12:50

Á kér fo wìy way mo é ŋgeʼ mo á yii wáy wír e ndzəv. A dzə̀, a bó kinyo kee shooy ki shaá, la shilív shém shí yòʼ rə̀sìn.

Joon 4:34

Jesus suúy jii, «Vém vee vifá ve yi vi dzə̀ ji m yii kinyo ke wìr wo wù tumen mo, e màysì lim ye wù foon e mò e dzə̀m.

Joon 17:4

A mò‑oò lo màysì lim ye wò‑oò foon e mò e dzə̀m, e dìn e nsay fèn mo vikuʼùy vé vi dzəə̀n.

Joon 19:36

A vinyo vee shooy vi‑iì kooy bèy ji vinyo ve vé‑eè saŋen é Ŋwàʼ Nyùy vi fiʼ ghèén. Vé‑eè sàŋ jii, «Bó á yòʼ wíy beʼ kighvə́r kfə́ kimòʼón gheéy.»