Joon 19:24 - ŊWÀʼ NYÙY

²⁴ Á nèn sùŋnín jii, «Lá vèsən yòʼ sàr. Vèsən wáa tsəm a dzə̀ kàŋ sho, a yen wír wo wù yíi yòv.» A kí‑iì kòóy bey ji kinyo ke vé‑eè saŋen é Ŋwàʼ Nyùy ki fiʼ ghèén. Vé‑eè sàŋ jii, «Vé‑eè lì ndzə̀y sém, e jàv, e lì kikúm kém, a tsəm kàŋ sho.» Ku nèn a dzə kíwun ke vé rər víyi‑iì yiìn.

Joon 19:24 Referans Kwoze

Nsùyrì Nyùy 22:18

Á lì ndzə̀y sém, a jàv. Á lì ne kikúm kém, a tsəm kàŋ sho.

Joon 19:28

Jesus suúy vinyo vìn, e màysì, a wù kiíy ne ji wun màysì ne vinyo və́ lèn a vidzə̀m, wù nèn lò, e sùúy jii, «Kilòŋ kí yúm mo.» A wù suuy bèy ji kinyo kee shooy ke vé‑eè saŋen é Ŋwàʼ Nyùy ki fiʼ ghèén.

Lim Aŋgàa Ntum 13:27

A bó wír veé Jerusalem wùn à vév vé wòŋe yòʼ‑oò ló a kiíy ji Jesus dzə̀ Ŋgaà Lùŋèr woo shooy. Á kfən mèŋ kinyo ke aŋgàa ntum Nyùyi dinè, kinyo ke á rə́si yoŋ fo ŋwàʼ vishiíy vé bam vidzə̀m. Ku nèn yiì áwune, kinyo kee shooy ki gheén mo vé‑eè bìnèn nsaʼ Jesus ji á yúy.

Joon 10:35

a vèn kì sá ji kinyo ke kí dzəə̀n é Ŋwàʼ Nyùy ki kù yii tíy fo. Mo wír ve Nyùy‑iì yoŋ ji anyùy vìne dzəə̀n ve wù‑uù tiísi a dzə̀ vinyo və́ shó,

Aysaya 10:7

Yii bèy, fòn woó Assiriya bá və́ə woo ntaŋ jeéy. Kwaʼtì rəə́ dzə̀ jeéy fo yémé. Ntaŋ və kù dzə̀ ji á wáa laàr kitúm, a liysín e kímóʼ kí, ton, sə́ʼsi, é kí lay, à yírí shó.

Ŋwàʼ Fəə 28:32

e tòʼ shúu kilòŋ fó kintìntìn, aá ku tsə̀m shúu kilòŋ, e fíʼ tavír, fo wú yiì a saàsì.

Matio 27:35

Á nèn tà wun e kintam, e lì ndzə̀y sə́, a tsəm kàŋ sho ji á fiʼ jàv,

Maak 15:24

Á nèn tà wun e kintam, e lì ndzə̀y sə́, a tsəm kàŋ sho ji á fíʼ jàv.

Ŋwàʼ Luk 23:34

Jesus lò, e yòŋ jii, «Tàr wor, ku làysìn jay wìr vìn, bìʼ fo bó á yòʼ kiìn kinyo ke áwune yii.» Wír vìyi yiì lò, e lì ndzə̀y sé Jesus, a tsəm kàŋ sho ji á fiʼ jàv.

Joon 13:18

«Mo m suuy vinyo vìn bèn, bó m yòʼ suuy e wìr dzə̀m. M kì wír ve m shoʼon ji vém, a m kfə̀n kì ji kinyo ke vé‑eè saŋen é Ŋwàʼ Nyùy ki kér fó wìy gheén. Vé‑eè sàŋ jii, ‹Vèr wìr kì yíkir kighín kimòʼón, wù kfən lò, e shòʼ e mǒ bàm.›

2 Afòn 15:12

Mo á yuyrin Fòn Sekariya bèy, kinyo ke Nyùy Tàr‑iì suuyin e Jehu ki ku nèn ghèén. Wù‑uù sùúy shó jii, rám yée wíy saʼ kfəə́ yeé Isray, e dù, e meé ŋgwàʼ sikweè.