Joon 19:23 - ŊWÀʼ NYÙY

²³ Mo vé rərí taan Jesus e kintam, e nèn lì ndzə̀y sə́, e jàv virə́ʼ vikweè mo áwune‑eè dzəə̀n. Kikúm kee fó yuv kí bér, a vé‑eè bà kee shooy kilàŋsìn, là sə́ʼ, e kèʼ fo yuv, e mèé fo ròŋ.

Joon 19:23 Referans Kwoze

Ŋwàʼ Luk 23:34

Jesus lò, e yòŋ jii, «Tàr wor, ku làysìn jay wìr vìn, bìʼ fo bó á yòʼ kiìn kinyo ke áwune yii.» Wír vìyi yiì lò, e lì ndzə̀y sé Jesus, a tsəm kàŋ sho ji á fiʼ jàv.

Maak 15:24

Á nèn tà wun e kintam, e lì ndzə̀y sə́, a tsəm kàŋ sho ji á fíʼ jàv.

Matio 27:35

Á nèn tà wun e kintam, e lì ndzə̀y sə́, a tsəm kàŋ sho ji á fiʼ jàv,

Lim Aŋgàa Ntum 12:4

Á koó Pita, e fìn e lav, e lèm vé rərí viŋkàŋ vikweè, wír akweè akweè, á wáa shìy wun, a Heror‑iì wày wáyín ji Ŋkǎʼ Yáʼayshaà wíy shaà, é wun kóʼór Pita e wírí si, aá wàá sáʼ.

Ŋwàʼ Fəə 28:32

e tòʼ shúu kilòŋ fó kintìntìn, aá ku tsə̀m shúu kilòŋ, e fíʼ tavír, fo wú yiì a saàsì.