Joon 19:22 - ŊWÀʼ NYÙY

²² Payler bìnèr jii, «Kinyo ke m saŋen kí kù sì ke m saŋen.»

Joon 19:22 Referans Kwoze

Nsùyrì Nyùy 76:10

Rúrú, dòʼshwiiy wíri kù yíi màysì, a dzə̀ é burí ji á búrí vitaáví vé Nyùy. Wìr boy fo rər se à maʼà, bo kù sì fə́ə nsiì yé, à wàa kwa ŋgúʼ.

Joon 19:12

Payler yú bey, a tàʼ ji wun maʼti á Jesus. Wír veé Judàa nèn a waamé jii, «Aà màʼtì wír və̀n, bo bó à yòʼ dzə̀ ŋkar Fòn woó *Rom. Wìr wo yoŋ wun kitú kfə́ ji fon, ŋgaàŋ táŋ a dzə̀ kóy wùn Fòn woó Rom.»

Ŋgàn 8:29

Wù‑uù jàv bìíy se rìbà ndzə̀v, e kàntì ndzə́v fo yí wáa leŋ, a fəə e meshavtí. Kù‑uù sì kinsə̀ŋ ke nsay mo wù‑uù tamen. Nyùy‑iì yii vinyo vìn, a m kù dzə̀ fó si.

Nsùyrì Nyùy 65:7

Yii wò, a ndzə́v ye yí yorìi kpúrinè. Kù yii wò, bo yí kpúrín, a tiy ji nyaáŋ. Kù sər wò vitúm, bo ví wáa yàr melaà.

Esta 4:16

«Mordekay, dùu, e bàʼtí wír veé Juda ve á dzəə̀n é Susàa kirə́ʼ kimòʼón, é vèn áwune ku lèm jíŋ, a bùnrì fo mò. Kí dzə̀ jii, e bǎm vishiíy vitaár, e shùy wùn à vitsə́ʼə́, lá wìr yòʼ nò kifá, kìn ji wù yí ke yiín kí. Vèr à wónlě vikìy ve á lim fo mòó kù yíi a lèm sa jíŋ bèy. Kee shooy ki shaa, é m du, e yèn fon. A fə̀m dzə̀ mo nsər yoʼ biìmé ji wìr du fó, a bó á toóy tooyín, bo m kù‑úù du, a mo‑óò du kpù, é m dù kpù.»

Kèʼlo 43:14

Nyùy woo Ŋgaà Vitaàví Vidzə̀m shám mendzən men, e yiì, é wìr woo shooy siir fə́r won və̀y wùn Benjamin e bàm. A kí‑iì dzə̀ ji m wíy lày wón vém, e jòʼsì là wán, kí kù a dzə rì bèy.»