Joon 19:2 - ŊWÀʼ NYÙY

² Vé rərí kfən kaàrí kár e kicí ké njoŋ ki, e səə̀nè e kitu wo ji ntáráʼ, e màʼ kikúm ké vifòn e wùn wó,

Joon 19:2 Referans Kwoze

Ŋwàʼ Luk 23:11

Fòn Heror wùn à və́ vé rərí nèn lò, e kèʼ, a kèŋ Jesus kéŋen, a shoór. Á màʼ kikúm ké vifòn e wùn wó, e nèn siìr, á wáa kfən sho fo Payler.

Aysaya 53:3

Wíri‑iì leey wun fo kisaŋ, kù nyaysì nyàysìn. Wù‑uù dzə̀ wír, a wù‑uù toòmé ŋgeʼ, e toòmé nyár. Wìr yòʼ kfə̀n‑eè kóŋ a leéy wun. Vèr kù‑uù sí ŋwáy wun ŋwáyín, yén wun ji kifá ke kisaŋ ki.

Nsùyrì Nyùy 22:6

Yii bèy, kém kí dzə̀, a bó wíri yòʼ yén mo ji wír. Á yén mo ji kiŋgoóŋgoŋ, shoor mo, kfə̀n ŋwáyí.

Joon 19:5

Á nèn a wìy e Jesus, aá sóv ne ntáraʼ njoŋ və̀y e kitu wo, e màʼ kikúm ké vifòn e wùn wó. Payler suúy e wír vìyi jii, «Vèn yén ri wír və̀y.»

Aysaya 49:7

Nyùy Tàr dzə̀ Mfə̀ə́r wìr veé Isray, a dzə̀ wun Ŋgaà wo Ranén wo áwune ghvə́mé. Wù yoŋ ŋgaà wo vitúm vi nyaysì nyàysìn, wun wo wù‑uù foon kitú kfə́, a lìm fo atǎr saʼa. Wù yoŋ wun, suuy sho jii, «Afone wíy yen wò, e ŋaʼáy fo akàvàʼ, a ghvəm wò, áàtǎr wòŋe wáa gvəʼtí e wò si. Á wíy a yiì bèy, bìʼ Nyùy Tàr, wun woo Ŋgaà wo Ranén woó Isray. Wù yoŋ kinyo, bo wù yii a dzə̀ kíwun, a shòʼ wun wò.»