Joon 19:17 - ŊWÀʼ NYÙY

¹⁷ wùn áwune fəə́, wù wáa beʼ kintam kfə́, á wáa dù e kirə̀ʼ ke á yoŋ ji ŋgéreʼ kitu ke wìr, a dzə̀ é Lǎm Hibru ji Gorgota.

Joon 19:17 Referans Kwoze

Ŋwàʼ Luk 23:33

Á meé é kirə̀ʼ ke á yoŋ ji ŋgéreʼ kitu ke wìr, e nèn tà Jesus fo e kintam, e kfə̀n tàm sá aŋgàa njò vee abaà viy e vintam, wùmòʼ e Jesus koy yìyí, wùmòʼ é koy ŋkoòvìi.

Ŋwàʼ Luk 14:27

A bó yòʼ dzə̀ sá wìr wàa dzə ŋgaà ŋgoo wom, a bó wù biímé kpú, e lì moo kintam, a ghan sho e mǒ bàm.

Ŋwàʼ Luk 23:26

Á nèn lì Jesus, a dù sho. Á lòo dù, e tàrnín wùn à wìr wùmòʼ, a wù wiy fo kwaʼ, aá yoŋ ji Simon, a dzə̀ wír wo wù‑uù loòn fó Serina. Á bám, e neèr kicí ké kintam ke Jesus e mbèʼ wo, wù bèʼèy, a wìy sho e Jesus bàm.

Lim Aŋgàa Ntum 7:58

e fəə̀ shó fo ŋkàlaʼ, e dù, a tsəmrí e tíyí ji á yúyrí. A wír ve á kì tiimen, a suúy vinyo e Tefan bàmé kì shòʼtí vikúm vév, e fò e wánlè nsùm wùmòʼ, aá yoŋ ji Saul, e bó a tsəmrí.

Maak 15:32

Wun woo *Mfə̀ə́r woo Fon wìr veé Juda, wù sə́ʼə́y ri fo kintam, é vèr yén, e wày shilív é wùn wó.» A wír ve vé‑eè tamen e Jesus ghaŋe kù shur sa wun e liy si bey.

Ŋwàʼ Luk 23:38

Á sáŋ ŋwàʼ, e bàrír e kintam, e Jesus kitu jii, «Və̀n dzə̀ Fon wìr veé Juda.»

Ŋwàʼ Luk 9:23

Wù kfə́n a suúy e wìr dzə̀m jii, «A wìr koŋ ji wun wáa dzə ŋgaà wom ŋgoo, ŋgaàŋ kù màʼày kitú kfə́, e toòmé kpú, a lì moo kintam vishiíy vidzə̀m, a ghan sho e mǒ bàm.

Maak 15:26

Á sáŋ njò rə, e bàrír e kintam foo fèy, a yì dzə̀ jii, «Fon wìr veé Juda.»

Maak 10:21

Jesus leéy wun, a kòŋ, e sùúy sho jii, «Bo kinyo ki dzəə́ bér kimòʼón ke dzə̀ à yiì. Dù ri, e fiìnè kéŋ yée e dzə̀m, e jàv mbàm e vé ŋgeʼe, e wìy, é wòsò wáa ghan. À yii bèy, áà nèn wìy a ker bùʼ a dzə̀ e Nyùy wòŋ woó yuv.»

Maak 8:34

Wù nèn jàŋ màŋgòŋ, á wìy, wù wáa suúy e wùn à wón və́ lìme jii, «A wìr koŋ ji wun wáa dzə ŋgaà wom ŋgoo, ŋgaàŋ kù màʼày kitú kfə́, e toòmé kpú, e lì moo kintam, a ghan sho e mǒ bàm.

Matio 27:37

Á sáŋ njò rə, e bàrír e kintam e wùn kitu, a yì dzə̀ jii: «Və̀n dzə̀ Jesus woo Fon wìr veé Juda.»

Matio 16:24

Jesus suúy bey, e nèn sùúy e wón və́ lìme jii, «A wìr koŋ ji wun wáa dzə ŋgaà wom ŋgoo, ŋgaàŋ kù màʼày kitú kfə́, e toòmé kpú, e lì moo kintam, a ghan sho e mǒ bàm.

Matio 10:38

A wìr dzə̀ là fó biimé kpú, e lì moo kintam, a ghan sho e mǒ bàm, bo bó ŋgaàŋ yoʼ ghèén ji ŋgaà wom ŋgoo.

1 Afòn 21:13

Vé kiŋari nèn wìy abaà, e dzə̀ʼə̀m e wun ŋkìʼnìn, a gòvtì wun e wírí si, a suuy jii, «Nabot‑iì kuù ne Nyùy, e kfə̀n kuù fon.» Á bèy, á nèn tùʼ wun, e fəə̀ ŋkàlaʼ sho, e tsə̀mrí, e yùyrí.

Cù 24:14

«Vèn li ŋgaà ŋkáymé və̀n, e fəə̀ kibeey kí shó, é wìr dzə̀m wo wù yuun mo wù yoŋè neer wó rə́ é kitu wo, é màŋgòŋ tsə́mrí e tíy sí.

Kèʼlo 22:6

Abraham lì meŋkaʼ me cù, e fò, Aysi woo wán və bèʼèy. Wù wáa ker kfə́ a dzə̀ shwàʼ wùn à və́yí é kiwo. Áwune vee abàá nèn a dù.

Joon 5:2

Kisə̀m kímóʼ kí wáa dzə e Jerusalem foo fèy, aá yoŋ aáwuné Lǎm Hibru ji Besata, a kí dzə̀ é ghaa shùu kày wo vé‑eè yoŋ ji Shúu Kày Njiì. Aá bóm vibàn é ghaa kisə̀m fey vitàn,

Joon 19:13

Payler yú kee shooy, e nèn fə̀ə́r Jesus, e dzə̀ʼə̀m e kirəsí fo wù yii tínen nsaʼ, aá yoŋ fó ji nsaàlav mfiì, a dzə̀ é Lǎm Hibru ji Gabata.