Joon 19:13 - ŊWÀʼ NYÙY

¹³ Payler yú kee shooy, e nèn fə̀ə́r Jesus, e dzə̀ʼə̀m e kirəsí fo wù yii tínen nsaʼ, aá yoŋ fó ji nsaàlav mfiì, a dzə̀ é Lǎm Hibru ji Gabata.

Joon 19:13 Referans Kwoze

Matio 27:19

Bo taaka mo wù kì dzə̀ʼə̀mèn e wùn kirəsí ji wun sáʼ nsaʼ Jesus, wiiy və tsə́nsí ntum jii, lá wù yòʼ kùm a wír və̀y. Wù yòʼ kér a njò yìmòʼ gheéy. Wun suuy bèn a, bìʼ fo njèm se wìr və̀n si siiyin, e shì wun, ndzə rán ranén.

Lim Aŋgàa Ntum 4:19

Pita wùn Joon nèn bìnèr jii, «Vèn ku kwàʼtì kinyo ke Nyùy koŋ ji wìr yii. Wù koŋ ji wìr yú kinyo a dzə̀ ké wìr moo ké wun woo Nyùy a?

Joon 19:8

Payler yú kee shooy, e màysì, e fàn,

Ŋwàʼ Luk 12:5

Vèn yuúrí wír wo dzə̀ á wàa fàn. Vèn wáa fàn a dzə̀ Nyùy. Wù yúyri wír fo wùn, wù kfə̀n a ker vitaáví ve dzə̀ wù màʼ ŋgaàŋ e və̀y. M nén a suúy jii, vèn wáa fàn a dzə̀ á wun woo Nyùy.

Amos 4:7

«Kfə̀n‑eè yiì mo, é bo wuú táv é yuv, yí táv, a dzəə́ bér ŋwee e taár, é bo á keʼ, a kav vifá. Mò‑oò yiì, wuú wáa lo e ŋkàlaʼ yìmòʼ, e tìír tiirín, fo yí wáa lo e yìmòʼ. Wuú‑uù ló e virə̀ʼ vímóʼ ví, a vímóʼ ví yúm yumén.

Aysaya 57:11

Nyùy Tàr kú a dzər jii, «Anyùy ve vé‑eè bemerin ven, é bo vèn bóʼtí kimboʼtì vèsən, e làysìn mo ŋkuuŋkùŋe dzə̀ viné? Vèn tèn fó a ghvəm mo, bìʼ fo m kfəmen, e dzə̀ʼə̀m kisə́sə ntàmda à?

Ŋgaà Tàrvìnyò 5:8

Aà yèn, a vé saʼa nyavrì aàghéʼnceyí, tén fó a tinén kinyo kév é nsànloŋ, kù shwiv áwune shwívin, lá kí yòʼ a ma shuu wó, bìʼ fo wìr wo kuʼùn lóo dzə, wùmòʼ kù a dzə wo wù kùʼùn, e shaà wun, wo wù kiʼ kifá fo wun. Aámóʼó kfə̀n dzə̀ə́ ve á kùʼkìn áàntaʼ, aá kiʼ sa vee shooy.

Ŋgàn 29:25

À lóo fàn wíri, bo à yíi lò, e lì e kitam. Yii bèy, wìr tiir a dzə̀ Nyùy fo mbìy, bo wù yíi a kìŋsìn wun.

Joon 5:2

Kisə̀m kímóʼ kí wáa dzə e Jerusalem foo fèy, aá yoŋ aáwuné Lǎm Hibru ji Besata, a kí dzə̀ é ghaa shùu kày wo vé‑eè yoŋ ji Shúu Kày Njiì. Aá bóm vibàn é ghaa kisə̀m fey vitàn,

Jeremia 38:19

Fòn Tsədekiya nèn a wovrí kfə́ e Jeremia jii, «M fan afə́r vém veé Juda ve vé‑eè shwiin ne kitú e wír veé Babilone. M fan ji kìn m du, aá wáy mo aáwuné wo, aá wáa nə̀ʼsì.»

Joon 19:17

wùn áwune fəə́, wù wáa beʼ kintam kfə́, á wáa dù e kirə̀ʼ ke á yoŋ ji ŋgéreʼ kitu ke wìr, a dzə̀ é Lǎm Hibru ji Gorgota.

Joon 19:20

Kirə́ʼ ke vé‑eè tamen Jesus sho kìn ki‑iì dzə̀ é ghaa ŋkàlaʼ Jerusalem. Wír veé Judàa wáa shaà fo anín, a yòŋ kinyo kee shooy, a vé‑eè sàŋ aáwuné Lǎm Hibru, e kfə̀n sàŋ e wír veé Romé làm, e sàŋ sá e wír veé Grikí làm.