Joon 19:10 - ŊWÀʼ NYÙY

¹⁰ Payler nèn dzə̀r shó jii, «À tén fó bìnèr kinyo e mò a? À yòʼ kì ji kér mo vitaáví fó suúy, aá maʼti wò, a m kér fó suúy, aá tá wò e kintam à?»

Joon 19:10 Referans Kwoze

Joon 18:39

Yii bèy, a vèsən kér nsìysì wùmòʼ ji lóo dzə e ghan sé Ŋkǎʼ Yáʼayshaà və̀n, m fə̀ə́r wir sháŋ wo vèn lonen wùmòʼ. Kí ghèén ven ji m fəə́r a dzə̀ wír və̀n wo á yoŋ ji Fon wìr veé Juda à?»

Daniel 5:19

Mo Nyùy‑iì bùʼùn wun e sáʼ ye ghaʼáné bey, wìr dzə̀m ku nèn a fàn wun fánen. Kìn wìr‑iì dzə̀ wir kitum kìka, kìn woó wòŋ vəneé, kìn wù súŋnin a dzə̀ lám kitum kiné kí, á kù‑uù fan wun fánen, yaʼà. A tàr wov‑iì yèn wír, a tàʼ ji wun yúyrí, bo wù kù‑úù yúyrí, e yèn wír, a kòŋ ji wun‑éè bávtí, bo wù kù‑úù bávtí. A wù‑uù yèn wír, a kòŋ ji wun‑éè buʼ, bo wù kù buʼù, e yèn wír, e kòŋ ji wun‑éè baʼ fó ntaʼ, bo wù kù baʼà.

Joon 19:9

e lì Jesus, e kfə̀n shó e mvə̀m ntoʼ, e dzə̀r shó jii, «À lò fo feé?» La Jesus yòʼ ghày.

Joon 19:11

Jesus bìnèr jii, «Bó yòʼ dzə̀ à wàa ker vitaáví ve dzə̀ à yiì kinyo e mò, a bó Nyùy biímé gheéy. Jay wo kuʼùn ku nèn a dzə wo wìr wo wù wayin mo e wò kiwo, bó yòʼ dzə̀ wo.»