Joon 18:8 - ŊWÀʼ NYÙY

⁸ Jesus suúy jii, «M kì sùúy ne ji dzə̀ á mo woo shó. A vèn bèn taʼ a dzə̀ mo, vèn màʼtì, é wír vìne wáa dù.»

Joon 18:8 Referans Kwoze

1 Pita 5:7

Vèn ku wày akíghàʼ véné a dzə̀ e Nyùy kiwo, bìʼ fo kù rə́si géŋsin wun e vèn.

Efesor 5:25

Ven vee vilum, vèn kú a kòŋ vikìy vén réŋréŋ mo Kristu‑uù kòŋèn kintatì ke wìr və́, e kpù fó fo.

2 Korin 12:9

M lóné, wù kù sùúy ji wun yíi a shìy a mò, a sə mo, lá m yòʼ dzə́ə a shii a kinyo kímóʼ kí, bìʼ fo wìr yii búŋ vitaáví, bo wù yú mo vitaáví vé wun woo Nyùy vi lim e ŋgaàŋ wùn kijuŋ. M nén a sheʼrí ndzə́m wom woo shoon e ŋàŋ, é vitaáví vé Kristu vi ku màysì, a lìm e mǒ wùn.

1 Korin 10:13

Vèn wáa kiíy ji vinyo ve ví mumrì ven ví kù dzə̀ sáa ve ví yii mum wír ámóʼó. A Nyùy kù dzə̀ vèsən áwune, mo wù‑uù kàʼàn, a bó yòʼ dzə̀ wù biìmé ji vinyo vee shoon vi shaa vitaáví vesən. Mum yee shooyi lóo koóy ven, é wù kú a dìn dzə́ə ye dzə̀ vèn sò shó, e tòsín e mvəm wó, e làa yòʼ gbù.

Joon 16:32

Vèn wáa kiíy jii, ghán sí yíi gheén, a sí sì é kiwo, é vèn táʼrí adzə̀m, e kfə̀n e věn melaʼ, e màʼtì mo vèr mòʼón. Yii bèy, a bó m yòʼ yii dzə́ vèr mòʼón, kù yii dzə́ vèr Tàr wor.

Joon 13:36

Simon Pita nèn sàyín jii, «Tàr, à du a dzə̀ feé?» Jesus bìnèr jii, «M du e kirə̀ʼ, a bó yòʼ dzə̀ à wìy fó lèn. À wíy siíy, e jùmrì mo a dzə̀ é ghan sé bàm sí.»

Joon 13:1

Kishiíy ke á kì bvəə́shi, a yi *Ŋkǎʼ Yáʼayshaà ki nèn ghèén, a Jesus kiíy ne ji sì á ghán se wun sí yìi màʼtì ndzə rə̀n, e kfən fo Tàr wóv wùn. Mo wù kù‑uù sí koŋ wír ve yiì dzəə̀n və́ é ndzə fèn, wù ku nèn a kòŋ bèy, e dù, e mày.

Joon 10:28

a m fó dzəʼə̀m yee là may aáwune. A bó yòʼ dzə̀ áwune dzəə nə̀ə́ e lòn, a bó yòʼ dzə̀ wìr faàsì áwune fo mǒ kiwo gheéy.

Matio 26:56

A kinyo ke kí kooy kìn ki kòóy bèn ji kinyo ke aŋgàa ntum Nyùyi‑iì saŋen kí fiʼ ghèén.» Mo á koon Jesus, wón və́ lìme nèn shwèy wun adzə̀m, e lèʼkír.

Aysaya 53:6

Vèsən adzə̀me‑eè dzə́ fo mbìy, ján janén moo njiì wo wù jayin dzə́ə. Vèsən‑eè shwèy ne dzə́ə Nyùy, wìr wáa bìn e rə́ə yee dzə́ə. Yii bèy, Nyùy Tàr lí vinyo vesən ve bi ví vidzə̀m, e siìr e wìr və lìm və̀n kitu.

Joon 18:7

Wù nèn kfə̀n dzə̀r jii, «Vèn taʼ a dzə̀ la?» Á kfən bìnèr jii, «Jesus woó Naasarer.»

Joon 18:9

A wù suuy bèy ji kinyo ke wù kì suuyin kí fiʼ ghèén. A wù kì sùúy e Nyùy jii, «M yoʼ lày wír e mòʼón fo ve wò‑oò foon e mòó.»