Joon 18:40 - ŊWÀʼ NYÙY

⁴⁰ Áwune nèn lò, a waamé waamén jii, «Vèr yòʼ taʼ wír və̀n. Ku fə̀ə́r a dzə̀ Barabar.» A Barabar wo vé‑eè lón və̀n‑eè dzə̀ kiŋkór ke shòŋ.

Joon 18:40 Referans Kwoze

Ŋwàʼ Luk 23:25

Wù nèn fə̀ə́r a dzə̀ wír wo áwune kì lón və̀y, wo vé‑eè wayin é sháŋ, bìʼ fo wù‑uù màʼàn melaà, a yuyrí wíri. Wù fəə́r, e nèn fò Jesus aáwune ji á yii ri sho a mo á taʼà.

Maak 15:15

Payler nèn a tàʼ ji wun yii, é wún wìr veé Judàa fíʼ a bòŋ. Wù nèn fə̀ə́r a dzə̀ Barabar fo lav sháŋ, e fò aáwune, e fò Jesus e vé rərí ji á tám e ŋgwàne, e lì, e dù, e tà é kintam.

Maak 15:7

Wáa dzə e ghan sin, a wìr wùmòʼ dzə̀ é sháŋ, a yírí dzə̀ Barabar, a dzə̀ wír fo ŋgoo wìr ve vé‑eè wayin é sháŋ, a vé‑eè yúyri wíri ji á fíʼ màʼ sáʼ yeé wòŋ.

Matio 27:26

Payler nèn fə̀ə́r Barabar, e fò aáwune, e fò Jesus, á tám e ŋgwàne. Wù yiì lò, e sùúy ji á li á ri, e dù, e tà é kintam.

Matio 27:16

Wáa dzə e ghan sin, a kintìŋ ke wìr wùmòʼ kí dzə̀ é sháŋ, aá yoŋ ji Barabar.

Matio 26:55

Jesus suúy bey, e dzə̀r e màŋgòŋ və̀y jii, «Vèn kì wiy ji vèn koó mo, wiy e nyùy sí wùn à vibur vi ben, a m dzə̀ shóŋ a? Mò‑oò rə́si yéʼey wíri é lav cù kishiíy mo kishiíy kí‑iì dzəə̀n, shém ka fo vèn koó mo é ghan see shooy?