Joon 18:4 - ŊWÀʼ NYÙY

⁴ Jesus‑eè kìíy ne kinyo ke kí kér fó koóy wun kidzə̀m, wù nèn kòʼtí fo mbìy, e dzə̀r e wír vìyi jii, «Vèn taʼ a dzə̀ la?»

Joon 18:4 Referans Kwoze

Joon 13:1

Kishiíy ke á kì bvəə́shi, a yi *Ŋkǎʼ Yáʼayshaà ki nèn ghèén, a Jesus kiíy ne ji sì á ghán se wun sí yìi màʼtì ndzə rə̀n, e kfən fo Tàr wóv wùn. Mo wù kù‑uù sí koŋ wír ve yiì dzəə̀n və́ é ndzə fèn, wù ku nèn a kòŋ bèy, e dù, e mày.

Joon 18:7

Wù nèn kfə̀n dzə̀r jii, «Vèn taʼ a dzə̀ la?» Á kfən bìnèr jii, «Jesus woó Naasarer.»

Lim Aŋgàa Ntum 2:28

À dìn ne mo dzə́ə ye dzə̀ m shaà shó, e bóo lùŋ, a m wíy a dzə e wò si, a ker kishéʼrì ke kuʼùn kí.› »

Nsùyrì Nyùy 27:3

A mànjòŋ rə̀r fə̀m gìŋ mo, e tàr, la m yòʼ a fàn kifá. A rə́r sí fə̀m kiʼ mo, bo m kù yíi a tiír vifií a dzə̀ e Nyùy wùn.

Joon 19:28

Jesus suúy vinyo vìn, e màysì, a wù kiíy ne ji wun màysì ne vinyo və́ lèn a vidzə̀m, wù nèn lò, e sùúy jii, «Kilòŋ kí yúm mo.» A wù suuy bèy ji kinyo kee shooy ke vé‑eè saŋen é Ŋwàʼ Nyùy ki fiʼ ghèén.

Joon 13:11

A wù suuy ji bó á yoʼ ràn adzə̀m, bìʼ fo wù kiìn wír wo wù‑uù yíi way wun aàŋgaà və́ vibàné wo.

Joon 6:64

Yii bèy, a wír ámóʼó dzə̀ e věn mvəm, a bó á yòʼ biíme kinyo kém.» Jesus wáa suúy bèy, a wù‑uù kìíy ne wír ve bó á yòʼ wáy shilív e wun wùn, e kfə̀n kìíy sa wír wo wù wíy kar menàŋ e wùn bàm.

Ŋwàʼ Luk 24:44

Wù nèn lò, e sùúy aáwune jii, «Kinyo ke vèn yenen lán kìn ki dzə̀ ke mò‑oò suuy e vèn, a vèsən dzə̀ə́. Mò‑oò suuy jii, vinyo vidzə̀m ve vé‑eè saŋen é Ŋwàʼ Nsər Mooser, e sàŋ é Ŋwàʼ Aŋgàa Ntum Nyùy bìʼ mo, e kfə̀n sàŋ é Ŋwàʼ Nsùyrì Nyùy Nyùy vi kù kér fó wìy gheén.»

Matio 26:31

Á lòo dù, Jesus wáa suúy aáwune jii, «Vitsə́ʼ vé lán vi yíi kùʼ, é vèn bin ndzə̀m e mò adzə̀m. A dzə̀ mo vé‑eè saŋen ji Nyùy suuy jii, ‹M wíy yuy nshìy, é ŋgoo njiì táʼrí.›

Matio 26:21

Á lòo yikír, wù suúy jii, «M suuy ven kinyo ke ru kí jii, wìr yíi lò fo věn ŋgoo, e fo mo áàŋgaà vém vibàné.»

Matio 26:2

«Vèn kì jii, bèr ne vishiíy vibaà, aá wáa ker *Ŋkǎʼ Yáʼayshaà, a sì ghán se á wíy lì ŋgaà wo yírí dzəə̀n *Wanwìr və̀n, e fo ji á yúyrí é kintam.»

Matio 16:21

Kèʼ fo ghan see shooy Jesus nèn kèʼ, a naàrì e wón və́ lìme jii, «M kér fó dù e Jerusalem. A kinyo ke kí wíy koóy mo fó ki dzə̀ jii, m wíy yen ŋgeʼ sinín e vé wòŋe wùn à vitú ve atàá cùu, à wír ve á duŋrì nsər Nyùyí wo, aá yúyrí mo, vishiíy ví mee vitaár, é Nyùy fəə́r mo fó kpu.»

Ŋgàn 28:1

Wír ve á méŋ Nyùyi nyéŋ là ŋgaà jùm, a ve á yú Nyùyi tíy ji ŋkǐŋ moo bvərə̀ʼ.

Nsùyrì Nyùy 3:6

M yòʼ fan wír vee ansə̀kì ansə̀kì vìn, wír ve á gìŋèn mo, e kaàrí e tàr, ji á yúyrí.

Nehemia 6:11

M nèn bìnèr jii, «A dzə̀ rú wír moo mo ben, wù wàa leʼ a? A dzə̀ wír moo mo ben, wù wàa dù e lav Nyùy ji wun luŋer kitú kfə́ à? Bó m yòʼ du.»

1 Afòn 18:10

Ké ru kí, mo Nyùy Tàr woo Nyùy wò dzəə̀n shó, kitúm ki yòʼ dzə̀ shó ke taàtá wom woo fon yóʼ ne tsə̀nsí wír fo ji wù taʼ á wò. Wìr du, á yòŋ ji à yòʼ dzə̀ á fo. Fòn nèn yiì, wír vee fóo lìʼ ji á yoʼ yèn á wò.

1 Pita 4:1

Vèsən kì ji Jesus‑eè lì wún wìr, e biìmé ŋgeʼ, a sòrkìr. Vèn ku nèn bàʼtí wún wón sá ji dzə̀ vèn wàa sòrkìr bèy, a kiíy ji wìr biíme ŋgeʼ, lóo kom aghàghir, bo bó yòʼ dzə̀ vifií və́ ví kfə̀n a tiy e vinyò ve bi ví.

Joon 18:5

Á bìnèr jii, «Jesus woó Naasarer.» Wù nèn sùúy jii, «Dzə̀ mo woo shó və̀n.» A Judar woo ŋgaà və menàŋ və̀y tíy sa wùn áwune.