Joon 18:36 - ŊWÀʼ NYÙY

³⁶ Jesus bìnèr jii, «Bó vifon vém ví yòʼ dzə̀ veé ndzə fèn. A kì dzə̀ veé ndzə fèn, bo wír vémé ló a fùnèn fo vé wòŋe kum mo. Yii bèy, a bó vifon vém ví yòʼ dzə̀ veé ndzə fèn.»

Joon 18:36 Referans Kwoze

Ŋwàʼ woó Rom 14:17

A bó wír ve á dzəə̀n e Nyùy mvə̀m saʼa yòʼ dzə̀ ji á wáa nonín, a yinín. Ké saʼ Nyùy ki dzə̀ jii, á wáa yiì kinyo a dzə̀ ke kí gheenen Nyùy, é melív mev mè wáa dzə nyaáŋ, é Kiyoy ke Ranén kí kfə́n a yiì, aá wáa yu vijuŋ.

Joon 6:15

Jesus kiíy ji wír vìne sí lo, e bam wun ji á kóʼór á ji fon, wù nèn nyèŋ, e kfə̀n kòʼ kóʼón é mbìv agwan wùn mòʼón.

Daniel 7:14

Á fó wun vitaáví vé saʼ, e fò wun vikuʼùy, wù wáa saʼ vifon, é wìr dzə̀m fíʼ a lìm fo wun, kìn dzə̀ wir kitum kìka, kìn woó wòŋ vəné, kìn wù súŋnin a dzə̀ lám gha. Sáʼ rəə́ dzə̀ sáʼ, a yí kù wíy a tiy fo, a bó yòʼ dzə̀ yí wìy mày. Vifon və́ ví dzə̀, a bó yòʼ dzə̀ kifá ki wìy laàr.

Daniel 2:44

«Atǎr saʼ vìne wíy lóo saʼ, é Nyùy woó yuv neer á rə́ yee sáʼ ye yí yòʼ wíy mày, a bó wír ámóʼó yòʼ wíy yu a fó sə, a saʼ. Yí wíy laàr a sáʼ afòn vìy, é yí may ŋkuuŋkùŋ, é nèn kù a tiy a sáʼ Nyùy rə̀n fo, e dù, e jòʼsì.

1 Timoti 6:13

M nén a suúy e wò lèn jii, à ku lèm a vinyo ve m saŋen vin vidzə̀m. A m suuy, tiir a dzə̀ Nyùy fo mbìy. Nyùy, wo wù yii, bo vifá vidzə̀m vi wáa ŋèʼ, kfə̀n tiir Jesus Kristu wo wù‑uù tiimen e Poshur Payler si, a suúy fo wùn shuù feyì ji wun lò a dzə̀ á fo Nyùy.

Matio 26:53

Bó à yòʼ kì jii, a kì dzə̀ ji vindzəʼ, m lòn, Tàr wor tsə̀nsí nshèelav sə́ ansə̀kì ansə̀kì kàŋ mòʼón à?

Sekariya 9:9

Éè wìr veé Sion, vèn wáa sheʼrí e mbòómbòŋ. Éè wìr veé Jerusalem, vèn wáa ndzəʼ. Vèn yén mo fòn won wiyì, wiy e sáʼ yee tìítiyi, séŋ nsiì, e kù yòʼ lì kitú kfə́ shishàr, e kòʼ a dzə̀ kimbèʼbìy, kimbèʼbìy, a dzə̀ kee wán.

Ŋwàʼ Luk 12:14

Jesus yòŋ jii, «Wìr və̀n, lèm la mo ji m wáa tinén nsaʼ sén, a jàv vifá vén?»

Joon 8:15

Vèn sáyri kinyo ke wìr a dzə̀ mo vifií vén ví dzəə̀n. A bó yòʼ fə̀m dzə̀ m wàa sayrí kinyo ke wìr.

Joon 18:35

Payler bìnèr jii, «M dzə̀ wír woó Juda moo? Bó wír ve á wìyìn e wò fèn ji m sáʼ víne yòʼ dzə̀ wír vén wùn à vitú ve atàá cù véné a? Kinyo ke à jayin kí dzə̀ ka?»