Joon 18:35 - ŊWÀʼ NYÙY

³⁵ Payler bìnèr jii, «M dzə̀ wír woó Juda moo? Bó wír ve á wìyìn e wò fèn ji m sáʼ víne yòʼ dzə̀ wír vén wùn à vitú ve atàá cù véné a? Kinyo ke à jayin kí dzə̀ ka?»

Joon 18:35 Referans Kwoze

Lim Aŋgàa Ntum 23:29

Á tàr, m yén ji á tóy wun a dzə̀ é mbìʼ woo kùm nsər sév. A bó wù yòʼ‑oò lo jày kinyo kímóʼ kí ke dzə̀ á yùyrí, kìn ke dzə̀ á wày é sháŋ.

Lim Aŋgàa Ntum 21:38

Bó yòʼ dzə̀ wò wír woó Ejiv wo wù‑uù taʼ, e màʼ sáʼ yeé wòŋàn və̀y à? Kí vèn à wíri‑iì tàtí ansə̀kì akweè, a ghan, a yuyrí wíri, a dù, a lìr e kwaʼ?»

Lim Aŋgàa Ntum 3:13

Yiì Nyùy ji wun kóʼór yír Jesus woo Ŋgaà və Lìm, wun woo Nyùy wo dzəə̀n wo atǎr ram yesən. Dzə̀ Nyùy Abraham, à wo Aysi, à wo Jakov. Jesus woo shooy dzə̀ wo vèn‑eè gòvtìn, e lì, e fò e vé saʼa, Payler lòo màʼtì, vèn sháʼnín.

Joon 19:11

Jesus bìnèr jii, «Bó yòʼ dzə̀ à wàa ker vitaáví ve dzə̀ à yiì kinyo e mò, a bó Nyùy biímé gheéy. Jay wo kuʼùn ku nèn a dzə wo wìr wo wù wayin mo e wò kiwo, bó yòʼ dzə̀ wo.»

Joon 19:6

Vitú ve atàá cù wùn à vitú ve wìr ve vé‑eè shiy lav cùu yén Jesus, e nèn a waamé waamén jii, «Á ku tà taán é kintam. Á tá taán é kintam.» Payler nèn sùúy jii, «Bo kù li ven, e dù, e ta e kintam. Bó m yoʼ yèn kinyo ke wù jayin.»

Joon 18:28

Ndzə yiì lòo jàv, á nèn lì Jesus fo Kayfar laʼ, a dù sho e ŋgaà saʼ woo wír woó *Rom ntoʼ. Á dù, e lòo nəə́ e mvə̀m ntoʼ, vé wòŋ vìyi gòʼ fo ndzə, bìʼ fo vé‑eè fan fó ndzəʼ vishí vév e wìr kitum laʼ, e làa yòʼ dzə́ə yi *Ŋkǎʼ Yáʼayshaà woó ghan see shooy.

Nehemia 4:2

Wù‑uù yòŋ e ŋgoo rə wùn à vé rər veé Samariàá si jii, «Alàykìsáŋ veé Juda vìne kwaʼ ji á yii a dzə̀ ka? A dzə̀ áwune nàŋsín rú vinyo a? A dzə̀ áwune yiì cu, e màysì lim kishiíy kimòʼón a? A dzə̀ áwune siìr tíy ye yí keèsìn mo və́yí tònèn ne, yí kfə̀n e juŋ a?»

Esra 4:12

a vèr taʼ e yiì, aá kiíy fó ntoʼ a ji wír veé Juda ve vé‑eè loòn fo wun wòŋ, e wìy, e yèn ver fene dù a ne, a dzə e Jerusalem, aá kfə̀n sí bóm a ŋkàlaʼ rə̀y ye dzəə̀n ye antavkìtu, wír, aá kér yii ye bií. Áwune sí maysì a kay, kfə̀n náŋsin a kinsə̀ŋ.

Joon 18:34

Wù bìnèr jii, «À dzə̀r kin ji dzə̀r wò mo à dzə̀r bìʼ fo suuyin wír e wò a?»

Joon 18:36

Jesus bìnèr jii, «Bó vifon vém ví yòʼ dzə̀ veé ndzə fèn. A kì dzə̀ veé ndzə fèn, bo wír vémé ló a fùnèn fo vé wòŋe kum mo. Yii bèy, a bó vifon vém ví yòʼ dzə̀ veé ndzə fèn.»