Joon 18:32 - ŊWÀʼ NYÙY

³² A kinyo kìn ki‑iì kòóy bey ji kfə́ə kpu ye Jesus‑eè suuyin ji wun wíy kpuu fiʼ ghèén.

Joon 18:32 Referans Kwoze

Joon 3:14

Kú a kiíy jii, mo Mooser‑iì koʼorin yó ye vé‑eè fèrìn e kisha ki é kici, e kirə̀ʼ ké woʼ kí, kù dzə̀ réŋréŋ mo á kér fó wìy koʼór sa ŋgaà wo yírí dzəə̀n Wanwìr e kici,

Matio 26:2

«Vèn kì jii, bèr ne vishiíy vibaà, aá wáa ker *Ŋkǎʼ Yáʼayshaà, a sì ghán se á wíy lì ŋgaà wo yírí dzəə̀n *Wanwìr və̀n, e fo ji á yúyrí é kintam.»

Matio 20:19

Á tínen bèy, aá nèn wày wun e vitúm ve ví sáʼ woŋ və̀n ví wo, aá wáa shoór wun, e tam e ŋgwàne, e lì, e dù, e ta e kintam. Wù kpú, vishiíy ví wíy mee vitaár, é Nyùy fəə́r wun fo fo.»

Joon 8:28

Jesus nèn kfə̀n sùúy aáwune jii, «Vèn wíy koʼór ŋgaà wo yírí dzəə̀n *Wanwìr və̀n e kici, é vèn nèn kìíy jii, ‹Dzə̀ mo wo dzəə̀n mo›, e kfə̀n kiíy ji bó m yòʼ yii vinyo a dzə̀ á fo mǒ vitaaví. M suuy vinyo a dzə̀ ve Tàr wor‑iì dìnèn e mò.

Maak 10:33

a suúy jii, «Vèn yuúrí, vèsən sí du e Jerusalem, a dzə̀ fo á sí du, e way ŋgaà wo yírí dzəə̀n *Wanwìr a dzə̀ e vitú ve atàá cù wùn à wír ve á duŋrì nsər Nyùyí wo, aá sáʼ nsaʼ rə, e bìn ji á yúy. Á wíy way wun e vitúm ve ví sáʼ woŋ və̀n ví wo,

Remrí 21:23

lá vèn yòʼ màʼtì dzə́n rə́, é yí shiíy é kici. Á ku dzəə̀mè wun e si kishiíy, bìʼ fo á keerì wír e kici, bo lǒn Nyùyi sì é kitu wo. Lá vèn yòʼ wìy e *kifàn kí é nsay ye Nyùy Tàr woo Nyùy won fó e vèn ji vitsə́ʼ vén.»

Nsùyrì Nyùy 22:16

Ŋgoo wìr ve bií gìŋ ne mo, e tàr mo ŋgoo jwi gìŋ nyám, sovtì wó yém wùn à wuú.

Galatia 3:13

Yii bèy, mo nsər yiìn, vèsən nəə́ é lòn, vèsən wàa kiíy jii, Jesus Kristu fə̀ə́r ne vèsən fó lòn fóo fèy. Wù‑uù lì lòn wósən woo shooy, e siìr e wùn kitu. A dzə̀ mo vé‑eè saŋen é Ŋwàʼ Nyùy jii, «Á keerì wír e kici, bo lǒn Nyùyi sì é kitu wo.»

Lim Aŋgàa Ntum 7:59

Á wáa tsəmrí, wù wáa bùnrì jii, «Tàr wor Jesus, ku lì kiyoy kém kí é yuv.»

Joon 10:33

Á bìnèr jii, «Bó vèr yòʼ kì yúyri wò fo kee shooy ki. Vèr yúyri wò, bìʼ fo à táŋ kilíŋ ke dzəə̀n ké Nyùy. Wò, wír fo wìr, aà suuy ji à dzə̀ sá ji Nyùy.»

Joon 10:31

Wíri nèn kfə̀n tàyrí tíy ji á yúyri Jesus sho.

Joon 13:18

«Mo m suuy vinyo vìn bèn, bó m yòʼ suuy e wìr dzə̀m. M kì wír ve m shoʼon ji vém, a m kfə̀n kì ji kinyo ke vé‑eè saŋen é Ŋwàʼ Nyùy ki kér fó wìy gheén. Vé‑eè sàŋ jii, ‹Vèr wìr kì yíkir kighín kimòʼón, wù kfən lò, e shòʼ e mǒ bàm.›

Joon 18:31

Wù nèn bìnèr jii, «Kù li ven, e dù, a saʼ mo yéen yee nsər suuyì.» Vé wòŋ vìyi nèn sùúy jii, «Bó vèr yòʼ kér vitaáví ve dzə̀ á tìnén nsaʼ ji á yúy wír.»

Joon 21:19

A Jesus‑eè suuy kinyo kìn ji wun tóʼtí á kfə́ə kpu ye Pita wíy kpu, e nàn a dzə̀ yír Nyùy. Mo wù suuyin bey, e nèn kfə̀n sùúy sho jii, «Kú a jùmrì a dzə̀ mo.»