Joon 18:28 - ŊWÀʼ NYÙY

²⁸ Ndzə yiì lòo jàv, á nèn lì Jesus fo Kayfar laʼ, a dù sho e ŋgaà saʼ woo wír woó *Rom ntoʼ. Á dù, e lòo nəə́ e mvə̀m ntoʼ, vé wòŋ vìyi gòʼ fo ndzə, bìʼ fo vé‑eè fan fó ndzəʼ vishí vév e wìr kitum laʼ, e làa yòʼ dzə́ə yi *Ŋkǎʼ Yáʼayshaà woó ghan see shooy.

Joon 18:28 Referans Kwoze

Joon 19:9

e lì Jesus, e kfə̀n shó e mvə̀m ntoʼ, e dzə̀r shó jii, «À lò fo feé?» La Jesus yòʼ ghày.

Joon 18:33

Payler nèn lò, e kfə̀n é ntoʼ, e kòʼór Jesus, e dzə̀r shó jii, «À dzə̀ Fon wìr veé Juda à?»

Joon 19:14

Wù wáa dzə̀ʼə̀m fo e ghan sin, a shùy sì é ntìntìn, a dzə̀ kishiíy ke wír veé Judàa kì sí báʼti fó bvəəshí, e rəsí Ŋkǎʼ Yáʼayshaà. Wù nèn sùúy e wír veé Juda vìyi jii, «Vèn yén ri fon won və̀y.»

Matio 27:27

Payler suúy bey, və́ vé rərí nèn lì Jesus, e nə̀ə́ sho e wùn mvə̀m ntoʼ, e bàʼtí shúu rər wo wú shiy ntoʼ yee shooy e dzə̀m. Áwune wìy, e gìm Jesus, e tàr.

Lim Aŋgàa Ntum 3:13

Yiì Nyùy ji wun kóʼór yír Jesus woo Ŋgaà və Lìm, wun woo Nyùy wo dzəə̀n wo atǎr ram yesən. Dzə̀ Nyùy Abraham, à wo Aysi, à wo Jakov. Jesus woo shooy dzə̀ wo vèn‑eè gòvtìn, e lì, e fò e vé saʼa, Payler lòo màʼtì, vèn sháʼnín.

Joon 11:55

Ghán sé *Ŋkǎʼ Yáʼayshaà símóʼ sí nèn kfə̀n wìy lòo gheén, wíri nèn a lòkìr fo virə̀ʼ, a dù e ŋkàlaʼ Jerusalem ji á tómbìy *kfə̀mrí vitú vév mo liì wov wòŋ taʼà, e bó a yi kiŋkàʼ kee shooy.

Lim Aŋgàa Ntum 11:3

a suúy jii, «À du, ghán wír ve bó yòʼ dzəə̀n veé Juda, kfə̀n maysì, yíkir vèn áwune.»

Lim Aŋgàa Ntum 10:28

wù suúy aáwune jii, «Vèn kì sá kijuŋ ji dzə̀ nsər fo wìr woó Juda tátí wùn wìr kitum ke sən kí, bo taaka ji wù nəə́ e ŋgaàŋ lav. Yii bèy, a Nyùy dìn ne e mò ji lá m yòʼ a nyaŋsí wír wùmòʼ ji ŋgaà *kifàn.

Joon 18:39

Yii bèy, a vèsən kér nsìysì wùmòʼ ji lóo dzə e ghan sé Ŋkǎʼ Yáʼayshaà və̀n, m fə̀ə́r wir sháŋ wo vèn lonen wùmòʼ. Kí ghèén ven ji m fəə́r a dzə̀ wír və̀n wo á yoŋ ji Fon wìr veé Juda à?»

Mayka 2:1

Ŋgeʼ dzə̀ ye wìr ve á táŋ a dzə̀ kinyo ke bi kí. Wír ve á lóo neŋ e kikun, á kù a baʼtí a dzə̀ kighèʼ, ndzə javì, á nèn kèʼ a bùʼtì vinyo ve vé‑ee siyin, a ba vitsə́ʼə́, bìʼ fo áwune kér vitaáví ve dzə̀ á yiì kinyo ke áwune koŋè.

Remrí 16:2

Nyàm cù ye vèn wíy a lì, a yiì Ŋkǎʼ Yáʼayshaà sho kù wíy a dzə nàʼ, kìn njiì fo věn mvə̀m nyàm, a wìr kù wíy a dù a dzə̀ é kirə̀ʼ ke Nyùy Tàr wíy shoʼ ji á wáa ghvəm wun fo.

Ŋwàʼ Luk 22:66

Yì rán kibvəə́shí, atǎr wòŋ wùn à vitú ve atàá cù, à wír ve á yii duŋrì nsəri tár aáwuné kirə̀ʼ ké dzə̀ʼə̀m. Á nèn kòʼór Jesus fo si,

Maak 15:16

Vé rərí nèn lì Jesus, e nə̀ə́ sho e mvə̀m ntoʼ, e bàʼtí shúu rər wo wú shiy ntoʼ yee shooy e dzə̀m.

Esiker 45:21

«Lóo dzə e kishiíy kee nshòv sikweè e ghvə̀m e ŋwee mbìyi fó kiya, wìr dzə̀m kù yì *Ŋkǎʼ Yáʼayshaà. Vèn ku wìy a yi ŋkàʼ və́ne kishiíy saàmbà, lóo yi, á wàa yi kibán a dzə̀ kee là nyaà.

Ŋgàn 4:16

Bó yòʼ dzə̀ áwune yù fóo cuʼ kinyè é nsay, a bó á búʼ rə́mrə́m kinyò. Á neemè, mbuùné sí kù a kaŋ fo si ji á ku wày wír e kinyò.

Ŋgàn 1:16

Wír ve bi víne yòʼ tíytiy fóo yiì kinyo ke bi kí. Áwune kù dzə̀ kibáʼtín fó teʼ wír, e yuyrí.

Nsùyrì Nyùy 35:16

Áwune kuurì mo, maʼ lám e mò máʼan, leey mo mo dzə̀ á koò, e kfə̀r kfə́rín.

Joon 18:13

Á kúr, e nèn lì, e tòmbìy dù sho fo Anar, a dzə̀ tàr à wiiy Kayfar wo yì‑iì dzəə̀n taà cù wo kuʼùn é kiya foo fèy.

Joon 18:15

Á wáa dù e Jesus bèy, Simon Pita wùn wùmòʼ woo wan lìm Jesus wáa jùmrì fo bàm. Á dù, e nə̀ə́ e taà cù wo kuʼùn və̀y laʼ, e màʼtì və̀y woo wan lìm Jesus nəə́ sá fo bàm, bìʼ fo taà cù wo kuʼùn‑eè kiìn wun kijuŋ.

Joon 19:11

Jesus bìnèr jii, «Bó yòʼ dzə̀ à wàa ker vitaáví ve dzə̀ à yiì kinyo e mò, a bó Nyùy biímé gheéy. Jay wo kuʼùn ku nèn a dzə wo wìr wo wù wayin mo e wò kiwo, bó yòʼ dzə̀ wo.»

Lim Aŋgàa Ntum 4:27

Davir wáa yòŋ bèy, a kù dzə̀ kinyo ke kí‑iì kooyin é ntèʼ fen e ghan sin. Fòn Heror‑iì tàtí wùn à Poshur Payler, à wír ve bó yòʼ dzəə̀n veé Isray ámóʼó, à veé Israyi, a taŋ menàŋ e Jesus bàm. Jesus, wo dzəə̀n Ŋgaà wò Lìm wo juŋ wo wò‑oò yoʼon ji Mfə̀ə́r.

Lim Aŋgàa Ntum 10:32

Túm wír e Joppa, é wù du, e jàŋ wír wo á yoŋ ji Simon, kfə̀n yoŋ ji Pita. Wù wìy fo, a shiíy wùn wìr wo á yoŋ ji Simon wo wù yii tám júv, a lav rə dzə̀ é ghaa rìbà ndzə̀v.›