Joon 18:20 - ŊWÀʼ NYÙY

²⁰ Jesus nèn bìnèr jii, «Mò‑oò fiʼtì kinyo kém e wìr dzə̀m a dzə̀ fó meranén. Mò‑oò rə́si yéʼey wíri é ŋgày se bùnrì, kfə̀n yéʼey e *lav cù fo wír veé Judàa‑aà báʼti adzə̀m. A bó m yòʼ‑oò yéʼey wíri, ghán, woóne woònén.

Joon 18:20 Referans Kwoze

Joon 7:26

a wù súŋnin e wírí si tèéter, la wìr yòʼ a ghay a kinyo. A tàm ghan símóʼ sí, bo vé wòŋe sí yén ji dzə̀ rú Mfə̀ə́r wo Nyùy‑iì kàʼàn.

Matio 4:23

Jesus nèn lò, a ghan Galeli e dzə̀m, a fìʼtì sáʼka Nyùy wo juŋ e ŋgày se bùnrì, a naàrì mo sáʼ Nyùyi dzəə̀n. Wù kfə́n a fèr kfəə́ se yàsí wùn à ndzə́m e dzə̀m.

Aysaya 48:16

Vèn kóʼtí e mǒ mentsə̀m, e yuùrí kinyo ke m suuy ki. Kèʼ fo kèʼ, bó m yòʼ‑oò lò a suúy kinyo e kilìr. Vinyo ve mò‑oò yòŋèn ví‑iì lo, ví wàa koóy, a m kù dzə̀ fó si.» Á mo Nyùy Tàr suuyin. Ké lèn ki, Nyùy Tàr woo Taà Ndzə tsə̀nsí ne mo ji m yii lim rə́, e fò mo Kiyoy kfə́.

Ŋwàʼ Luk 21:37

Jesus ku nèn a yeʼéy wíri é lav cù vishiíy vidzə̀m bèy. Yií lóo dzə vitsə́ʼ, wù lò, e kòʼ é Gwan Vicì vé Oliv, e shìíy fo.

Joon 7:4

Wìr wo wù taʼ ji lim rəə́ fəə́sín yòʼ yii woóne sho woónén. Mo à dzə́ ji à yii viŋgaʼnìn ve vinyò, kí bòŋ ji à fəə́sín shó, é wíri yén.»

Ŋwàʼ Luk 4:15

bìʼ fo wù‑uù yéʼey wíri é ŋgày se bùnrì see fó, a wìr dzə̀m yuúri, búri wun.

Matio 26:55

Jesus suúy bey, e dzə̀r e màŋgòŋ və̀y jii, «Vèn kì wiy ji vèn koó mo, wiy e nyùy sí wùn à vibur vi ben, a m dzə̀ shóŋ a? Mò‑oò rə́si yéʼey wíri é lav cù kishiíy mo kishiíy kí‑iì dzəə̀n, shém ka fo vèn koó mo é ghan see shooy?

Matio 9:35

Jesus nèn lò, a ghan e mvə̀m sé laʼ, e kfə̀n a ghan ntèʼ see fó sidzə̀m, a yeʼéy wíri é ŋgày se bùnrì, a fìʼtì sáʼka wo juŋ woo kùm sáʼ Nyùy. A wù ghán bèy, fer kfəə́ se ayàsí wùn à ndzə́m e dzə̀m.

Aysaya 45:19

Mò‑oò lóo suúy kinyo, la m yòʼ a suúy e kilìtì, kìn é kirə̀ʼ kee fo bó yòʼ dzə̀ wìr yù. Bó m yòʼ‑oò lo ghàn sùúy e rám Jakovi jii, ‹Vèn wáa tàʼ mo fó kirə̀ʼ ke bó yòʼ dzə̀ á yèn.› Dzə̀ mo Nyùy Tàr, a m suuy a dzə̀ suuyrú, naarì kinyo, a dzə̀ kee tìítiy.

Joon 8:26

A kì dzə̀ m wàa suúy vinyo vinín, a sayrí vinyo vén. Yii bèy, a m fiʼtì kém kinyo e wír veé ndzə fène a dzə̀ ke mò‑oò yuun fo ŋgaà wo wù‑uù tumen mo, a vinyo və́ ví kù yii dzə́ ve ru ví.»

Joon 8:2

Ndzə bvəə́shí, e jàv, wù kfən dù e lav cù. Wíri báʼtí e wùn ghaŋ adzə̀m, wù nèn dzə̀ʼə̀m fo nsay, a yeʼéy áwune.

Joon 7:28

A Jesus kù dzəə́ yéʼey wíri é lav cù fèy, wù nèn lò, e shùsín kitávín jii, «A dzə̀ vèn kìíy mo, e kìíy fo m loòn. Yii bèy, a bó m yòʼ dzə̀ fen fo mǒ kitu. Yì‑iì tùm wír wùmòʼ mo, a ŋgaàŋ dzə̀ ŋgaà suuyrú, a bó vèn yòʼ kì wun.

Joon 7:14

Vishiíy vé kiŋkàʼ vi jàv e ntìntìn, Jesus nèn nə̀ə́ e *lav cù, a yeʼéy wíri.

Matio 26:65

Taà cù wo kuʼùn yú kinyo kìy, kí nyár wun, wù sàr ndzə̀y fó wùn, e sùúy jii, «Wìr və̀n tsə́y kóy wùn Nyùy. Bó yòʼ dzə̀, á kfə̀n a tàʼ wír wùmòʼ ji á dzə́r kinyo sho. Vèn lo yù sá mo wù tsə́y kóy wùn Nyùy.

Lim Aŋgàa Ntum 26:26

Fòn Agripa dzə́ bèn, a Fòn kì sá vinyo vìn vidzə̀m, bìʼ fo ví yòʼ‑oò kooy e kilìtì. A dzə̀ m kù a suŋnín e Fòn bèn tèéter.

Matio 24:26

«Kí nén a dzə jii, wìr wíy suuy jii, ‹Mfə̀ə́r wìy ne, a wù sì é kwaʼ›, lá vèn yòʼ a fəə ji á du fo. Kìn wìr sùúy jii, ‹Və̀ne mo wù lir e mvə̀m lav›, lá vèn yòʼ biìmé.

Nsùyrì Nyùy 40:9

M fìʼtì ne sáʼka wò wo juŋ e màŋgòŋ wìr vée mvəm, sáʼka woo ji à luŋèr a wír vé. Éè Nyùy Tàr, à kì ji bó m yòʼ dór fó a fèr.

Nsùyrì Nyùy 22:22

M yíi a fèr kinyo ke à yii aàfə́r vémé, a burí wò e mvə̀m kintatì ke wìr Nyùy.

Maak 8:32

Jesus suúy vinyo vìn tèéter bèy, Pita nèn lì, wùn wun bàr wún, wù wáa saʼ fo wù wáa shi njèm yee bey.

Joon 6:59

Jesus‑eè fer vinyo vìn e ghan se wù‑uù yéʼey wíri é ŋgày bùnrì yeé Kapeenahum.

Joon 18:21

À kfə̀n dzə́r kinyo kìn a dzə̀ e mò ji ka? Kú a dzər a dzə̀ e wír ve vé‑eè yú kinyo kémé ji m sà‑aà fiʼtì ji ka á? Áwune kì kinyo ke mò‑oò fiʼtì.»