Joon 18:15 - ŊWÀʼ NYÙY

¹⁵ Á wáa dù e Jesus bèy, Simon Pita wùn wùmòʼ woo wan lìm Jesus wáa jùmrì fo bàm. Á dù, e nə̀ə́ e taà cù wo kuʼùn və̀y laʼ, e màʼtì və̀y woo wan lìm Jesus nəə́ sá fo bàm, bìʼ fo taà cù wo kuʼùn‑eè kiìn wun kijuŋ.

Joon 18:15 Referans Kwoze

Ŋwàʼ Luk 22:54

Wír vìyi nèn bàm Jesus, a dù sho e taà cù wo kuʼǔn laʼ. Á lòo dù, Pita wáa jùmrì fo bàm kwaʼda.

Maak 14:54

Á lòo dù, Pita wáa jùmrì fo bàm kwaʼda. Wù dù, e mèé e taà cù wo kuʼùn və̀y maàndzə, e nèn dzə̀ʼə̀m, a yor və́y wùn à nshèelav si.

Matio 26:3

Ku nèn a dzə e ghan fóo fèy, vitú ve atàá cù wùn à vé wòŋe tár e Kayfar woo taà cù wo kuʼǔn ntoʼ,

Joon 18:24

Anar yiì lò, e tsə̀nsí Jesus fo Kayfar wo yì‑iì dzəə̀n taà cù wo kuʼùn wùmòʼ, a kóy se Jesus si kù dzə̀ə́ sikúrín.

Joon 18:28

Ndzə yiì lòo jàv, á nèn lì Jesus fo Kayfar laʼ, a dù sho e ŋgaà saʼ woo wír woó *Rom ntoʼ. Á dù, e lòo nəə́ e mvə̀m ntoʼ, vé wòŋ vìyi gòʼ fo ndzə, bìʼ fo vé‑eè fan fó ndzəʼ vishí vév e wìr kitum laʼ, e làa yòʼ dzə́ə yi *Ŋkǎʼ Yáʼayshaà woó ghan see shooy.