Joon 18:12 - ŊWÀʼ NYÙY

¹² Vé rərí wùn à vilìmbìy vév ví, à wír ve á yii shiy lav cù vìyi nèn bàm Jesus, e kùr.

Joon 18:12 Referans Kwoze

Joon 18:3

Wù nèn wìy fo wùn à vé rərí ŋgoo e fur, à wír ámóʼó sá ve á yii shiy lav cù, aá wáyrí vifá ve rər, e sə̀ʼtì vikaʼày, e sə̀ʼtì lam si, a túm vitú ve atàá cù wùn à wír veé mbìv *Farasii wír vée shooy.

Matio 26:57

Wír ve á kì koon Jesus vìyi nèn lì, e dù sho e Kayfar woo taà cù wo kuʼǔn laʼ. A wír ve á duŋrì nsər Nyùy wùn à vé wòŋe kì bàʼtí ne fo.

Lim Aŋgàa Ntum 21:37

Wùn à Por ku lò ji á sí nəə e vé rərí laʼ fèy, wù dzə́r e kitú ke vé rər kí jii, «A dzə̀ m sùúy kinyo e wò a?» Wù yú, a Por súŋnin Lám Grik, e dzə̀r shó jii, «Á mo à kiìn Lám Grik bèn à?

Lim Aŋgàa Ntum 21:31

Wír vìyi wáa dzə̀v Por, a tàʼ ké yuyrí yuyrín. Kitú ke vé rər ké wìr veé Rom ki yú ji melaà mè sì á Jerusalem e dzə̀m,

Ŋwàʼ Luk 22:54

Wír vìyi nèn bàm Jesus, a dù sho e taà cù wo kuʼǔn laʼ. Á lòo dù, Pita wáa jùmrì fo bàm kwaʼda.

Maak 15:1

Ndzə bvəə́shí, e ràn, vitú ve atàá cù wùn à vé wòŋe, à wír ve vé‑eè duŋrì nsəri, à vé saʼ adzə̀me ku nèn dzə̀ʼə̀m, a sìysì mo dzə̀ á yiì e Jesus. Á nèn lò, e kùr Jesus, e dù, e yèn Payler sho.

Maak 14:53

Á nèn a tsəəné Jesus, a dù sho e taà cù wo kuʼǔn laʼ. Á wáa dù, vitú ve atàá cù wùn à vé wòŋe, à wír ve á yii duŋrì nsəri kì bàʼtí ne fo adzə̀m.

Matio 27:2

Á nèn lò, e kùr kóy se Jesus, e dù sho fo Payler woo ŋgaà saʼ Fòn woó *Rom.

Atǎr Nsaʼ 16:21

Wír veé Filistiàa nèn koò wun, e fə̀tí sí rə́, e lì wun, e sə̀y shó e Gasa. Á meé fó, e nèn kùr wuú rə́ aàsháŋ ve á fèrìn e kisha kee *brons ki, e lèm wun, wù wáa jò kibán e laʼ sháŋ.

Kèʼlo 22:9

Á meé é kirə̀ʼ ke Nyùy‑iì dìnèn e Abraham kìy, wù nèn bòm *kíy cù fo, e sìysì meŋkaʼ sho, e kùr wán və Aysi, e neèr e kiy, e kitu ke meŋkàʼ.

Lim Aŋgàa Ntum 23:10

Mbìʼ və̀y nèn a tàʼ, e fəə́r a dzə̀ vindzəʼ, kitú ke vé rər kí wáa fàn ji tàm wír vìyi yiì sàtì a Por. Wù nèn sùúy e vé rərí ji á fəə́r Por fo fo, e kfə̀n á sho e vé rərí laʼ.

Nsùyrì Nyùy 118:27

Nyùy Tàr dzə̀ Nyùy. Wù fò ne vèsən rán. Vèsən wáa kèʼ ŋkàʼ vən, a ker tám se vici é wo, a ghan sho, a kaarí kíy cù.

Kèʼlo 40:3

e wày áwune é sháŋ wo wù‑uù dzəə̀n e kitú ke vé rər ve vé‑eè shiy ntoʼ kí laʼ, a dzə̀ fo Joosev‑iì dzəə̀n sá.

Matio 27:27

Payler suúy bey, və́ vé rərí nèn lì Jesus, e nə̀ə́ sho e wùn mvə̀m ntoʼ, e bàʼtí shúu rər wo wú shiy ntoʼ yee shooy e dzə̀m. Áwune wìy, e gìm Jesus, e tàr.

Lim Aŋgàa Ntum 10:1

Wìr wùmòʼ wáa dzə e mvə̀mlaʼ Sisaria, aá yoŋ ji Konelur, a dzə̀ mfòómé rə̀r woó *Rom. Wù‑uù sáʼ shúu rər wo á yoŋ ji woó Itali,