Joon 18:11 - ŊWÀʼ NYÙY

¹¹ Jesus suúy e Pita jii, «Siìr nyùy yè e kiburúʼ. À taʼ, e shèm fo m nó bàr ŋgeʼ wo Tàr wor fó e mò və̀n à?»

Joon 18:11 Referans Kwoze

Matio 26:39

Wù nèn kòʼtí fo mbìy shishàr, e nàsì fo nsay kfə̀ə́kfəv, a bùnrì jii, «Éè Tàr wor, a fèn dzə̀ ji dzə̀ à yiì, la m yòʼ nò fó bàr ŋgeʼ fèn, à kù yiì. Yii bèy, ku yiì a dzə̀ ke koŋ wò ki, lá à yòʼ yiì ke koŋ mo.»

Matio 20:22

Jesus bìnèr jii, «Wón vée yòʼ kì kifá ke á lón kìn. A dzə̀ áwune nò fó bàr ŋgeʼ wo m wíy no fo fo a?» Áwune biímé jii, «A dzə̀ vèr nò.»

Joon 20:17

Jesus suúy shó jii, «Lá à yòʼ a ghar mo, bìʼ fo m yóʼ ne kfə̀n fo Tàr wór wùn. Ku dù duùn, e tiìsí aàfə́r vémé ji m sí kóʼ, e yen a Tàr wor wo dzəə̀n sá Tàr wov. Dzə̀ Nyùy wom, a kfə̀n dzə̀ sá wóov.»

Joon 15:10

A vèn lò, a lèm nsər sém, bo m kù yíi a kòŋ ven, réŋréŋ sá mo m lem sé Tàr wor, a wù koŋ mo.

Hibru 12:2

a leéy a dzə̀ fó mbìy fo vèsən du, e jòʼsì, a dzə̀ e Jesus wùn. Dzə̀ wun wo wù yiìn, vèsən wáa way shilív e Nyùy wùn, a kù wíy lì wun vèsən, e way e Nyùy kiwo ŋkuuŋkùŋ. Wù‑uù dzə̀ é nsay fèn, e biìmé ji wun ku yiì mo Nyùy sìysìn, e kpù é kintam moo ŋgaà jay, e làa yòʼ a ci woómé se sí dzəə̀n é kfəə kpu foo fèy. Wù‑uù leey kfə́ a dzə̀ vijuŋ ve ví dzəə̀n fó mbìy. Wù nén a dzə lèn e yuv, a dzə e Nyùy ghaa kàvàʼ, e koy yìyí.

2 Korin 10:4

Vifá vér vé rər ví yòʼ dzə̀ veé ndzə fèn gheéy. Kù dzə̀ vitaáví ve fó Nyùy e vèr, a vèr maʼ Satan sho, ton virə́ʼ və́ ve tavkín ví.

Ŋwàʼ Luk 22:42

«Tàr, a kí ben ghèén wò, à kù tsə̀ʼ bàr ŋgeʼ və̀n fo m nó fó fo. Yii bèy, ku yiì a dzə̀ ke koŋ wò, lá à yòʼ yiì ke koŋ mo.» [

Matio 26:42

Wù nèn kfə̀n dù fo akàŋ vee abaà, a bùnrì jii, «Éè Tàr wor, a dzə̀ ji m ku nò fó bàr ŋgeʼ fèn, bo dzə̀ m nò.»

2 Korin 6:7

Lóo suúy kinyo, á kù a suúy a dzə̀ ke ru kí. Lo, e ghan símóʼ sí, vèr wàa yiì vinyo ve ví din vitaáví vé Nyùy. Mo liì wor yénsin tìítiy, nén a dzə moo kòŋ ye vèr maʼ rə́r sé Nyùy sho, e kfə̀n a dzə moo ŋkeè wo vèr kiŋ vitú vér shó.

Joon 18:36

Jesus bìnèr jii, «Bó vifon vém ví yòʼ dzə̀ veé ndzə fèn. A kì dzə̀ veé ndzə fèn, bo wír vémé ló a fùnèn fo vé wòŋe kum mo. Yii bèy, a bó vifon vém ví yòʼ dzə̀ veé ndzə fèn.»

Joon 17:24

«Tàr, mo m sí kfə́n fo wò wùn lèn, m koŋ ji wír ve wò‑oò foon e mò víne wáa dzə vèr áwune fo m dzəə̀n, aá fíʼ a yen vikuʼùy ve wò‑oò foon e mò, bìʼ fo wò‑oò sí koŋ mo, é bo ndzə wìy a kèʼ.

Ŋwàʼ Luk 12:30

Yii rə́si rəm wír ve bó á yòʼ kiìn Nyùy vinyo vee ben. Vèn dzə̀ kén, a Tàr won Nyùy kìíy ne ji vèn kér shií é vifa fèn vidzə̀m.

Esiker 23:31

Wò‑oò jùmrì kiwuú ké jèmèr yè, a m kù yíi way bàr ŋgeʼ və e wò kiwo.

Nsùyrì Nyùy 75:8

Nyùy Tàr kér bàr e wun kiwo, a *meluʼ me tavkín mè fəʼə̀, rún bàr və̀n, a mè din a dzə̀ dòʼshwíiy və. Wù cutì ji wír ve á méŋ wun adzə̀me nó, á nò ben, à kidzə́ŋ kí shó.

2 Samuel 16:10

Fòn Davir suúy kfə́ jii, «Kinyo kìn ki kùm ven vee wón Tsəruyia e gha? A lò a dzə, a suúy Nyùy Tàr ji wù wáa kuùrì mo, wàa sòv la ji wù sà kuurì mo bìʼ ka á?»