Joon 17:9 - ŊWÀʼ NYÙY

⁹ «M nén a lon kinyo ke m lón kìn a dzə̀ fo áwune vee shoone. Bó m yòʼ lón fo wír ve dzəə̀n veé ndzə fène, m kù lón a dzə̀ fo áwune ve wò‑oò foon ji vém víne, bìʼ fo dzəə̀n wír vé.

Joon 17:9 Referans Kwoze

Hibru 9:24

A bó Kristu yòʼ‑oò dù, a yiì və́ə woo ntàŋrí é kirə̀ʼ ke naŋsin wír ji ké Nyùy ke kù dzəə̀n vimfìʼìr ve kirə̀ʼ ké Nyùy ke ru kí. Wù yii və́ə a dzə̀ é yuv, fo wù dzə́ lèn e Nyùy si, lón fo vèsən.

Joon 17:2

Wò‑oò tàtí ne wír adzə̀m ji á wáa yu a dzə̀ fo mò woo Wán, é m wáa fo dzəʼə̀m yee là may a dzə̀ e vee shooy ve à shoʼon, e fò ji vémé.

Joon 17:6

«Mò‑oò ló a dìn mo wò woo Tàr wor dzəə̀n e wír ve wò‑oò shoʼon fo veé ndzə fèn, e fò ji vémé. Kù‑uù kér wò wír vee shoon, e bóo fo ji vém. A vé‑eè lo yù kinyo ké, e kù nèn lèm.

Joon 17:20

«M yòʼ bunrì a dzə̀ fo wír vìne cáʼcáʼ. M bunrì sa fo wíri adzə̀m ve á wíy siíy, a yu kinyo ke wír vìne fiʼtì, a way sa shilív e mǒ wùn.

Ŋwàʼ Luk 22:32

Yii bèy, a m bùnrì ne fo wò ji lá shilív shé shi yòʼ wìy kpù kpuún fo mǒ wùn. Shí kfə́n wíy lóo tav, áà wáa tavír sa afə́r vé.»

1 Joon 5:19

Vèsən kì sá ji vèsən dzə̀ á wón Nyùy, yii bèy, a wír ve dzəə̀n veé ndzə fèn adzə̀me dzə̀ kév e ŋgaà vinyò ve bi ví və̀y kiwo.

Joon 14:16

A m wíy a lon ji Tàr wor ku fò ven wùmòʼ woo Ŋgaà Sə wo vèn áwune wáa dzə ghán sidzə̀m,

Ŋgaà Yen 20:15

Yír wìri‑iì búŋ fo ŋwàʼ wo vé‑eè saŋen yír sé wìr ve á wíy lùŋ sho, á kù màʼ ŋgaàŋ a dzə̀ é kimbiirìn ke və̀y fey.

Ŋgaà Yen 13:8

Kù dzə̀ mo wír veé kitu ke nsay adzə̀me wíy a ghvəm nyám yee shooy ji Nyùy, a yu fo fo. A kù wíy a ghvəm wír adzə̀m ve bó á yòʼ‑oò lo sàŋ yír sév é ŋwàʼ Wàn Njiì wo vé‑eè yuyrin. A ŋwàʼ və̀ne dzə̀ wo vé‑eè saŋen yír sé wìr ve á kù‑uù wíy lùŋ sho, é bo ndzə wìy a kèʼ.

Hibru 7:25

Wù nèn a dzə mo dzə̀ wù lùŋèr wír ve á bee wun, e bó a koʼtí e Nyùy si. A wù luŋèr áwune ŋkuuŋkùŋ, bìʼ fo wù dzəə̀n shó ghán sidzə̀m, tíy e Nyùy si, lón bìʼ áwune.

Ŋgaà Yen 12:9

A kintìŋ ke kigàgǎʼsòŋ ke vé‑eè jùmèn kin ki dzə̀ yó ye yì‑iì siìn fó ŋgùʼ, a dzə̀ wun wo wù ghán ndzə e dzə̀m, bóʼti wíri, aá yoŋ yír rə́ ji Satan, a dzə̀ ji Tavmènàŋ. A vé‑eè jùm, e màʼ a dzə̀ é nsay wùn à nshèelav sə́ sí sidzə̀m.

Ŋwàʼ Luk 8:34

Wír ve vé‑eè shiy kǔnnyàme yén kinyo ke kí kooyin, e nèn nyèŋ, e dù, a sàmèr kinyo kee shooy e ŋgvə̀n kwaʼ, e kfə̀n a sàmèr e mvə̀mlaʼ fèy.

Ŋwàʼ Luk 23:34

Jesus lò, e yòŋ jii, «Tàr wor, ku làysìn jay wìr vìn, bìʼ fo bó á yòʼ kiìn kinyo ke áwune yii.» Wír vìyi yiì lò, e lì ndzə̀y sé Jesus, a tsəm kàŋ sho ji á fiʼ jàv.

Joon 6:37

A wír ve Tàr wor foon ji vém adzə̀me kù wíy a tàʼ mo, a wìy, a yen, a bó m yòʼ wíy jùm wo mòʼón gheéy.

Joon 6:39

Kinyo ke ŋgaà wo wù tumen mo koŋ ki dzə̀ jii, lá m yòʼ biìmé, é wìr mòʼón lay fo ve wù‑uù foon e mòó, é wíy lóo dzə e ghan sé bàm sí, é m fəə́r áwune adzə̀m fo kpu.