Joon 17:7 - ŊWÀʼ NYÙY

⁷ Aáwune kìíy ne lèn ji vinyo ve wò‑oò foon e mò vidzə̀m vi‑iì lò rú a dzə̀ fo wò.

Joon 17:7 Referans Kwoze

Joon 16:15

Vinyo ve Tàr wor vidzə̀m vi dzə̀ sá vém. Á kinyo ke kí yiìn, bo m wáa suúy ji Kiyoy ke Nyùy kìn ki wíy lì a dzə̀ vinyo vém, a fèr e vèn.

Joon 17:10

Wír ve m kér adzə̀me kù dzə̀ ji vé, a vée dzə̀ vém. A dzə̀ áwune vin ve á din mo vikuʼùy vém ví dzəə̀n.

Joon 8:28

Jesus nèn kfə̀n sùúy aáwune jii, «Vèn wíy koʼór ŋgaà wo yírí dzəə̀n *Wanwìr və̀n e kici, é vèn nèn kìíy jii, ‹Dzə̀ mo wo dzəə̀n mo›, e kfə̀n kiíy ji bó m yòʼ yii vinyo a dzə̀ á fo mǒ vitaaví. M suuy vinyo a dzə̀ ve Tàr wor‑iì dìnèn e mò.

Joon 14:20

Vèn wíy yen mo é kishiíy fóo fèy, é vèn nèn kìíy rú ji dzə̀ vèr Tàr wor, a vèr wun dzə̀ ji kitú kimòʼón, e kfə̀n kiíy jii, kù dzə̀ vèsən, a m dzə̀ e věn meliv.

Joon 17:6

«Mò‑oò ló a dìn mo wò woo Tàr wor dzəə̀n e wír ve wò‑oò shoʼon fo veé ndzə fèn, e fò ji vémé. Kù‑uù kér wò wír vee shoon, e bóo fo ji vém. A vé‑eè lo yù kinyo ké, e kù nèn lèm.

Joon 17:8

Mò‑oò lo tiìsí vinyo ve wò‑oò tumen mo shó aáwune vidzə̀m, áwune biímé, e nèn kìíy rú ji m lò a dzə̀ fo wò, a yiì tùm wò mo.