Joon 17:6 - ŊWÀʼ NYÙY

⁶ «Mò‑oò ló a dìn mo wò woo Tàr wor dzəə̀n e wír ve wò‑oò shoʼon fo veé ndzə fèn, e fò ji vémé. Kù‑uù kér wò wír vee shoon, e bóo fo ji vém. A vé‑eè lo yù kinyo ké, e kù nèn lèm.

Joon 17:6 Referans Kwoze

Joon 17:26

Mò‑oò lo yiì, áwune kiíy sá wò woo Nyùy, a m kù wíy a yiì, aá wáa kiíy, e fíʼ a kòŋ mo réŋréŋ mo à koŋ mo, é m wáa dzə aáwuné meliv.»

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

Joon 6:37

A wír ve Tàr wor foon ji vém adzə̀me kù wíy a tàʼ mo, a wìy, a yen, a bó m yòʼ wíy jùm wo mòʼón gheéy.

Joon 17:24

«Tàr, mo m sí kfə́n fo wò wùn lèn, m koŋ ji wír ve wò‑oò foon e mò víne wáa dzə vèr áwune fo m dzəə̀n, aá fíʼ a yen vikuʼùy ve wò‑oò foon e mò, bìʼ fo wò‑oò sí koŋ mo, é bo ndzə wìy a kèʼ.

Joon 17:2

Wò‑oò tàtí ne wír adzə̀m ji á wáa yu a dzə̀ fo mò woo Wán, é m wáa fo dzəʼə̀m yee là may a dzə̀ e vee shooy ve à shoʼon, e fò ji vémé.

2 Korin 4:6

Yì‑iì mvə̀ʼ Nyùy vifií vér, é bo vèr yén rán, a kiíy Jesus. A kù dzə̀ wun woo Nyùy wo wù‑uù suuyin fó shuù ji ndzə rán, yì nèn ràn. Vèr nén a yen mo vitaáví vé Nyùy vi lim e Kristu wùn, a kiíy mo wun woo Nyùy ghaʼan.

Joon 15:19

A vèn kì dzə̀ wír veé ndzə fèn, bo wír veé ndzə fène koŋ ven ji vév vee wír. Yii bèy, a bó vèn yòʼ dzə̀ wír veé ndzə fèn. Mò‑oò shòʼ ne ven, e fə̀ə́r fo fo, wír veé ndzə fène nén a bàn ven.

Ŋgaà Yen 3:8

M kì vinyo ve vèn yii vidzə̀m, e kfə̀n kìíy ji vèn yòʼ kér a kitar, a vèn kù tíy e mǒ kinyò kitávín, yii mo kí dzəə̀n. M nen mvə̀ʼ shúu lav, e lèm e rə́ ji vèn shaa shó, a bó yòʼ dzə̀ wìr sə̀tí.

Hibru 3:6

Kristu nèn wìy wìy, a lìm kfə́ e Nyùy lav foo fèy shilív shimòʼón moo wán woo ŋgaà lav, a lav dzə̀ vèsən vin. Dzə̀ rú vèsən, a vèsən bèn ghár shilív, tiir vifií a dzə̀ é ŋkàʼmé wo Nyùy‑iì kàʼàn vèsən shó, e dù, e mày.

Joon 15:7

A vèn fèn tíy e mǒ wùn, a jí sém sí tíy e věn meliv, bo dzə̀ vèn lòn kifá ke á lón fo Nyùy, a ker kíwun.

Nsùyrì Nyùy 22:22

M yíi a fèr kinyo ke à yii aàfə́r vémé, a burí wò e mvə̀m kintatì ke wìr Nyùy.

Ŋwàʼ Fəə 9:16

Yii bèy, e fíʼ dìn vitaáví vém e wò, e kfə̀n yiì, aá samer yír yém kitú ke nsay kidzə̀m, m nen màʼtì wò, à wáa dzə sho e tin.

Ŋgaà Yen 2:13

M kì fo vèn dzə́. Vèn dzə́ a dzə̀ fo ntoʼ Satan dzəə̀n. Yii bèy, a m kì ji vèn kù kì fon won a dzə̀ á mo və̀n, a bó vèn yòʼ‑oò yiì ne mèŋ mo gheéy. Fə̀m‑eè dzə̀ é ghan se vé‑eè yuyrin Antipar e vèn à Satan kirə̀ʼ fóo fèy, bìʼ fo wù‑uù fiʼtì kinyo kém shilív shimòʼón, vèn yòʼ‑oò lo fàn, e lèʼ mo gheéy.

Hibru 2:12

Wù‑uù sùúy e Nyùy e ghan símóʼ sí jii: «M yíi a fèr kinyo ke à yii, aàfə́r vémé, a burí wò e mvə̀m kintatì ke wìr Nyùy.»

2 Timoti 1:13

Timoti, ku lì mfìʼ a dzə̀ fo mò, a fìʼtì kinyo ke ru kí, a dzə̀ ke mò‑oò yeʼeyin wò sho, a way shilív a dzə̀ e Nyùy wùn, a kòŋ wun mo vèsən ve á tatin vèsən à Jesus Kristùu yii.

Kolosia 3:16

Vèn kú a kuumé kinyo a dzə̀ ké Jesus Kristu ghán sidzə̀m, é kí wáa lìm e věn vifii, é wìr wáa yeʼéy fə́r və, a tir e vifií ve ví lo a dzə̀ fo Nyùy vi. Vèn kú a sheʼrí Nyùy fo věn meliv ghán sidzə̀m, a yòv luŋ se sí fəə́ fo wùn ŋwàʼ, kìn dzə̀ se Kiyoy kfə́ kí fó e ŋgaàŋ, e kfə̀n a yòv símóʼ sí, a sùyrì wun sho.

Ŋwàʼ woó Rom 11:2

Nyùy yoʼ màʼày wír və́ ve wù‑uù yiìn ne shòʼ fó ŋgùʼ gheéy. A kinyo ke kí‑iì kooyin Elija ki dzə̀ mfìʼ kinyò kìn. Vèn kì sá kinyo ke vé‑eè saŋen é Ŋwàʼ Nyùy mo wù‑uù tóŋ, bí Nyùy mo wír veé Israyi lóvti e wun.

Lim Aŋgàa Ntum 13:48

Wír ve bó yòʼ dzəə̀n veé Judàa yú kee shooy, e nèn a sheʼrí, a burí Nyùy. Wír aníne nèn biìmé kinyo kee kùm Jesus. A kù‑uù biìmé vee shó ve Nyùy‑iì shoʼon ji á wìy nə̀ə́ e dzə̀ʼə̀m yee là may.

Joon 18:9

A wù suuy bèy ji kinyo ke wù kì suuyin kí fiʼ ghèén. A wù kì sùúy e Nyùy jii, «M yoʼ lày wír e mòʼón fo ve wò‑oò foon e mòó.»

Joon 17:16

Áwune yòʼ dzə̀ rú wír veé ndzə fèn réŋréŋ mo bó m yòʼ dzəə̀n sá wír woó ndzə foo fèn.

Joon 17:14

M tiìsí ne jí sé aáwune, wír veé ndzə fène nén a bàn áwune, bìʼ fo áwune yòʼ dzəə̀n wír veé ndzə fèn, réŋréŋ mo bó m yòʼ dzəə̀n sá wír woó ndzə fèn.

Joon 15:3

Kù dzə̀ mo vinyo ve m yeʼeyin ven shó vi naŋsin ne ven, vèn wáa dzə ajuŋ.

Joon 12:28

Wù nèn yòŋ jii, «Tàr, ku yiì, é wíri wáa ghvəm a dzə̀ yír yé.» Jì Nyùy nèn sùŋnín fo yuv jii, «M yiì ne, á wáa ghvəm, a m kfə̀n wíy yiì.»

Joon 6:39

Kinyo ke ŋgaà wo wù tumen mo koŋ ki dzə̀ jii, lá m yòʼ biìmé, é wìr mòʼón lay fo ve wù‑uù foon e mòó, é wíy lóo dzə e ghan sé bàm sí, é m fəə́r áwune adzə̀m fo kpu.

Joon 1:18

A bó wìr yòʼ‑oò yiì ne yèn sí Nyùy. Kù jòʼsì màyshó Wàn Nyùy və̀n wo wù dzə́ e Tàr wóv ghaŋ, wo wù dìnèn e wíri mo Nyùy dzəə̀n.

Ŋgàn 23:23

Mùm kitávín, e keèrí ntir wùn à kiíyi, à suuyrú, keérí, e ghàr kitávín.

Ŋgàn 2:10

À yíi a ker vifií ve ru ví, é vinyo ve à kiiyin ví yii, áà wáa yu vijuŋ.

Nsùyrì Nyùy 119:11

M mèrìr ne jí sé, sí wáa lùm e mǒ shiliv, a kìm mo fo m jáy kinyo wòsò.

1 Pita 1:1

Ŋwàʼ və̀ne sàŋ mo woo Pita wo dzəə̀n ŋgaà ntum Jesus Kristu. A m sàŋ a dzə̀ fo wír ve Nyùy shoʼon ji və́ ve á sàmèrìn wún, a beè e wòŋ see Pontur wùn à Galatia, à Kapadosia, à Asia, e lì woó Bitinia.

Joon 8:51

«Vèn wáa kiíy rúrú jii, a wìr yú kinyo kém, yii mo kí dzəə̀n, la ŋgaàŋ yòʼ dzəə wìy kpù.»

Joon 8:52

Wír vìyi nèn kfə̀n sùúy jii, «Vèr kìíy ne rú lèn ji à shèm ŋgoo anyùy. Abraham woo tàr à ram yér‑iì lo kpù, *aŋgàa ntum Nyùy adzə̀me kpúkír sá. Aà suuy ké fèn ji a wìr yú kinyo ké, lemè, la wù yòʼ dzəə wìy kpù.

Joon 17:7

Aáwune kìíy ne lèn ji vinyo ve wò‑oò foon e mò vidzə̀m vi‑iì lò rú a dzə̀ fo wò.

Joon 17:12

Mò‑oò dzə́ vèr áwune é ndzə fèn, a shiy mo áwune mo yír yée kù dzəə̀n, yír ye wò‑oò foon e mò rəy. Mò‑oò kfə́vsi áwune, a bó wo mòʼón yòʼ‑oò lo lày. Kù‑uù lày wo yì‑iì siìn ŋgaà lòn ji kinyo ke vé‑eè saŋen e wò ŋwàʼ ki fiʼ ghèén.

Ŋgaà Yen 3:10

Mo vèn kù sí yú a dzə̀ kinyo kém, e toòmé ŋgeʼ ji nyaáŋ, bo wíy lòo dzə e ghan sé ŋgeʼ ye tavín, é m kim ven fó fo. A ŋgeʼ rə̀n dzə̀ ye yì wíy gbù, e sətí ndzə e dzə̀m, e fíʼ mùm wír veé kitu ke nsay adzə̀m.