Joon 17:26 - ŊWÀʼ NYÙY

²⁶ Mò‑oò lo yiì, áwune kiíy sá wò woo Nyùy, a m kù wíy a yiì, aá wáa kiíy, e fíʼ a kòŋ mo réŋréŋ mo à koŋ mo, é m wáa dzə aáwuné meliv.»

Joon 17:26 Referans Kwoze

Joon 17:23

Mo wòsò dzəə̀n kintatì, vèr áwune lóo dzə sa kintatì, aáwune nèn màysì, e tàtí ŋkuuŋkùŋ, a dzə ji kitú kimòʼón, é wír veé ndzə fène yén ji ntum ye mò‑oò loòn dzə̀ rú ye, e kfə̀n yèn sá ji à koŋ wír vìn réŋréŋ mo à koŋ mo.

Joon 17:6

«Mò‑oò ló a dìn mo wò woo Tàr wor dzəə̀n e wír ve wò‑oò shoʼon fo veé ndzə fèn, e fò ji vémé. Kù‑uù kér wò wír vee shoon, e bóo fo ji vém. A vé‑eè lo yù kinyo ké, e kù nèn lèm.

Joon 15:9

«Mo Tàr wor koŋ mo, dzə̀ réŋréŋ mo m koŋ sa ven. Vèn ku nèn a yiì vinyo a dzə̀ ve dzə̀ m wàa kòŋ ven.

Hibru 2:12

Wù‑uù sùúy e Nyùy e ghan símóʼ sí jii: «M yíi a fèr kinyo ke à yii, aàfə́r vémé, a burí wò e mvə̀m kintatì ke wìr Nyùy.»

Joon 15:15

M yòʼ dzəə́ yoŋ ven ji wónlè vém. Wónlě wìri dzə̀, a bó á yòʼ kì vinyo vidzə̀m ve Tàr wov yii. Vèn sì kén ji ŋkar sém, bìʼ fo m fèrìn ne vinyo ve mò‑oò yuun fo Tàr wor vidzə̀m e vèn.

Joon 14:20

Vèn wíy yen mo é kishiíy fóo fèy, é vèn nèn kìíy rú ji dzə̀ vèr Tàr wor, a vèr wun dzə̀ ji kitú kimòʼón, e kfə̀n kiíy jii, kù dzə̀ vèsən, a m dzə̀ e věn meliv.

Nsùyrì Nyùy 22:22

M yíi a fèr kinyo ke à yii aàfə́r vémé, a burí wò e mvə̀m kintatì ke wìr Nyùy.

Joon 15:4

Vèn kú a tiy a dzə̀ e mǒ wùn, é m nèn a tiy sa vèsən. Mo bó yòʼ dzə̀ tám kifa wú kòóm, a bó wú jáv a dzə̀ fó kitiír, dzə̀ réŋréŋ sá mo bó yòʼ dzə̀ vèn wàa yiì kinyo ke ru kí, a bó vèn yòʼ tíy e mǒ wùn.

Efesor 5:32

Vé‑eè sáŋ bèy, a kinyo ki dzə̀ é bàm wó ke bó á yòʼ‑oò kiìn, a m yén ji kí fiʼsìn kinyo ke Kristu wùn à kintatì kfə́ kí.

Efesor 5:30

bìʼ fo kintatì kìn ki dzəə̀n wún və́, a vèsən dzə̀ vibar ve wùn woo shooy.

Joon 14:23

Jesus bìnèr jii, «A wìr koŋ mo, wù nèn a lèm kinyo kém, é Tàr wor nèn a kòŋ sa ŋgaàŋ, é vèr Tàr wor wiy, é vèr à ŋgaàŋ wáa dzə.

Joon 8:50

M yii bèy, a bó m yòʼ leey ji wíri wáa burí a dzə̀ mo. Kù gwarìr Nyùy kee shooy, a kù wíy bìnèr wun fo fo.

1 Joon 3:24

Vèn wáa kiíy jii, wìr wo wù yú sáʼ Nyùy dzə̀ á wo wù tíy kfə́ wùn Nyùy, a Nyùy tíy sa wùn ŋgaàŋ. A kinyo ke kí yii, bo vèsən wáa kiíy rú kijuŋ ji Nyùy tíy vèsən áwune kí dzə̀ Kiyoy kfə́ ke Ranén kí ke wù foon e vèsən.

2 Tesalonika 2:16

Vèr ku nèn a lon fo wúnwun woo Taàtá wòsən Jesus Kristu wùn Tàr wòsən Nyùy jii, á kú a bayrí melív men, a tavír ven, é vèn wáa suúy, a yiì a dzə̀ vinyo ve juŋ vi. A Nyùy wo vèsən lón fo fo və̀n‑eè lo dìn ji wun koŋ vèsən. Wù‑uù shàm vèsən, e yiì, melív mèsən mè wáa lùm ghán sidzə̀m, e kfə̀n yiì, vèsən wáa shìy a dzə̀ vijuŋ ve wù‑uù kàʼàn vèsən shó.

Kolosia 3:11

Mo Nyùy naŋsin ne melív me wìr və́ adzə̀m, bo bó wùmòʼ yòʼ dzə̀ə́ jeéy ji woó Juda wo vé‑eè naŋsin ji wir Nyùy, kìn woó kitum ke sən kí wo bó á yoʼ nàŋsín bèy. A bó yòʼ dzə̀ á kfə̀n a yen wùmòʼ ji kiŋgwìy, kìn ji wír woó mfùŋ, kìn ji kwàn, e bó a yen wùmòʼ ji wan nsay. Á sí yén lèn a dzə̀ Kristu. Kér wun wír vìn adzə̀m.

Kolosia 2:10

Dzə̀ wun wo wù shaàn vifá ve ví kér vitaáví vé saʼ e ndzə fèn vidzə̀m, a vèn nə̀ə́ ne e dzəʼə̀m ye dzəə̀n dzəʼə̀m, bìʼ fo vèn à Kristu siìn kintatì.

Kolosia 1:27

A kù dzə̀ mo wù‑uù sìysìn ji wun wíy yiì, é wír vəə́ kiíy á kinyo ke wù‑uù lìtìn kin, kee ji wun wíy bùʼ vitúm vidzə̀m e vijuŋ ve ghaʼán ví. Mo Jesus Kristu siìn e věn meliv, a dzə̀ vèn kìíy ji vèn wíy nəə́ e wun woo Nyùy mvə̀m vijùŋ veé yuv.

Efesor 3:17

A m kfə̀n lón ji vèn ku màysì, e wày shilív e Jesus Kristu wùn, é wù wáa dzə e věn meliv, é vèn áwune nəə́nín, a kòŋnìn, é vèn wáa tiy kitávín moo kicí ke gháŋé nəən é nsay, kìn moo lav ye á bàʼrìn é kinsə̀ŋ ke tavín kí.

Efesor 1:6

A wù‑uù wíy lì vèsən bey ji wíri wáa burí wun fo mbùʼmé wo ghaʼán wo wù‑uù wíy bùʼ vèsən shó kisáŋ və̀n, bìʼ fo vèsən tatin vèsən à Wan və wo wù koŋ e ŋàŋ.

Galatia 2:20

Mo Kristu‑uù kpuun é kintam, sì yém yee kpú. M dzə́ lèn bèn, a bó yòʼ dzəə́ dzə́ mo gheéy, sí dzə́ Kristu e mǒ wùn. A dzə́ ye m dzə́ rə̀n, m dzə́ a dzə̀ bìʼ fo m wáy shilív e wun woo Wan Nyùy wùn, wo wù kòŋèn mo, e lì kitú kfə́, e tàŋrí mo shó.

1 Korin 12:12

A dzə̀ vèsən fìʼsìn kinyo kìn a dzə̀ mo wún wìri dzəə̀n. Wú kér vibar vinín, yii bèy, a kù dzə̀ ji wún e mòʼón. Mo vibar ve wùn vin vi yùŋsìn, e fèr wún wìr e mòʼón, kù dzə̀ réŋréŋ sá mo kintatì ke wìr Kristu ki dzəə̀n.

1 Korin 1:30

Dzə̀ wun woo Nyùy wo wù liìn ven, e tàtí vèn à Jesus Kristu, wù wáa fo vèsən vifií ve ru ví, Nyùy kfən lì vèsən ji wír vee là jay, e fə̀ə́r vèsən fó lǒn vinyò ve bi ví, a yòŋ ji və́ vee wír.

Ŋwàʼ woó Rom 8:10

A Jesus Kristu sì e věn meliv, bo bó vèn yòʼ dzəə́ wìy nəə́ e kpu, bìʼ fo Nyùy liìn ne ven ji wír vee là jay. Kifá ke kí wíy kpu ki kù mày wún wo vinyo ve bi ví tarin shó.

Joon 6:56

Wìr wo wù yí wún wóm, kfə̀n nó mensə́ mem, dzə̀ wo wù táti e mǒ wùn, a m táti sa vèr ŋgaàŋ.

Joon 17:8

Mò‑oò lo tiìsí vinyo ve wò‑oò tumen mo shó aáwune vidzə̀m, áwune biímé, e nèn kìíy rú ji m lò a dzə̀ fo wò, a yiì tùm wò mo.