Joon 17:25 - ŊWÀʼ NYÙY

²⁵ Éè Tàr, kù yii yii wò kinyo kee réŋ, a bó wír veé ndzə fène yòʼ kì wò. Yii bèy, a mò‑oò kìíy ne wò, a wír vém víne kìíy ne rú ji mò‑oò lò ntum a dzə̀ ye.

Joon 17:25 Referans Kwoze

Joon 17:11

Wáa dzə lèn, a m sí maʼtì ndzə rə̀n, a kfən fo wò wùn, aáwune yíi siíy kév, e gòʼ sho. Tàr, kù jòʼsì wò ji Nyùy. Kú a shìy áwune mo yír yée dzəə̀n, a dzə̀ yíwun yee yír ye wò‑oò foon sá e mò. Kú a shìy áwune, aá tátí a dzə ji kitú kimòʼón mo wòsò dzəə̀n sá ji kitú kimòʼón.

Joon 17:8

Mò‑oò lo tiìsí vinyo ve wò‑oò tumen mo shó aáwune vidzə̀m, áwune biímé, e nèn kìíy rú ji m lò a dzə̀ fo wò, a yiì tùm wò mo.

Joon 15:21

Kù dzə̀ mo wír veé ndzə fèn vìne kù wíy a lovtí e vèn ve á tíy e mǒ kinyò bèy, bìʼ fo bó á yòʼ kiìn wír wo wù‑uù tumen mo é ndzə fèn.

Joon 7:29

Kù kì mo ŋgaàŋ, bìʼ fo m loòn fo ŋgaàŋ wùn, a tùm ŋgaàŋ mo.»

Joon 16:27

Tàr wor sí koŋ ven, bìʼ fo vèn‑eè sí koŋ mo, biíme ji m lò rú a dzə̀ fo wun woo Tàr wor.

Hibru 8:11

Bó wìr yòʼ dzəə́ wìy a yeʼéy wír woo wun ghaŋ, kìn ji fə̀r wáa tir fə́r ji wù kiíy Nyùy Tàr. Áwune wíy kiíy mo, wír adzə̀m, à wìr wo kuʼùn, à woo fó tèr.

2 Korin 4:4

Ké wír vìn ki dzə̀, a sə̀tí Satan woo nyùy wo wù kér ndzə rə̀n lèn vifií vév fo á biíme sáʼka Nyùy wo juŋ. A bó yòʼ dzə̀ áwune yèn rán ye sáʼka Nyùy wìyìn shó, a kiíy mo Kristu dzəə̀n. Kristu, wo wùn Nyùy dzəə̀n kikúv kimòʼón.

Joon 10:15

réŋréŋ mo m kiìn Tàr wor, a wù kì sá mo. M nen biìmé kpú, e fò kitú kém fo njiì wom və̀n.

Joon 8:55

Yii bèy, a bó vèn yòʼ kì wun gheéy. Kù kì mo. A m lò, a shaʼnín ji bó m yòʼ kì, bo m dzə̀ ŋgaà kimboʼtì sa moo ven. M kì wun feyì, a m yú kinyo kfə́, lemè.

Ŋwàʼ Luk 10:22

Jesus kfə́n a suúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bo yòʼ dzə̀ sá wìr kìíy Tàr wor və̀n, kù jòʼsì mo woo Wán wùn à wír ve Wàn shoʼtin ji wun din Tàr wov shóo.»

Ŋgaà Yen 13:8

Kù dzə̀ mo wír veé kitu ke nsay adzə̀me wíy a ghvəm nyám yee shooy ji Nyùy, a yu fo fo. A kù wíy a ghvəm wír adzə̀m ve bó á yòʼ‑oò lo sàŋ yír sév é ŋwàʼ Wàn Njiì wo vé‑eè yuyrin. A ŋwàʼ və̀ne dzə̀ wo vé‑eè saŋen yír sé wìr ve á kù‑uù wíy lùŋ sho, é bo ndzə wìy a kèʼ.

1 Joon 1:9

Yii bèy, a wìr tuúne vinyo ve wù jayin, Nyùy kù nèn làysìn, e sù njò rə, wù wàa dzə là jay, bìʼ fo dzəə̀n kinyo ke wù‑uù kàʼàn, a wù kù yii yii vinyo və́ réŋ.

2 Tesalonika 1:8

A Jesus wíy wìy a dzə̀ é mvə̀m kiliìmé ke və̀y, e nèn màʼ ŋgeʼ e wír ve á méŋ Nyùyi, e kfə̀n màʼ e wír ve á tenen sáʼka Nyùy wo juŋ woo kùm wun woo Taàtá wòsən Jesuse.

1 Korin 15:34

Vèn maʼti kiyúŋsì ki, e lèʼ fó bǎm vinyò ve bi ví. M yén ji wír vén ámóʼó yòʼ kì á Nyùy gheéy. A m suuy bèn, é vèn fíʼ a woomé.

1 Korin 1:21

A bó wun woo Nyùy wo wù kiìn vinyo vidzə̀m yòʼ‑oò lo biìmé ji dzə̀ wíri kìíy wun a dzə̀ fo áwuné vifii. Wù‑uù sìysì ji wun luŋer a dzə̀ á wír ve á biimen kinyo ke vèr fiʼtì, aá shéʼ sheʼén ji vinjeenjèm kìn.

Ŋwàʼ woó Rom 3:26

Wù nen dìn a dzə̀ lèn wo Jesus kpuun ji wun kù yòʼ sáʼ rú ajay wìr dzə̀m, aá wáa yen ji wù kù yii yii vinyo və́ tìítiy, là jay, e kfə̀n a yen mo wù li wír líin ji woo là jay, a dzə̀ woo shó wo wù wáy shilív e Jesus wùn.

Ŋwàʼ woó Rom 3:11

A bó wìr yòʼ dzə̀ wo wù kiìn vinyo ve dzəə̀n ve ru ví, kìn wo wù taʼ, e kiíy Nyùy.

Ŋwàʼ woó Rom 1:28

Mo wíri tenen fó way vifií é vinyò ve ví din rú mo Nyùy dzəə̀n, wù nen màʼtì, vifií vév ví wáa tiy a dzə̀ é liì kisaŋ, á wáa yiì vinyo ve bó ví yoʼ ghèén ji dzə̀ wír, wù wàa yiì.

Lim Aŋgàa Ntum 26:18

À wíy dù, e mvə̀ʼtì sí yév, e fəə́r áwune fó ndzə vitsə̀ʼ, e tiír fo meranén. A dzə̀ jii, à wíy fəə́r áwune fo Satan wo, e siìr e Nyùy mbìv, aá wáy shilív e mǒ wùn, é Nyùy laysin vinyo vév ve bi ví, aá wáa ker sa kilíŋ e wír ve Nyùy‑iì liìn ji və́ adzə̀mé mvəm.›

Lim Aŋgàa Ntum 17:23

Mò‑oo lóo ghan e věn ntèʼ, a leéy virə́ʼ vén vé cù, e dù, e mèé fomóʼó, e yèn, aá sáŋ fó jii, ‹Kirə́ʼ ké nyùy wo bó á yòʼ kiìn.› Nyùy wo vèn sí ghvə́m, a bó á yòʼ kì və̀n, dzə̀ woo shó wo m suuy e vèn lèn.

Joon 17:23

Mo wòsò dzəə̀n kintatì, vèr áwune lóo dzə sa kintatì, aáwune nèn màysì, e tàtí ŋkuuŋkùŋ, a dzə ji kitú kimòʼón, é wír veé ndzə fène yén ji ntum ye mò‑oò loòn dzə̀ rú ye, e kfə̀n yèn sá ji à koŋ wír vìn réŋréŋ mo à koŋ mo.

Joon 17:21

A m lón jii, à ku yiì, aáwune tátí adzə̀m, a dzə ji kitú kimòʼón réŋréŋ mo wò woo Tàr dzəə̀n wòsò, a wòsò dzə̀ ji kitú kimòʼón. Ku yiì, aáwune wáa dzə sa e wòsò mvəm, é wír veé ndzə fène fíʼ biimé ji ntum ye mò‑oò loòn dzə̀ rú á ye.

Joon 17:18

Mo wò‑oò tumen mo é ndzə fèn, m tùm ne sa áwune fo wír veé ndzəə.

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

Joon 16:30

Vèr kìíy ne lèn ji à kì vinyo vidzə̀m, a bó shií yòʼ dzə̀ə́ wo wìr rə́sí, a sòv wò sóvin, a vèr biìmé ne lèn ji wò‑oò lò rú fo Nyùy.»

Joon 16:3

Aá wíy a yiì bèy, bìʼ fo bó á yòʼ kiìn mo, a bó á yòʼ kì sá Tàr wor.

Joon 8:19

Á ku nèn sàyín jii, «Tàr won wo à yoŋ və̀n dzə̀ feé?» Jesus bìnèr jii, «Vèn yòʼ kì mo m dzəə̀n, a bó vèn yòʼ kì sá Tàr wor. A vèn kì kì mo m dzəə̀n, vèn nèn kìíy sa Tàr wor.»

Joon 6:19

Á kú a kìy kikóŋ, a dù, e lòo meé fomóʼó, aá kì màʼtì ne shúu kwaʼ moo amay ataár kìn akweè bèy, e yèn Jesus, a wù ghán a dzə̀ é kitu ke ndzəv, wiy, méʼ kikóŋ. Wún wóví kuúsí, á wáa fàn.

Joon 3:17

A bó Nyùy yòʼ tùm Wán və é ndzə fèn ji wù wáy wíri a dzə̀ é lòn. Wù tùm ji wù yii, é wíri luŋ.

Joon 1:18

A bó wìr yòʼ‑oò yiì ne yèn sí Nyùy. Kù jòʼsì màyshó Wàn Nyùy və̀n wo wù dzə́ e Tàr wóv ghaŋ, wo wù dìnèn e wíri mo Nyùy dzəə̀n.

Matio 16:16

Simon Pita bìnèr jii, «À dzə̀ Mfə̀ə́r woo Wan Nyùy, Nyùy wo wù gòʼòn kàŋ mòʼón.»

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

Aysaya 45:21

Vèn wiy ri e nsaʼ yen, e naàrì. Vèn kfəynin, e rə̀tì, e fə̀ə́r kinyo ki. Vinyo ve ví kooy lèn, yì‑iì yìysí la fó ŋgùʼ? Feyì feyì, yì‑iì yoòyí la fó yàŋgùʼ? Bó yòʼ‑oò yoòyí mo woo Nyùy Tàr a? Nyùy wùmòʼ yòʼ kfə̀n dzə̀ shó, e shaà mo və̀n. M dzə̀ Nyùy wo wù yii vinyo tìítiy, a m dzə̀ Mfə̀ə́r, a bó Nyùy wùmòʼ yòʼ kfə̀n dzə̀.

Ŋgaà Yen 16:5

M yú mo nshìylav Nyùy ye yì màʼàn lòn é ndzəv rə̀y suuy jii, «Nyùy, à dzə̀ e ránén. Wò‑oò sì, aà kù dzə̀ lèn. À tìnén ne vinyo vìn réŋ.