Joon 17:24 - ŊWÀʼ NYÙY

²⁴ «Tàr, mo m sí kfə́n fo wò wùn lèn, m koŋ ji wír ve wò‑oò foon e mò víne wáa dzə vèr áwune fo m dzəə̀n, aá fíʼ a yen vikuʼùy ve wò‑oò foon e mò, bìʼ fo wò‑oò sí koŋ mo, é bo ndzə wìy a kèʼ.

Joon 17:24 Referans Kwoze

Joon 17:5

Tàr wor, ku kfə̀n fò mo vikuʼùy vém viy lèn wo m tíy e wò si və̀n, vikuʼùy ve mò‑oò sí kér wòsò, é bo ndzə wìy a dzə.

Joon 12:26

A wìr taʼ ji wun wáa dzə wán wom lìm, wù kù a ghan vèr wun. M lóo dzə fo m dzə́, é kú a dzə vèr wun. Wìr wáa lìm fo mò, bo Tàr wor wíy bùʼ ŋgaàŋ.»

Joon 14:3

M yíi dù, náŋsin kirə́ʼ kee shoon, é m nèn kfə̀n, e lì ven, é vèn wáa dzə sa fo m dzə́.

2 Korin 4:6

Yì‑iì mvə̀ʼ Nyùy vifií vér, é bo vèr yén rán, a kiíy Jesus. A kù dzə̀ wun woo Nyùy wo wù‑uù suuyin fó shuù ji ndzə rán, yì nèn ràn. Vèr nén a yen mo vitaáví vé Nyùy vi lim e Kristu wùn, a kiíy mo wun woo Nyùy ghaʼan.

1 Joon 3:2

Ŋkàr sem, vèsən dzə̀ rú wón Nyùy lèn. A bó vèsən yóʼ ne kìíy mo vèsən wíy a dzə e ghan se sí wiyì. Ke vèsən kiìn kí dzə̀ ji Jesus wíy wìy, é vèsən wáa dzə réŋréŋ moo wun, a vèsən wíy yen rú mo wù dzəə̀n.

Kèʼlo 45:13

Vèn fer e tàr wòsən vijuŋ vém ve m dzəə̀n shó e Ejiv vidzə̀m, e kfə̀n fèr kifá ke vèn yenen kí kidzə̀m. Vèn yii cércér, e dù, e lì tàr wòsən, e sə̀y shó fèn.»

2 Korin 3:18

Vèsən adzə̀m nén a dzə lèn, a bó Kiyoy kee shooy ki yòʼ dzəə́ laynìn fo vèsə́n si, vitaáví vé Nyùy vi wáa yensín e vèsə́n wùn ghán sidzə̀m. Kiyoy ke Tàr wòsən kin ki kfə́n a lìm e vèsə́n wùn, a yiì, vèsən wáa kuvsín, a dzə moo wun woo Kristu, a dù duùn fó mbìy, a ker vitaáví ve dzəə̀n vé Nyùy.

Matio 25:21

Tàr wov shéʼrí jii, ‹Beerì feyì, à dzə̀ wánlè woo jwáʼ, aà kér liì wo juŋ. Mo wò‑oò siiyin, a leéy fo shifarìn fèn kijuŋ, m yíi lèm wò lèn, áà wáa leéy fo ke kuʼùn kí. Shaà ri, e nə̀ə́ e mǒ mvə̀m vijùŋ.›

1 Tesalonika 4:17

é bo ve á dzəə̀n shó e ghan see shooyi báʼtí wùn áwune, a koʼ e mvə̀m mbàʼ, é wùn à Taàtá Jesus tárnín é taa yuv. Á mo vèsən wíy koʼ bèn, é vèsən à Taàtá Jesus nèn a dzə ghán sidzə̀m.

Ŋwàʼ Luk 12:37

A bòŋ ké wón lìm ve tàr wov yíi lòo wìy, aá dzəə́ kiʼì. Vèn wáa kiíy rú jii, wù yíi wovtí ndzə̀y sə́, e suúy, aáwune dzəʼəm, é wù taʼ vifá ve yi, e jàv, aá wàá yí.

Ŋgaà Yen 3:21

Vèn wáa kiíy jii, wìr wo wù wíy so vinyo veé ndzə ye bi rə̀n, dzə̀ wo m wíy lì, é vèr wun wáa dzə e mǒ kàvàʼ, réŋréŋ sá mo mò‑oò soon vinyo veé ndzə, Tàr wor Nyùy lì mo, vèr wun wáa dzə e wùn kàvàʼ.

1 Korin 13:12

Vèsən dzəə́ yén vinyo lèn ji làʼrì làʼrì mo wìr yèn sí rə́ é mendzə̀v. Yii bèy, wíy lòo dzə e ghan see shooy, é vinyo vidzə̀m vi nèn ràn e vèsə́n si. Lèn və̀n, m kìíy vinyo kimbéʼ, a wíy lòo dzə e ghan see shooy, é m nèn màysì, e kìíy vinyo vidzə̀m réŋréŋ mo Nyùy kiiyin ne vém vee vinyo lèn.

Matio 26:29

Vèn wáa kiíy jii, bó m yòʼ dzəə́ wìy no meluʼ me *vayin mèn, e meé e ghan se Nyùy woo Tàr wor wíy a saʼ vifon və́, é bo vèsən nó meé ndzə ye fíy.»

Matio 25:34

«Wù javsìnè, é wun woo Fon nèn sùúy e veé koy yìyí jii, ‹Ven ve Tàr wor bùʼùn ne, vèn wiy, e nə̀ə́ e wùn mvə̀m saʼ, a yi vijuŋ ve wù‑uù naŋsin fó ŋgùʼ, é bo ndzə wìy a kèʼ, e lèm e vèn.

Filipi 1:23

M sí dzə́n a dzə̀ tùʼtàn, a m sí taʼ lèn feyì ji m ku màʼtì dzəʼə̀m rə̀n, e dù, a dzə a vèr Kristu. Á yee shoon yee dzəʼə̀m ye yí bòŋèn, e shaà.

2 Korin 5:8

Mo vèr kù sí leey a dzə̀ fó mbìy, vèr lo, á nèn a yen ji bo á kì kpù á lèn, e màʼtì vən woo wún, e dù, a dzə vèr à Kristu e wùn laʼ yeé yuv.

Ŋwàʼ Luk 23:43

Jesus suúy shó jii, «Kú a kiíy rú ji wòsò yíi a dzə e Nyùy kirə̀ʼ ké vijùŋ lán.»

Joon 1:14

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

Ŋgaà Yen 21:22

M yén láʼ yee shooy, e làa yòʼ yen lav yìmòʼ fó jeéy ji ye Nyùy Tàr, wun woo Nyùy woo Ŋgaà Vitaàví Vidzə̀m, a wùn Wàn Njiì və ghán fo virə́ʼ vidzə̀m.

Matio 25:23

Tàr wov shéʼrí jii, ‹Beerì feyì, à dzə̀ wánlè woo jwáʼ, aà kér liì wo juŋ. Mo wò‑oò siiyin, a leéy fo shifarìn fèn kijuŋ, m yíi lèm wò lèn, áà wáa leéy fo ke kuʼùn kí. Shaà ri, e nə̀ə́ e mǒ mvə̀m vijùŋ.›

Joon 6:37

A wír ve Tàr wor foon ji vém adzə̀me kù wíy a tàʼ mo, a wìy, a yen, a bó m yòʼ wíy jùm wo mòʼón gheéy.

Joon 6:39

Kinyo ke ŋgaà wo wù tumen mo koŋ ki dzə̀ jii, lá m yòʼ biìmé, é wìr mòʼón lay fo ve wù‑uù foon e mòó, é wíy lóo dzə e ghan sé bàm sí, é m fəə́r áwune adzə̀m fo kpu.

Joon 8:58

Jesus bìnèr jii, «Vèn wáa kiíy rúrú jii, bo á wáa dzəə́ Abraham, a m sì.»

Joon 15:9

«Mo Tàr wor koŋ mo, dzə̀ réŋréŋ mo m koŋ sa ven. Vèn ku nèn a yiì vinyo a dzə̀ ve dzə̀ m wàa kòŋ ven.

Joon 17:2

Wò‑oò tàtí ne wír adzə̀m ji á wáa yu a dzə̀ fo mò woo Wán, é m wáa fo dzəʼə̀m yee là may a dzə̀ e vee shooy ve à shoʼon, e fò ji vémé.

Joon 17:22

Vikuʼùy ve wò‑oò bùʼùn mo shó vi dzə̀ sá ve m bùʼùn ne áwune shó, aá wáa dzə ji kitú kimòʼón réŋréŋ mo wòsò dzəə̀n.

1 Pita 1:21

Vèn nén a way shilív e Nyùy wùn lèn, a dzə̀ bìʼ Kristu wo wù‑uù tumen, wù wìy, e kpù fo vèn. Wù kfən fə̀ə́r fo kpu, e bùʼ e vikuʼùy və́ ví. Melív men mè nén a tiy lèn a dzə̀ e Nyùy wùn, vèn wáa leéy fó mbìy ji wù li sá ven, e wày e wùn mvə̀m vijùŋ foo fèy.