Joon 17:20 - ŊWÀʼ NYÙY

²⁰ «M yòʼ bunrì a dzə̀ fo wír vìne cáʼcáʼ. M bunrì sa fo wíri adzə̀m ve á wíy siíy, a yu kinyo ke wír vìne fiʼtì, a way sa shilív e mǒ wùn.

Joon 17:20 Referans Kwoze

Lim Aŋgàa Ntum 2:41

Wíri yú kisúŋnìn ke Pita kìn, ámóʼó biímé anín, á wáy áwune é ndzəv. Wáa dzə e kishiíy fóo fèy, wíri tátí ŋgoo wìr Jesus ansə̀kì ataár.

Lim Aŋgàa Ntum 4:4

Yii bèy, wír anín ve vé‑eè yuun kinyo ke Pita wùn Jooné biímé, e tàtí wír Jesus, á wáa dzə lèn moo ansə̀kì atàn bèy.

Efesor 4:11

Mo wù kfənen, e nèn jàv ambùʼmé e wíri é kitu kitu. Wù bùʼ ámóʼó, á wáa dzə aŋgàa ntum və́, ámóʼó wáa yu kinyo fo Nyùy, a tiisí e wíri, ámóʼó wáa fìʼtì kinyo kfə́ e wír ve bó á yòʼ kiìn Nyùyi, ámóʼó wáa leéy fo kintatì ke wìr Nyùy ki, ámóʼó wáa yeʼéy kintatì.

Ŋwàʼ woó Rom 16:26

Nyùy nen yiì, vèsən kiíy lèn, a dìn fo aŋwàʼ aŋgàa ntum Nyùy mo vé‑eè sí gáʼ fo ŋgùʼ, a fìʼtì lèn e vitúm vi vidzə̀m. Aá kù fiʼtì a dzə̀ mo wun woo Nyùy wo wù dzəə̀n shó ghán sidzə̀m suuyin, é wíri wáa bìnkìr, a way shilív e wun wùn, a yu a dzə̀ fo wun.

2 Timoti 1:2

A m sáŋ a dzə̀ fo wò woo Timoti. À dzə̀ wán wom féyì, a m kòŋ wò e ŋàŋ. M nén a lon jii, Nyùy Tàr wùn Taàtá wòsən Jesus Kristu kú a kòŋ wò, a sham wò, a yiì, é shilív shé shi wáa dzə nyaáŋ ghán sidzə̀m.

Joon 10:16

A m kér sa njiì wùmòʼ, a bó wù yòʼ sì é ŋgoo fèn. M kér fó yìi baʼtí woo shooy e dzə̀m, aá yíi a yu jí yem, a wìy, é ŋgoo njiì nèn a dzə e mòʼón, é nshìy wáa dzə sa e mòʼón.

Joon 17:19

M nén a fo kitú kém e wò bìʼ áwune vin, aá fíʼ a dzə rú wír vé ŋkuuŋkùŋ.

Joon 17:21

A m lón jii, à ku yiì, aáwune tátí adzə̀m, a dzə ji kitú kimòʼón réŋréŋ mo wò woo Tàr dzəə̀n wòsò, a wòsò dzə̀ ji kitú kimòʼón. Ku yiì, aáwune wáa dzə sa e wòsò mvəm, é wír veé ndzə fène fíʼ biimé ji ntum ye mò‑oò loòn dzə̀ rú á ye.