Joon 17:2 - ŊWÀʼ NYÙY

² Wò‑oò tàtí ne wír adzə̀m ji á wáa yu a dzə̀ fo mò woo Wán, é m wáa fo dzəʼə̀m yee là may a dzə̀ e vee shooy ve à shoʼon, e fò ji vémé.

Joon 17:2 Referans Kwoze

Joon 6:39

Kinyo ke ŋgaà wo wù tumen mo koŋ ki dzə̀ jii, lá m yòʼ biìmé, é wìr mòʼón lay fo ve wù‑uù foon e mòó, é wíy lóo dzə e ghan sé bàm sí, é m fəə́r áwune adzə̀m fo kpu.

Joon 6:37

A wír ve Tàr wor foon ji vém adzə̀me kù wíy a tàʼ mo, a wìy, a yen, a bó m yòʼ wíy jùm wo mòʼón gheéy.

Daniel 7:14

Á fó wun vitaáví vé saʼ, e fò wun vikuʼùy, wù wáa saʼ vifon, é wìr dzə̀m fíʼ a lìm fo wun, kìn dzə̀ wir kitum kìka, kìn woó wòŋ vəné, kìn wù súŋnin a dzə̀ lám gha. Sáʼ rəə́ dzə̀ sáʼ, a yí kù wíy a tiy fo, a bó yòʼ dzə̀ yí wìy mày. Vifon və́ ví dzə̀, a bó yòʼ dzə̀ kifá ki wìy laàr.

Joon 17:24

«Tàr, mo m sí kfə́n fo wò wùn lèn, m koŋ ji wír ve wò‑oò foon e mò víne wáa dzə vèr áwune fo m dzəə̀n, aá fíʼ a yen vikuʼùy ve wò‑oò foon e mò, bìʼ fo wò‑oò sí koŋ mo, é bo ndzə wìy a kèʼ.

Matio 28:18

Jesus kóʼtí, e sùúy aáwune jii, «Nyùy wày ne sáʼ yeé yuv wùn à yeé nsayi e dzə̀m e mǒ kiwo.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

Joon 17:9

«M nén a lon kinyo ke m lón kìn a dzə̀ fo áwune vee shoone. Bó m yòʼ lón fo wír ve dzəə̀n veé ndzə fène, m kù lón a dzə̀ fo áwune ve wò‑oò foon ji vém víne, bìʼ fo dzəə̀n wír vé.

Joon 17:6

«Mò‑oò ló a dìn mo wò woo Tàr wor dzəə̀n e wír ve wò‑oò shoʼon fo veé ndzə fèn, e fò ji vémé. Kù‑uù kér wò wír vee shoon, e bóo fo ji vém. A vé‑eè lo yù kinyo ké, e kù nèn lèm.

Joon 4:14

Yii bèy, a bó kilòŋ kí yòʼ dzəə́ wìy yum wír wo wù nó mendzə́v a dzə̀ me foon mo. Mee shooy mè wíy a dzə e ŋgaàŋ wùn ji ntoò ndzə̀v ye yì fəə́ ghán sidzə̀m, fó wun dzəʼə̀m yee là may.»

Joon 3:35

Nyùy Tàr koŋ Wán və, a wù wày ne vinyo vidzə̀m a dzə̀ e wùn kiwo.

1 Joon 2:25

Vèn wáa kuumé ji yì‑iì kàʼ Wan Nyùy və̀n ji wun wíy fo vèsən dzəʼə̀m yee là may.

1 Pita 3:22

e kòʼ é yuv, fo wù dzə́ lèn e Nyùy koy yìyí, sáʼ nshèelav se Nyùy wùn à vitú vév ví, à vifá ve ví kér vitaáví é yuv ví vidzə̀m.

Hibru 1:2

Wáa dzə lèn wo ndzə sí wìy a mày, wù nen tùm a dzə̀ Wán və, wù wáa tiisí kinyo kfə́ e vèsən. Dzə̀ Wán və və̀n wo wù‑uù foon vitaáví shó, wù bóm ndzə. Wù kfən lèm ji wù wìy yòv ndzə yee shooy e dzə̀m, a saʼ.

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

Ŋwàʼ Jud 1:21

Vèn wáy vifií vén ví cáʼ ji vèn kú a yu a dzə̀ á fo Nyùy, é wù maysi, a kòŋ ven. Vèn wáa shìy ji nyaáŋ, é Taàtá wòsən Jesus Kristu wìy kfə̀n, e shàm ven, e lì, e wày é dzə̀ʼə̀m yee là may.

1 Joon 1:2

Á mo Nyùy‑iì yiìn, é bo wíri yén dzəʼə̀m yee là may. Mo vèr yenen wun wo wù fó dzəʼə̀m yee shoon, e nèn a fìʼtì e wíri. Ku nèn a dzə kíwun ke m fer e vèn lèn. A ŋgaà dzə̀ʼə̀m woo shooy‑iì dzə́ a dzə̀ wùn Nyùy woo Tàr wòsən. Ghán sí wìy ghèén, Nyùy dìn wun e vèr.

1 Timoti 1:16

Jesus Kristu nèn shàm mo woo fon aŋgàa vinyò ve bi ví və̀n ji wun fíʼ dìn a mo wun yii kfə́men ji weè, shiyì, é wíri fíʼ a yen, a way shilív sá e wun wùn, e wìy nəə́ e dzə̀ʼə̀m yee là may.

Filipi 2:10

é wír ve á dzəə̀n é wòŋ woó yuv, wùn à veé nsayi, à vee aŋkfəə́ wòŋe lóo yu yír Kristu yee shoon, aá wáa gvəʼtí e wùn si.

Efesor 1:20

ve wù‑uù fəərin Jesus Kristu sho fo kpu. Wù fəə́, wù lì, e kòʼór e yuv, e dzə̀ʼə̀r e wùn ghaŋ e wùn wòŋ woó yuv.

1 Korin 15:25

A wun woo Kristu kù wíy tòmbìy a saʼ, e dù, e meé e ghan se Nyùy wíy màʼrì aŋgaà və́ vibàn adzə̀m, é wù tiír wuú rə́ é kitu wo.

Ŋwàʼ woó Rom 6:23

Vinyo vìn vidzə̀m vi nén a dzə jii, vilaʼày vé vinyò ve bi ví kù dzə̀ á kpú yee ŋkuuŋkùŋ. A ke Nyùy buʼ wír sho búʼun ji fómo woo kisáŋ ki dzə̀ dzəʼə̀m yee là may, ye ŋgaàŋ kooyin bìʼ fo wù tatin wùn Tàr wòsən Jesus Kristu.

Nsùyrì Nyùy 110:1

Nyùy Tàr‑iì sùúy e tàr wor jii, «Dzə̀ʼə̀m e mǒ koy yìyí, e meé e ghan se m wíy neèr aŋgaà vé vibàn e wò si, áà tiír wuú yé sho.»

Joon 6:27

Lá vèn yòʼ a way vifií é vifa ve yi ve wìr yí, bo wù kù dzəə́ wìy kpu. Vèn wáa way vifií a dzə̀ é vifa ve yi ve ví fó dzəʼə̀m yee là may. Kù fó ŋgaà wo yírí dzəə̀n *Wanwìr vee shooy vee vifá ve yi, bìʼ fo Nyùy Tàr wayin kisəə́y ké lìm yee shooy a dzə̀ e wùn kiwo.»

Matio 25:46

Jesus nèn màysì jii, «Vee shooy vee wíri dzə̀ ve á wíy dù e kirə̀ʼ ké ŋgeʼ yee là may, é wír Nyùyi nəə́ kév a dzə̀ é dzə̀ʼə̀m yee là may.»