Joon 17:19 - ŊWÀʼ NYÙY

¹⁹ M nén a fo kitú kém e wò bìʼ áwune vin, aá fíʼ a dzə rú wír vé ŋkuuŋkùŋ.

Joon 17:19 Referans Kwoze

Hibru 2:11

Wùn à Jesus wo wù yii, aá gheen ji wón Nyùyi nén a ker Tàr wov e mòʼón, a dzə̀ Nyùy. Á kinyo ke kí‑iì yiìn, bo Jesus wáa yòŋ áwune ji afə́r və́, e làa yòʼ a dzə̀rkìr.

Titur 2:14

Wù‑uù fò kitú kfə́, e kpù fo vèsən, e tìn vèsən fó vinyò ve bi ví vidzə̀m ji wun náŋsín wír ji və́, aá wáa dzə là jay, e tiír vifií ji á wáa yiì a dzə̀ vinyo ve juŋ vi.

Joon 17:17

Kú a yiì, aáwune wáa kiíy kinyo ke dzəə̀n ke ru kí, a dzə ji wír vé ŋkuuŋkùŋ. Kù dzə̀ jí sé, kinyo ke ru kí.

1 Korin 1:2

a m sáŋ a dzə̀ fo vèn vee wír veé Korin ve vèn tatin ji wír Nyùy. Kù‑uù shàv Nyùy ven ji vèn à Jesus Kristu tátí, é vèn wáa dzə wír wun woo Nyùy, mo wír ve á yoŋ yír Tàr wòsən Jesus Kristu adzə̀me dzəə̀n virə́ʼ vidzə̀m. Wù nén a dzə Tàr wòsən réŋréŋ mo wù dzəə̀n sá wóov.

2 Timoti 2:10

M nen sə̀ ŋgeʼ sidzə̀m, é wír ve Nyùy‑iì shoʼon ji vəə́ fiʼ tàtí wùn à Jesus Kristu, e lùŋ, e nə̀ə́ e vijùŋ vee là may.

1 Tesalonika 4:7

Bó Nyùy yòʼ‑oò lo shòʼ vèsən ji á wáa yiì liì joònè və̀n. Wù‑uù shòʼ ji á wáa ker liì a dzə̀ wo wìr ve dzəə̀n və́.

2 Korin 8:9

Vèn kì sá mo Tàr wòsən Jesus Kristu‑uù shamen vèsən. Vifá vidzə̀m vi dzə̀, a yì‑iì kér wun, wù màʼtì bìʼ vèsən, e wìy e ndzə ji ŋgaà kitàn. A wù‑uù yii bèy, ji vèsən fíʼ nəə́ e Nyùy mvə̀m vikùʼùy.

2 Korin 4:15

Vèr ku nèn biìmé ŋgeʼ sidzə̀m ji vèn fíʼ a yu kinyo ke Nyùy, é wíri kú a kiíy a Jesus, a dù duùn fó mbìy, é Nyùy wáa bùʼ áwune, a lì ji wír və́, aá wáa beèrì wun aneénín, a koʼór yír rə́.

Hibru 9:26

A kee shooy ki‑iì dzə̀ é shií, bo Jesus kù dzəə́ rə́si kpú, kfə̀n lo kpú, e kèʼ mo Nyùy‑iì bomen ndzə. Ké Jesus ki dzə̀ jii, wù wìy e ghan se ndzə ye mvə sí shaa sìn ji wun mayir vinyo ve bi ví, e fò kitú kfə́, e tàŋrí wíri shó kàŋ mòʼón.

Hibru 10:29

Mo kí dzəə̀n bey, bo bó wìr wo wù leey kfə́ a dzə̀ Wan Nyùy ntéŋ yòʼ wíy a ker ŋgeʼ ye yì shaàn yee shooy feyì à? A dzə̀ wù kù a ker, bìʼ fo wù yii bèy, káy a dzə̀ kpú ye Wàn Nyùy‑iì kpuun, e bóo gwàr *mensaŋ me Nyùy liìn ŋgaàŋ ji və́ə woo wír. Ŋgaàŋ kfə́n a meŋ sa a dzə̀ Kiyoy ke Nyùy ke kí yii, a wìr kiiy mo Nyùy shám wun.

Hibru 9:13

Yì‑iì dzə̀ fó mbìy, wìr li *kifàn, bír fó a yiì lim Nyùy, á lì mensə́ me nyàm ntàŋrí, kìn dzə̀ me bvəy, kìn me mbòŋ, kìn á lì a dzə̀ kibvə́ ke nyàm cù ye á tònèn, yì shwí, e rèŋ, e wàŋrí e ŋgaàŋ wùn, wù nèn ràn fó fo.

Aysaya 62:1

Bìʼ koŋ ye m kér fo wír veé Sione, m yòʼ yíi yàr fó a toŋ e Nyùy ji wù sə́ áwune. Bìʼ áwune vee wír veé Jerusalem, m kù yíi a nəə́ aáwuné kinyò, là meemè. M kù yíi a nəə́, e dù, e meé mo Nyùy wíy yiì, é vinyo vév vee réŋ ví fəə́sín. M kù yíi a tom, e meé mo Nyùy wíy lùŋèr áwune, é wíri yén, kù moo ji bán kikaʼày.

Hibru 9:18

A kù dzə̀ ke kí‑iì kooyin é ghan se Nyùy‑iì gwàrìn mensaŋ me mbìy mè, é bo mè meé é kinyò.

Joon 10:36

m wáa dzə kém wír wo Tàr wor Nyùy‑iì shoʼon, e tùm é ndzə fèn, vèn kfə́n a suúy ji m táŋ kilíŋ ke Nyùy, bìʼ fo m suuy ji m dzə̀ Wan Nyùy moó le?

Jeremia 1:5

«Mò‑oò kìíy ne wò, e bóo wìy a bom wò e yè wón bvə̀m. É bo á wìy a dzəə́ wò, a m lém ne wò ji wír woo jeéy. Mò‑oò shòʼ ne wò ji à wáa tiisí ntum yem vitúm vidzə̀m.»

Joon 15:3

Kù dzə̀ mo vinyo ve m yeʼeyin ven shó vi naŋsin ne ven, vèn wáa dzə ajuŋ.

Joon 15:13

A bó yòʼ dzə̀ wìr kòŋ wíri, e shaà yee ji wù fó kitú kfə́, e kpù fo ŋkar sə́ sí.

Joon 17:20

«M yòʼ bunrì a dzə̀ fo wír vìne cáʼcáʼ. M bunrì sa fo wíri adzə̀m ve á wíy siíy, a yu kinyo ke wír vìne fiʼtì, a way sa shilív e mǒ wùn.

2 Korin 7:14

A mò‑oò ló a burí ven e wun woo Titur feyì, wù wìy, e yèn ven, la kí yòʼ shaà fo ghaŋ. Kí nèn kòóy ji kinyo ke mò‑oò meer yír yén shó vèr Titur kìn ki dù, a dzə ke ru kí, réŋréŋ mo vinyo ve mò‑oò yiìn ne sùúy e vèn ví kù yii dzə́ ve ru ví.

Kolosia 1:6

Sáʼka və̀n sí ghán lèn virə́ʼ vidzə̀m, du duùn fó mbìy, yii, a wíri yú vijuŋ anín. A kù dzə̀ mo sáʼka woo shooy yii e věn mvəm, e kèʼ fo kishiíy ké mbìy ki ke vé‑eè wìyìn, e fìʼtì e vèn. Vèn‑eè yù mo Nyùy koŋ ven, shám ven, vèn nèn kìíy ji dzə̀ á kinyo ke ru kí.

1 Joon 3:3

Kí nén a dzə jii, wìr wo wù leey fó mbìy, shiy Jesus, yii baamè vinyo ve bi ví, ji wun fíʼ a dzə là njò, réŋréŋ mo Jesus dzəə̀n.

1 Joon 3:18

Wòn vem, lá vèsən yòʼ a suúy a dzə̀ fó shuù ji vèsən koŋ afə́r vesən. Vèsən wáa kòŋ áwune rúrú, a sə áwune.

Kintaŋ 7:15

Wù kfən fò nyám se cù ye tonèné, a sí dzə̀ jii, wan nàʼ woo lumèn e mòʼón wùn à kiyáʼ ki, à wan kiyaʼ woo kiyá,