Joon 17:18 - ŊWÀʼ NYÙY

¹⁸ Mo wò‑oò tumen mo é ndzə fèn, m tùm ne sa áwune fo wír veé ndzəə.

Joon 17:18 Referans Kwoze

Joon 20:21

Wù nèn kfə̀n sùúy aáwune jii, «Nyaáŋ kú a dzə e věn mvəm. M sí túm ven lèn mo Tàr wor‑iì tumen sá mo.»

2 Korin 5:20

Vèr nén a ghan ji ŋkùvtu wun woo Kristu, wáa dzə mo jaŋ Nyùy ven. A vèr boorì ven e Kristu yir jii, vèn ku wìy, é Nyùy mán á ajay vén, é vèn áwune kfə́n kijuŋ.

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

Joon 4:38

M nén a tum ven lèn ji vèn káv ri vifá ve bó vèn yòʼ‑oò lo lìm. Yì‑iì lìm wír ve səné, a vèn sí káv lèn, yú vijuŋ fo áwuné lìm.»

Matio 10:5

Jesus túm áwune, e sùúy jii, «Vèn du, lóo ghan, lá vèn yòʼ a dù fo vitúm ve bó yòʼ dzəə̀n wír veé Isray vi. Lá vèn yòʼ a nəə́ sa e wír veé Samariàá ŋka.

Efesor 3:7

Kù‑uù lì wun woo Nyùy mo ji m wáa lìm fo wun, a fìʼtì kinyo kìn, mo wù bùʼùn mo, m kiíy mo kí dzəə̀n, a kù lim və́ vee vitaáví e mǒ wùn, bo m wáa kiíy.

Joon 17:23

Mo wòsò dzəə̀n kintatì, vèr áwune lóo dzə sa kintatì, aáwune nèn màysì, e tàtí ŋkuuŋkùŋ, a dzə ji kitú kimòʼón, é wír veé ndzə fène yén ji ntum ye mò‑oò loòn dzə̀ rú ye, e kfə̀n yèn sá ji à koŋ wír vìn réŋréŋ mo à koŋ mo.

Joon 17:21

A m lón jii, à ku yiì, aáwune tátí adzə̀m, a dzə ji kitú kimòʼón réŋréŋ mo wò woo Tàr dzəə̀n wòsò, a wòsò dzə̀ ji kitú kimòʼón. Ku yiì, aáwune wáa dzə sa e wòsò mvəm, é wír veé ndzə fène fíʼ biimé ji ntum ye mò‑oò loòn dzə̀ rú á ye.

Joon 17:8

Mò‑oò lo tiìsí vinyo ve wò‑oò tumen mo shó aáwune vidzə̀m, áwune biímé, e nèn kìíy rú ji m lò a dzə̀ fo wò, a yiì tùm wò mo.

Matio 23:34

«Vèn yuúrí, m wíy tum wír ve á wáa yu kinyo fo Nyùy, a fìʼtì e vèn, e kfə̀n tum ve dzə̀ á dùŋrì kijuŋ, e tum sa wír ve Nyùy foon vifií aáwune. Aá wíy wìy, é vèn wáa ta ámóʼó é vintam, a yuyrí ámóʼó yuyrín, a koo ámóʼó é ŋgày se bùnrì, a buʼ, a ròn wuú wìr vìn ntèʼ sidzə̀m.

Joon 17:25

Éè Tàr, kù yii yii wò kinyo kee réŋ, a bó wír veé ndzə fène yòʼ kì wò. Yii bèy, a mò‑oò kìíy ne wò, a wír vém víne kìíy ne rú ji mò‑oò lò ntum a dzə̀ ye.

Joon 3:17

A bó Nyùy yòʼ tùm Wán və é ndzə fèn ji wù wáy wíri a dzə̀ é lòn. Wù tùm ji wù yii, é wíri luŋ.