Joon 17:15 - ŊWÀʼ NYÙY

¹⁵ A bó m yòʼ lón bèn ji à fəə́r áwune fó ndzə fèn. Ke m lón ki dzə̀ ji à kú a shìy áwune fo Satan woo ŋgaà vinyò ve bi ví.

Joon 17:15 Referans Kwoze

Nsùyrì Nyùy 121:7

Nyùy Tàr kù yíi a kìŋsìn wò fo kileemé. Wù yíi a bavtí dzəʼə̀m yé.

1 Joon 5:18

Vèsən kì ji wìr wo siìn wan Nyùy yòʼ kfə̀n dzə̀ wù wàa yiì vinyo ve bi ví, bìʼ fo Jesus woo Wan Nyùy sí shiy wun. A bó yòʼ dzə̀ Satan woo ŋgaà vinyò ve bi ví kfə̀n kùm wun gheéy.

2 Tesalonika 3:3

Fo vèn, vèr nén a tiír vifií ji Taàtá Jesus kù wíy a tavír a ven, a shìy ven fo Satan woo ŋgaà vinyò ve bi ví. Dzə̀ kinyo ke wù‑uù kàʼàn, a bó yòʼ dzə̀ wù lòʼ ven.

Galatia 1:4

A Jesus Kristu və̀n‑eè lo biìmé kinyo ke Nyùy woo Tàr wòsən‑eè sìysìn. Wù‑uù fò kitú kfə́, bìʼ vinyo vesən ve bi ví ji wun fíʼ taŋrí vèsən, aá boy fó ndzə yee lèn ye dzəə̀n ye vinyò ve bi ví.

Matio 6:13

Lá à yòʼ màʼtì, é vinyo ve ví mum ver ví gháʼ ver. Kìŋsìn ver fo Satan woo ŋgaà vinyò ve bi ví.›

1 Wòŋ 4:10

Jabes wìy bùnrì Nyùy wìr veé Isray jii, «Kii wò, ku səə̀vì mo, e kùʼùr nsay yem. Kú a kìŋsìn mo, e làa yòʼ màʼtì, é m nəə́ é ŋgeʼ, a yu nyár.» Nyùy‑iì yù bunrì rə́, e fò wun kifá ke wù‑uù lóné.

Ŋwàʼ Luk 11:4

Ku làysìn ajay vérí, bìʼ fo vèr laysìn vé wìr ve á jayin e vèr. Lá à yòʼ màʼtì, é vinyo ve ví mum ver ví gháʼ ver.› »

Nsùyrì Nyùy 30:9

Mò‑oò gháy jii, «A m kpù, bo séʼ dzə̀ ka e wò? Du yém yee aŋkfəə́ wòŋe wíy fo séʼ a dzə̀ ka? A dzə̀ ŋkfəsày wàa burí wò à? A dzə̀ wù wàa fìʼtì koŋ ye à koŋ wír vé, e dù, e jòʼsì a?»

2 Timoti 4:8

A m kì jii, Taàtá wòsən Jesus wo wù wíy a tinén kinyo ke wìr réŋ mo kí dzəə̀n lèm ne a vinə́ŋsí vém, a wù wíy kfən e kishiíy fó, é wù fó, é m sov ji fəə yém nsiì. A bó wù yòʼ wíy fo a dzə̀ e mò cáʼcáʼ gheéy. Wù wíy fo e wír ve vé‑eè koŋ wune adzə̀m, shiy ji wù wiy.

Aysaya 57:1

Wír ve á yúnin Nyùyi lo, á sàsìn, e gbù, e kpù, la wìr yòʼ a ghay ji sà kooy ka bén a? Kpúu lo, yí tàyrí wír vee jwáʼ, e wày é sày, yii bèy, a wìr yòʼ gwarìr kinyo ke kí kooyin. Kí lo, kí kòóy bey, bìʼ fo Nyùy lo, wù tsə̀ʼ wír ve á yú wun, e kù tsə̀ʼ bèy, e fíʼ kìŋsìn áwune fó viròm veé nsay fèn.

Kèʼlo 48:16

Nshìylav Nyùy ye yì sə́ mo fó ŋgeʼ sidzə̀m, kú a səə̀vì wón vee vilum vìn, é wíri wìy a kiíy yír yém wùn à yé atàr vém vee Abraham wùn Aysi. Wù ku yiì, é rám yéví kuʼ é kitu ke nsay, a dzə nyanyày.»

Matio 5:37

Vèn lóo suúy kinyo ke á suuy kidzə̀m, kí kù a dzə ji eè, kìn ji àáy. A wìr suuy kinyo e shaà kin, bo kee shooy ki lò a dzə̀ fo Satan woo ŋgaà vinyò ve bi ví.

Ŋgaà Tàrvìnyò 9:10

Kifá kidzə̀m ke à yuun fó a lìm, à kù a lìm vèn à shilív shé shi shidzə̀m, a lìm, a kiíy jii, aàŋkfəə́ wòŋ fo à du, bó á yòʼ yii lim lim fo, a bó wìr yòʼ kfə̀n kwaʼtì kinyo fo, a bó wìr yòʼ kiiy kinyo fo, é bo wìr wáa ker vifií fó.

Ŋwàʼ Luk 22:32

Yii bèy, a m bùnrì ne fo wò ji lá shilív shé shi yòʼ wìy kpù kpuún fo mǒ wùn. Shí kfə́n wíy lóo tav, áà wáa tavír sa afə́r vé.»

1 Joon 5:19

Vèsən kì sá ji vèsən dzə̀ á wón Nyùy, yii bèy, a wír ve dzəə̀n veé ndzə fèn adzə̀me dzə̀ kév e ŋgaà vinyò ve bi ví və̀y kiwo.