Joon 17:10 - ŊWÀʼ NYÙY

¹⁰ Wír ve m kér adzə̀me kù dzə̀ ji vé, a vée dzə̀ vém. A dzə̀ áwune vin ve á din mo vikuʼùy vém ví dzəə̀n.

Joon 17:10 Referans Kwoze

Joon 10:30

a vèr Tàr wor dzə̀ ji kitú kimòʼón.»

1 Pita 2:9

Yii bèy, fo kén kí, vèn dzə̀ kén rám, a shòʼ Nyùy ven. A vèn dzə̀ atàá cù, lim a dzə̀ fo wun woo Fon. Wù‑uù nàŋsín ven ji kitúm kee jeéy kí, vèn wáa dzə və́ vee wír ji vèn wáa fìʼtì vijuŋ ve vinyò ve wù rə́si yii e vèn, ven ve wù‑uù fəərin fó ndzə vitsə̀ʼ, e wày e wùn mvə̀m ran ye ghaʼáné.

2 Tesalonika 1:10

Wír və́ adzə̀me wíy yen vikuʼùy və́ ve ghaʼán vin vi é kishiíy fóo fèy, e jaáy, a sùyrì wun. A vèn wíy a dzə sa e ŋgoo foo fèy, bìʼ fo vèn‑eè biimen kinyo ke vèr‑iì fiʼtì e vèn.

Kolosia 2:9

Kristu dzə̀ kinyo kidzə̀m ji Nyùy. Mo wù‑uù liìn mbom wìr, vinyo ve Nyùy vi nén a yensín e wun wùn vidzə̀m.

2 Tesalonika 1:12

Nyùy wòsən wùn Taàtá wòsən Jesus Kristu ku sə̀, é vèn wáa yiì vinyo vìn vidzə̀m, a ghvəm Jesus, a sùyrì wun e dzəə fóo fèn. Vèn lóo yiì bèy, é wíri kfə́n a burí sa ven bìʼ wun woo Taàtá wòsən Jesus.

Filipi 1:20

Kinyo ke m taʼ feyì, e way vifií shó cáʼ ki dzə̀ ji lá kí yòʼ kòóy a ji m yii kinyo ke kí wáa fo mo woómé. M kú a kur shilív, a tiy kitávín ghán sidzə̀m, bo taaka lèn və̀n, kìn dzə̀ ji á yúyri mo, kìn m goʼ e tin, é kinyo ke m yii kidzə̀m ki wáa meér yír a dzə̀ yé Kristu.

Lim Aŋgàa Ntum 19:17

Wír veé Efesor wùn à wír veé Juda vee fó adzə̀me yú kinyo kee shooy, a fàn. Wíri ku nèn a ghvəm yír Taàtá Jesus, a shaàsìn.

Joon 11:4

Jesus yú, e sùúy jii, «Bó yàsí və̀n yòʼ dzə̀ wo kpu. Kù dzə̀ ji wù yii, aá yén mo vitaáví vé Nyùy vi dzəə̀n, a burí a dzə̀ ŋgaà wo dzəə̀n Wan Nyùy.»

Joon 5:23

é wìr dzə̀m fíʼ a ghvəm Wán və réŋréŋ mo á ghvə́m wun woo Tàr. A wìr dzə̀ là fó a ghvəm Wan Nyùy, bo bó ŋgaàŋ yòʼ ghvə́m sa Tàr wov wo wù tumen wun.

Galatia 1:24

Á yú bey, e kù nèn a burí Nyùy búrín bìʼ kinyo ke wù‑uù yiìn e mò.

Joon 12:23

Jesus suúy aáwune jii, «Á lèn wo Nyùy sí yiì bùʼ ŋgaà wo yírí dzəə̀n *Wanwìr e vikuʼùy ve ghaʼán ví.