Joon 17:1 - ŊWÀʼ NYÙY

¹ Mo Jesus suuyin vinyo vìn ví mày, wù nàn sí, e lèéy yúv, e yòŋ jii, «Tàr, ghán sí ghèén ne. Ku dìn rì vikuʼùy vé Wan wò vi ji wíri lóo yen, aá wáa yen vikuʼùy a dzə̀ vé.

Joon 17:1 Referans Kwoze

Joon 12:23

Jesus suúy aáwune jii, «Á lèn wo Nyùy sí yiì bùʼ ŋgaà wo yírí dzəə̀n *Wanwìr e vikuʼùy ve ghaʼán ví.

Lim Aŋgàa Ntum 3:13

Yiì Nyùy ji wun kóʼór yír Jesus woo Ŋgaà və Lìm, wun woo Nyùy wo dzəə̀n wo atǎr ram yesən. Dzə̀ Nyùy Abraham, à wo Aysi, à wo Jakov. Jesus woo shooy dzə̀ wo vèn‑eè gòvtìn, e lì, e fò e vé saʼa, Payler lòo màʼtì, vèn sháʼnín.

Joon 7:39

Jesus wáa suúy kin, a wù yoŋ a dzə̀ Kiyoy ke Nyùy ke wír ve á wáy shilív e wùn wùné wíy a ker. Wáa dzə e ghan see shooy, a bó Nyùy yóʼ ne tùm Kiyoy kee shooy, bìʼ fo wù yòʼ‑oò ló ne kòʼór Jesus, wù nəə́ e wùn vikùʼùy.

1 Pita 1:21

Vèn nén a way shilív e Nyùy wùn lèn, a dzə̀ bìʼ Kristu wo wù‑uù tumen, wù wìy, e kpù fo vèn. Wù kfən fə̀ə́r fo kpu, e bùʼ e vikuʼùy və́ ví. Melív men mè nén a tiy lèn a dzə̀ e Nyùy wùn, vèn wáa leéy fó mbìy ji wù li sá ven, e wày e wùn mvə̀m vijùŋ foo fèy.

Joon 11:4

Jesus yú, e sùúy jii, «Bó yàsí və̀n yòʼ dzə̀ wo kpu. Kù dzə̀ ji wù yii, aá yén mo vitaáví vé Nyùy vi dzəə̀n, a burí a dzə̀ ŋgaà wo dzəə̀n Wan Nyùy.»

Maak 14:41

Wù kfən lòo kfən fo akàŋ vee ataár, e dzə̀r aáwune jii, «Vèn kù sìíy, a buuné ji á meemè à? Kí ghèén ne. Sì ghán se á sí wáy ŋgaà wo yírí dzəə̀n Wanwìr və̀n e wír ve bií wo.

Nsùyrì Nyùy 123:1

M kù nan sí yém é mvə̀m bùnrì, leey a dzə̀ wò, wò wo à sáʼ vifon e yuv.

Joon 11:41

Á nèn tsə̀ʼ kilán kìy. Jesus leéy yúv, e yòŋ jii, «Tàr, m beerì feyì mo à yuun kinyo kém.

Joon 8:20

Jesus wáa suúy vinyo vìn e ghan se wù‑uù yéʼey wíri é lav cù, aáwune kaárí a dzə̀ é shùu buu fo á yii fó mbàm se Nyùy. A bó yòʼ‑oò dzə̀ wír, wù ghàr wun, bìʼ fo ghán se Nyùy‑iì sìysìn sí yòʼ‑oò ló ne ghèén.

Joon 7:30

Á yú kee shooy, e nèn a tàʼ ji á koó Jesus, a bó yòʼ‑oò dzə̀ á kùm, bìʼ fo ghán se Nyùy‑iì sìysìn sí yòʼ‑oò ló ne ghèén.

Joon 16:32

Vèn wáa kiíy jii, ghán sí yíi gheén, a sí sì é kiwo, é vèn táʼrí adzə̀m, e kfə̀n e věn melaʼ, e màʼtì mo vèr mòʼón. Yii bèy, a bó m yòʼ yii dzə́ vèr mòʼón, kù yii dzə́ vèr Tàr wor.

Joon 13:1

Kishiíy ke á kì bvəə́shi, a yi *Ŋkǎʼ Yáʼayshaà ki nèn ghèén, a Jesus kiíy ne ji sì á ghán se wun sí yìi màʼtì ndzə rə̀n, e kfən fo Tàr wóv wùn. Mo wù kù‑uù sí koŋ wír ve yiì dzəə̀n və́ é ndzə fèn, wù ku nèn a kòŋ bèy, e dù, e mày.

Ŋwàʼ Luk 22:53

Mò‑oò rə́si dzə́ vèsən é lav cù vishiíy vidzə̀m, la vèn yòʼ kùm mo. Ghán se dzə̀ vèn yiì kinyo si nen ghèén a dzə̀ lèn, a sì ghán se Satan wo wù kér ndzə vitsə̀ʼ sí sáʼá.»

Ŋwàʼ Luk 18:13

Wìr wo wù‑uù báʼti mbàm se bàràʼ və̀y ku tìím kfə́ a dzə̀ fó bàm, e jòór kitú, e wày wóm, a lon jii, ‹Éè Nyùy, ku rə̀r mendzən mem mè, mo woo ŋgaà vinyò ve bi ví.›

Aysaya 38:14

Mò‑oò tóŋ sə́mo, a jì ndzəy moo ye shinə̀n, tóŋé, a jì ndzəy, kù moo ji kónsi kibìŋ. M yòʼ‑oò dzəə́ yú fóo nàn sí, e leéy yúv, e lon sə́mo. Tóŋ yémé kù‑uù dzə̀ jii, ‹Éè Nyùy Tàr, m dzə̀ é mvə̀m nyar, ku sə̀ mo.